Yeremiya 6:5 - Ala Wone Peenok Peebi Mbanak

⁵ Yogondak oonikiya yi paga aret oba kwi'nari unggwogwe, Obak wurik nogo langgunogo pugwi, Eeruwok o,” Yinuk, yereegwaarak.

Yeremiya 6:5 ပူးပေါင်းရင်းမြစ်များ

2 Mbinineegwaarak 36:19

Ala awi wurik kani pege, o Yerutalem yendok-wandok yugum pak wurik nogo, langgunogo pit nage, aap yo'nggok inawi o nggwok abe wurik me, yi mendek ndi mendek abe wonage nogo inom kani pege, eereegerak.

Ndawi 48:3

Aap inowe endagembogut awi o nggwok abe eegu pak enegen kunik me wurik wonage nogome Ala wonage, Kota ti, pak wurik kwak, at eebe aret wonage, Eeke agaarik o.

Yetaya 32:14

At kinowe endagembogut awi abe nggwok wurik nogo mbo pege, Kinawi kota noone-koone agan nugu menggam nogome yi oone ndi oone lek age, Puut paga inawi abe wurik inarum logorak nggayo wurik nogo inom ndengga-ndengga wambemenggerak me, Aakumi logogun lek teppugwi, O time keledai nggwiya inale'nggen nen inawi miikkologwe, Kambin-ndomba inagari'ngga mbanogo nenet nugwi, Eerugun o.

Yeremiya 17:27

an wone yoragagirak konembunuk nogo 6 yippunuk ko'lu paga alik leenogo pugwi lek, ne 7 ti paga inamendek luurik-maarak aago wonok o Yerutalem tu unggwi wogo menggam unggwi wogwe iinok, o Yerutalem tu unggwogo menggam time kani noguk yuurak lek mendek wuninogo piminggirak paga, aap inendagembogut inawi nggwok abe wurik abok aret kani pup eerogo nengge logogin, yegerak, yoret o,” yinuk, yo'negerak me, yokkiragi o.

Yeremiya 52:13

Wage nagagerik, Aliku ALA awi wurik inom, aap endagembogut awi o nggwok abe wurik inom, it aap nagawan-nagawan inawi wurik o Yerutalem wonage abok aret inom, kani pit nage nagagerik,

Yeremiya 52:7

Aganake mbareegi, it aap Yekura ineegin warak abok aret oonikiya it aap Mbaben mendek o kota wanggeppiinok wonogwe iigak, o kota yugum pak wurik nogo, eno pelembunuk, aap endagembogut eyabu yarak me koorok owa'nagat peenok-peenok wurik kagak, oolo tu unggwogo menggam nogo paga wundi nogo nogogwaarik, kole mbaganit o Araba niyo Yoraran kobappaga ari nawok nduk nogwe me,

Yeremiya 9:21

Nineebe kambuurak ninawi wurik pugagi ambe mbanak me nen muk unggwi wage, Ninawi nggwok abe wurik kagak unggwi wage, Eeke logonet, Elege-aabologwe tu paga nugwi nogo inoorogo piinet nage, Wologwe tawe o kota-kota nugwi nogo ambeme yonggorinabit nage, Eekerak o.

Oteya 8:14

It Iterali an nen ogobakkigirinabeegirak nogo inami eerogo mbo paninuk, Inoweewi inendagembogut inawi nggwok abe mban wurogo piinet nogwe, It Yekura mendek nen kota-kota ambik aret wurogo pit nanuk, yugum pak nggabe eerogo pit nogwe, Eereegwaarak kwe, An nen o kota-kota time abok aret kani kunik mbo wuppi woraagin me, kani nen pup eerogo nagin o, yinuk, yegerak me, yokkiragi o,” yoragagirak.

Amot 2:5

An nen o Yekura yime kani nappi woraminggirak paga o Yerutalem yugum pak wurik me inarum logorak inawi wurik nogo kani nen lek eerogo nagin o,” yinuk, yegerak o.

Obaya 1:1

Aap Obaya nen abinggaanggo kagagerak nogo yi aret. Aliku Itok Menggerak ALA nen o Erom eeppuurak yereegerak nogo yi aret. Aliku ALA nen wone yegerak ninaruk konenggoorak nogo ti, Aap ambi nen, “Nit mi'nogo logomonggoorik, o Erom mendek ninom wim eeri nawok o,” yinuk, Yi aakumi ndi aakumi yoranet nawak nduk, nappegerak ti aret.

Takariya 11:1

Kat o Libanon yi wae. Kani nen kageyo nggabina nawak nen karungga paarogo patit nak o.