Yeremiya 6:30 - Ala Wone Peenok Peebi Mbanak

³⁰ Naliku ALA nen it nogo mbo piyareegirak me, Mbuti perak mbo pugu mendek it aret, yogo menggaarak o,” Yinuk, yo'negerak me, yagi o.

Yeremiya 6:30 ပူးပေါင်းရင်းမြစ်များ

2 Endagembogut 17:20

Ti eekwi iinok, Aliku ALA nen it inanebunu Iterali mendek wiganak abok aret aaninggin inoba piige logonet, aap inanini ambik aap inooka ineenggime piigak mban eereegi-eereegi peebi inoba abera'lek mbo tek eerogo piyareegerak.

Ndawi 119:119

Aap maluk mendek nggween paga menggaarak abok aret Inambeebuk negen mbo piige menggendak me, Eekaatak ndak-ndak eeppiigo logorak koone yugu nogo Niniki kundugu minggirak o.

Ndawi 53:5

It aap Ala apuri inooriyak eekwi nogo Ala nen mbo piige mbaremenggi, It Ala apuri nen tebenogo piinet nugwi iigak, Ala nen inowak nggininogo nappit namenggerak inigen kaagun kwe, It maluk eeka nogo nen Ala apuri inagabiti aganaburak mendek eeppiiga'lek iigak, Ala apuri ti, nonggop nduk it paga inagabiti nen inamineeri ne agan nage agaarik o?

Kini Wuppiige 25:4

Mbuti perak nggween inom wonage nogo leenogo nappege kenok, mbuti perak mban agaatak me, aap mbuti perak paga ogobakkigika inake age menggerak.

Yetaya 1:22

Mbuti perak yi'mbaani kunogo pege, Anggur amburu at mendek mban wonage me niyo inom nenggelak-kenggelak age, Eeke menggi kwak, Kat Yerutalem togop aret agandak wonage agandik o.

Yetaya 1:25

An nen at Yerutalem ena koonogo pege logonet, Ambuti perak yi'mbaani kunik nogo koorogo pege, Mili lenggenak wonage nogo mbeenogo nappege, Eeke logominggirik,

Yeremiya 14:19

Kaliku ALA wae. It aakumi Yekura mendek abu mbo piige, It Tiyon mendek mondok keebi inombake, Eeke agandik? Nit obeelom ee'ninaburak meek andi mban kogo logowok nduk, nonggop nduk andi-pandi eerogo pinanege agandik? Niniki ugun tayenak logowok mbakoorak kwe, obeelom eerogo pinaniyak ambi ari waga'lek wonage, Andi-pandi ee'ninake nogo lek eerogo pinanuwak lak, ao, mbakwi kwe, ninamineeri ne agan noorak mban ee'ninake, Eeke agaarik o.

Yeremiya 23:33

Aliku ALA nen ari logonet, “It aakumi yi nen a, Ala yegerak me yagi o, yaga nen a, it an neebe unde nen a, kat yokkogo logonet, Aliku ALA iniki aaninggin logonet, yokkegerak nogo ngge o? Yokkugwi iinok, kat nen it yorage logonet, Naliku ALA an niniki aaninggin wonage nogo ti, it paga aret me, mbo piyaagin, yegerak, yoraamunggun o.

Yeremiya 7:1

Aliku ALA nen at Yeremiya wone ambi yoge logonet,

Yeremiya 7:29

Naliku ALA nanini it aakumi yogondak ndarak yi, inoba agaarak wonage nogo, Neebi o, yinuk, mbo piigirak me, ineeruwak mbanogo mbo punuk, puut puluk ko aago paga lagi nanuk, le ndawi piyanggo logowak, yegerak, yoret o,” yinuk, yo'negerak o.

Oteya 9:17

Ndi, kit nogo ti, Ala wone konembunuk liirogon eekwi lek me, Nogoba Ala nen kit mbo pinagamenggerak yi aakumi ndi aakumi inenggela'me yagak-ndagak nugu logomunggup nduk, Mak eerogo pinagagin o, yinuk, yokkiragi o,” yoragagirak.

Takariya 11:8

Wogoren nege logonet, tut ambi owak eerogo punuk, ambi penenak paga it ndomba ndegeninaka ineebe kenagan nogo wumbiyareegirak. Wumbiige mbareegi, it ndomba nogo nen an pe'neyoorak ineebi nombakwi iige nagagirik, ambinom ndegeninaburak anggon ee'nake kenok,

Matiyut 5:13

Wone ambinom yorage logonet, “O nggween paga yime mayu andi warak wurik pogom ti, kit aret kwe, mayu andi lek wurik kenok, nonggop agago andi warak eerogo puurak mbakop? Andi wonage nen, ambi eeriyak op aret kwe, andi lek kenok, mbo pegaatak me, aakumi inigen kogo nagaatik, Yi abe lek me, yinuk, iniyok paga pelenogo nappit nogo menggaarak aret o.

Oroma 11:1

Togop me, an wone ambi kin wokkiya o. Ala nen at apuri aa'nduk miirinabeegerak nogo, mondok-mondok mbo piyareegerak mbakop? Abu lek o. An togon Iterali mendek aret. An nombo Abarakam aret me, nanebunu ti, Mbeniyamin mendek aret o.