Yeremiya 6:11 - Ala Wone Peenok Peebi Mbanak

¹¹ Kat kanini it inoba piyoorak nogo an ninikime kani pogom kerek togon eerogo pani wage paga puk ariyak meek tit ee'nake agaarik o.” Yoge mbaki, at Aliku ALA nen, “Nanini kinikime wonage ti, Elege tu paga wonogwe nogo inoba piinet nage, It aap tawe kuwak aago nogo inoba piige, Eeke logot o. Eeppiinet nage keegak, kumi-aap inogonggelomini-inakuwi inom wogoren nogwe, Aap inanggok inom, it aakelo inom, abok piginakwi, Eerugun o.

Yeremiya 6:11 ပူးပေါင်းရင်းမြစ်များ

Yetaya 40:30

It aap tawe nogo inomaawi lek a'nuk, ta'liila eeginake, Ndi, wologwe-komologwe kunduk, iniyogobit lik togon yigeebu wanggwi, Eeko menggaarak kwe,

Yeremiya 15:17

It aakumi kuwak a'nuk inagi'ndok kambuurak agan nogo logonet, ugun-ugun eekwi, Wone i'ndok kambuurak mban yogwe, Eekwi me time An ninom kwi'nageelik o. Ata, koone eeke logokit nduk, keenggi pi'nake, It eekwi ti mendek neebi lombok mbarikit nduk, eeppanege, Eekendak paga Nalik mbeyok togon aret kwi'narit nege minggirak kwe,

Yeremiya 15:6

At nen eebi nombake, an mbo paninuk mbagangge, Eekerak paga An yanggo yinuk, ambinom puk ariyak meek me, yogondak neenggi omaawi paga at eebe lek eerogo pigin aret o,” yinuk, Aliku ALA nen aret yegerak o.

Yeremiya 18:21

Togop me, it aap ti, inapurilogwe mbi abu nen kanggwi, Wooluwak paga ndanuk togon inookwi iinok kanggwi, It inakuwi ti, inaagalogwe kobak ogwe, it kumi togwe aret ogwe, It mendek inowe-inawot aap nogo kugi andi nen kambit nogwe, Inawuri nogo wim eeko logonet, maale paga inoorak kambit nogwe, Eeruwak nduk eeppiyet o.

Yeremiya 20:9

Togop kwe, an niniki mbake logonet, At Ala endage ambinom kungge, Ala yo'nege kagak yokkiragi o, yinuk, ambinom yorage, Eerigin lek o, mbake paga Koone yorage logorak ninikime kani wuninik kwak nowak enoona nenet unggwage, Yoraga'lek wone nggerembunuk, porogo wonage, Eeke paga Neebe abu ndeyak lombok ee'nake me, puk logorak meek ee'nake o.

Yeremiya 5:9

It ti eerit nugwi iigak, an nen onggo eeppiiga'lek teppiyoorak op mbaken? It aakumi togop eekwi paga nanini mbake nogo tayo yuwak nduk, eeppiyoorak lek mbaken? Eeppiyaagin aret o.

Yeremiya 7:20

Yo'nege nagaarik, Aliku Itok Menggerak ALA nen yegerak nogo yi aret. “Nanini kani kunik pogom o yi paga wuppi woraminggirak paga aakumi ineebe inom, inaanggumi inom, inageyo inom, ineyabu yarak anggen mbanak inom, abok aret nenet nage logogin me, nogonogo puurak meek aret kaagun,” yegerak o.

Yeremiya 9:20

Togop me, kit kumi yi wae. Aliku ALA wone yegerak yokkirage yi, kinaruk konenggwi, At ambe me nen wone wungge nogo kinaruk konembunuk waganggwi, Eeko logonip o. Kinaagalogwe komologwe leenggu maakak yuwak nduk, mamunirogwe, Kit ambi nen leendawi it ambi mamuniragak eekwi, Eeko logonip o.

Yeremiya 9:21

Nineebe kambuurak ninawi wurik pugagi ambe mbanak me nen muk unggwi wage, Ninawi nggwok abe wurik kagak unggwi wage, Eeke logonet, Elege-aabologwe tu paga nugwi nogo inoorogo piinet nage, Wologwe tawe o kota-kota nugwi nogo ambeme yonggorinabit nage, Eekerak o.

Leendawi 1:15

Nogoba nen it aap an nawuri wim eeka ninom minggirak abok aret mbo piige, An tebenogo panugo logonet, naagalogwe aap tawe lek eerogo piyaawak nduk, nawim yonggo piige, Aakumi nen anggur amburu aambiranggo mengga kwak, nogoba Ala nen o Yekura Aagalukwe Aap Kigin Waka'lek an nogo iyok aan lebenogo panege, Eereegerak o.

Leendawi 2:21

It aap inanggok inom, tawe inom, tu paga tu paga liirubu enggela'me ngginnarit nogwe, Napurilogwe komologwe tawe inom, wologwe tawe inom, wooluwak paga inoorak kambit nogwe, Eerak aret agaarik o. Kanini nen eeppiyoorak eyom ari wage kenok inoorogo piige, Inabuwa mbaka'lek logonet, inoorogo piige, Eereegindak o.

Yetikiyen 3:14

Konengge mbareegi, Aberiniki nogo nen piyanneren nage mbareegi, nage logonet, neebi lombok mbake, nanini lombok ee'nake, eeke kagak kwe, Aliku ALA eenggi omaawi lombok paga ni'neren

Yetikiyen 3:3

Wo'nege nagagerik, an yo'nege logonet, “Aakumi nen ndarak yi wae. Mbuku pirik-perek eerak an nen wokkigirak ti, kaanogum palek togon namen o.” Yo'nege mbareegi, mbuku nogo ninggigirak. Nengge nagagirik, nambe paga nggiin amburu ombat abe kwak kagagirak o.

Mika 3:8

Togop kwe, an perak, it Yakup mendek Ala wone taganogo pit nugwi, It Iterali mendek maluk eerit nugwi, eekwi nogo Inaruk wake logokit nduk, Aliku ALA Aberiniki paga nomaawi lombok eerogo panege, A'me nggelok eeppiinet nage logonet, nagabiti lek yoranet nage logokit nduk, eeppanege, Eeke agaarik o.

Lukat 17:34

Ne ti eyom paga oonikiya aap mbere tilaabaga nogo yugwi me, ambi wagangge, ambi teppege,

Nappiigak 17:16

At Pawulut nogo it Timotiyut Tilat imbirak wogwe iyo, o Atena toginake logonet, o kota time kugiwak ererengge-mboongge aago ambik endekem-oome wonage kage nagagerik, inikime nen eebi lombok mbareegerak.

Nappiigak 18:5

Ti'nuk, Tilat inom, Timotiyut inom, o Makendoniya nen wogo nogogwaarik, inom logonet, at Pawulut nogo alik ambi eeke logolik Ala wone ti mban yorage logonet, “Ala leenogo mippereegerak Mesias nogo ti, Yetut aret o,” yinuk, it Yakuri mendek yorage nagagerak.

Nappiigak 4:20

Ninaruk konenggwi, ninigen kogwe, eekoorak wone ti, yoraga'lek puk ariyak meek ee'ninake me, yorogo logogun aret o.”

Wayu 16:1

Ti eeke kage nagarik, Ala awi wurik me nen oone nggwok ambi it malayikat ineebe 7 nogo yorage logonet, “Ala anini togolowak 7 paga toolak ti, wonok, aakumi nggween paga wonogwe ti, inoba kilirogo wuppiya nanip o,” yinuk, yorage konenggirak.