Yeremiya 6:25 - Ala Wone Peenok Peebi Mbanak

²⁵ Kinom wim mbanak ti, inarege-inawooluwak mik-kwit eeppunuk wonogwe, Ndi, kinaagan-kinambokan kinamineeri ne agan noorak aago wonogwe kogwe, Eekwi me, Kineyabu eerit wunggwi, tu nggwok paga nogwe, eeriyak mage o.

Yeremiya 6:25 ပူးပေါင်းရင်းမြစ်များ

2 Mbinineegwaarak 15:5

Ne ti eyom paga yi aakumi ndi aakumi yi o ndi o wonogwe nogo abok aret naalop-kaalop aago wonogwe me, wondet aago nugu logorak meek aret wonogogwaarak.

Ayup 18:11

Agabolo nirik-kirik eerogo puurak mendek enaagan-ambokan wonage, At nage kenok, mugurok aret nage,

Ndawi 31:13

It aakumi ambik nen nabok agan nugwi, Nenaagan-nambokan eerit nugwi paga naganak waruwak nduk, agan nugwi, Maluk eeppanuwok nduk, Iniki ambit eeppunuk, wone mbanggwi, Nooruwak nduk wone koonogo pugwi, Eeko agaarik o.

Yetaya 1:20

Eeriyak, ineebi mba'nuk, mbo pugwi iinok perak, Wooluwak nen ambeme yonggorinabigin o,” yinuk, Aliku ALA nen abet aret yegerak me, yokkiragi o.

Yeremiya 14:18

O kota nen endekem wundi nanuk, aap wooluwak paga inoorak wonogwe iige, Ti'nuk, o kota unggwi woraanuk, time it aakumi mbi abu nen kambit nogwe iige, Eeke agarik o. It aap an yorage neegak yoraga inom, it an neebe unde inom, nigiren o it nugulik me piya nagaarak wonogo agaarik o, Yinuk, yoret,” yo'negerak me, yagi o.

Yeremiya 20:10

It aakumi apit aret nen, Inamineeri ne agan noorak mendek yi o ndi o ndak warit nege o. At eekerak yora nawi, yora nawi, yinuk, Inoone mumun paga yogwe naruk konengge agarik o. Noreewi kunduk nen an ambi eeriminggirak paga yilunnabuwok nduk, to'neego logonet, Ambokan laganemenggaarak paga yigeebu wangge kagak Nit tebenogo punuk, oone omaawi paga yo'nirage nagaarak nogo onggo eeppuwok o, yinuk, yogo agaarik o.

Yeremiya 30:5

Inagabiti nen inoone nggwok yogwe, Iniki ugun tayenak lek inamineeri ne agan nage kagak inoone yogwe, Eekwi nogo naruk konengge agaarik o.

Yeremiya 4:10

Ari mbaki, an nen ari logonet, “Kaliku Kitok Menggendak nogoba ALA wae. Wooluwak ninikinggup paga pabunik wonage kagak, kat nen, Kiniki ugun tayenak logonip o, yo'nirage nagandak nogo paga nit aakumi yi inom, it o kota Yerutalem menggaarak inom, mondok iya ninambokan laganggendak mbaki o,” yinuk, yogirak o.

Yeremiya 4:5

“It o Yekura menggaarak inaruk paga pege, It Yerutalem menggaarak wone yoranet nage, Eeriyak nogo yi aret. An o omarip paga pa'nggwe nen aaninggin inoba piya wage, Abu alik negen eerogo piya wage, Eeke me, O yime abok aret oone nggwok eeka trompet nogo, Oone pu eeko logonip o, yorage, Kuwak eeppunuk, o kota-kota yugum pak wurik me time, Kole mbaganip o, yinuk, kuum-keek eerogo nappit nage, O Tiyon ena time o, ena time o, yinuk, ndiimbu walok eerogo nappuwak nduk, yorage, Puk aga'lek inagap ndakko'nok kole mbaganuwak nduk, yorage, Eeke logot o,” yinuk, yo'negerak me, yokkiragi o.

Yeremiya 46:5

It iniki ma'nage, inakom niruk nogwe, Inawuri wim eeka wakaa'ngget muk tebenogo piigwi iinok, Inambokan ina logurogon na'naga'lek kole mbaganggwi, Ambime nonggok yagak, ambime nonggok yagak mbaganggwi, Eekwi an nenegen iige ti, Nonggop nduk eeko agaarik o,” yinuk, Aliku ALA nen aret yegerak o.

Yeremiya 49:29

Eeke logonet, it inawooliya wurik oo'ngget maarak yum tabak inom, inaanggumi ndomba inom, wonok nage, Oo'ngget maaka yum tabak inom, inamindik-inamendek abok aret inom, inaanggumi unta inom, kabologo wagangge, Eeke logonet, Iniki ma'naruwak nduk, Kinaagan-kinambokan kinagabolo nirik-kirik eeriyak mendek kinoba kwi'naga o, yinuk, keekok piyanggaawak o.

Yeremiya 49:5

It yi awi ndi awi inaagan-ambokan wonogwe abok aret nogo nen Inamineeri ne agan noorak mendek inoba kwippiya woraawak nduk, nappiya woraagin o,” yinuk, at Omaawi Lombok Menggerak Aliku inogoba ALA nen yegerak me, yokkiragi o. “Ti eeppiige neenok, it inalitik-inalitak o time nen mugogo wumbiyamenggaarak ambime agak eerit nugwi nogo At ambi nen it kuwak eerogo piyaagin lek aret o.

Yeremiya 8:14

It Ala apuri nen yogo logonet, “Nonggop nduk nit yime kwi'ndik-kwi'ndak mban ogoorik? Nit nen at Aliku ninogoba Ala maluk eeppogoorak paga at nen niyo kanggo menggaarak mendek toologo wo'nirage, Ninenggaawak lek eerogo pinanikit nduk koonogo pege, Eereegerak me, Nit mbet-mbet kuwak eekwi, Kuwak eeppunuk, o kota-kota yugum pak wurik me time unggwi nogo logomonggoorik, kambit nogwe, Eeruwok o.

Yeremiya 8:15

Nit niniki ugun tayenak logorak niniki lunik wonogoorak kwe, obeelom mendek ambi eeppinanit wage lek Maluk mban eeppinanit wage, Yogondak yi eyom paga andi obeelom eerogo pinaniyak niniki lunik wonogoorak kwe, Ninamineeri ne agan noorak mban ee'ninake, Eeke agaarik o.

Leendawi 2:22

Inale'nggen paga lariyak inayonggo pogo mengga kwak Kat nen inamineeri ne agan noorak mendek nenaagan-nambokan wanggeri woraawak nduk, inayonggo piyareegindak o. Kaliku ALA kanini eeppaneegindak eyom paga aap ambit ambi mbagangge, agap ndakkolage, eerulik aret o. It an nen yanggoninake, tawe eeginake, eereegirak nogo nawim nen lek eerogo piyareegerak o,” yinuk, yoreegerak.

Yetikiyen 21:17

Ti eeke kagak an kunduk, neenggi telak eeke, nanini age nogo tebenogo pege, Eerigin o, yinuk, Naliku an ALA nen aret yagarak me, yoret o,” yinuk, an yo'nereegerak o.

Yetikiyen 7:18

Eeko logonet, inayum nibinik maluk mendek yirikkologwe, inagabiti mban inagabolo paga ninggirik wonogwe, inenggali nen inete kumaakko'nok nugwi, inanobak puluk ko eerak wonogwe, eerugun o.

Lukat 19:43

Ala yi eyom aret neya wagaarak o, yinuk, yelok koolik me, kame nen wundi nage keyo, it kinom wim mbanak nen yagat wurogo pagagwi, wanggekkakwi, agi-ogu nen, iru-ogwe nen, yigikkabuwok nduk, panggo yi wogwe, eeko logonet,