Yeremiya 6:10 - Ala Wone Peenok Peebi Mbanak

¹⁰ “Wone yi taani yorage, ta mini kurumbi yorage, eeriyak mbaken? Ndi, yorage neenok, taani nen liippugun mbaken? It aakumi ti, inaruk paarak lek me inaruk koneniyak meek aret o. Kaliku ALA ari menggendak nogo inikilom mbaka'lek miyuk-meya eerogo pugwi me,

Yeremiya 6:10 ပူးပေါင်းရင်းမြစ်များ

Ndawi 1:2

At aap ti nen Aliku ALA wone yugu nogo inikilom mbake, Ala wone ko'lu-kii'me inikime koonit nage, Eeke menggerak o.

Ndawi 119:16

Koone lengganak nogo ninikilom mbake, Eeke minggirak me, An nen kat koone kobak eerogo pigin lek o.

Ndawi 119:174

Kaliku ALA wae. Kat lombok nen nagap ndari woroorak niniki, “Ao,” mbake, Ndi, koone Muta nen liiru mbaneegerak nogo ti, Ninikilom lombok mbake, Eeke minggirak o.

Ndawi 119:24

Koone aberak logorak yugu nogo ti, Eeriyak wone koonogo panega aret me, Ninikilom mbake logogin o.

Ndawi 119:35

Koone, “Yogop ee'nu ndogop ee'nu,” yugu nogo, Eerit nage logorak ninikilom mbake minggirak me, Eerit nage logokit nduk, yo'nege,

Ndawi 119:70

Inamok me inookaatak andi lek menggi kwak, It aap ti, iniki togop aret menggaarak kwe, An perak, koone yugu Muta liiru mbaneegerak nogo An ninikilom minggirak o.

Ndawi 119:77

Koone Muta liiru mbaneegerak ti, Ninikilom mbake minggirak me, Neenik logokit nduk, nabuwa nen eeppanege logot o.

Wundeegwaarak 6:12

At Aliku ALA nen, “Aakumi Iterali apit aret o Metit nen wogoren wundi woraawak nduk, aakumi Iterali mendek inom, Pirawun inom, yora nanip o,” yinuk, Muta Karun imbirak yoragagerak nogo ti aret.

Yetaya 42:20

Yi eekak ndi eekak arit wage ambik aret inigen kogo menggaarak kwe, liippega'lek wonogwe, Yi wone ndi wone inaruk ambik konenit wogo menggaarak kwe, inaruk logu negen eeppunuk wonogwe, Eeko agaarik o,” yinuk, yegerak me, yokkiragi o.

Yetaya 53:1

Wone nit agan wogoorak nogo taani nen abet mbakwi, Ndi, at Aliku ALA eenggi omaawi tiyanak nogo, taamini nen inigen kogwe, Eereegwaarak mbakop?

Yeremiya 35:13

“At Omaawi Lombok Menggerak Iterali inogoba Aliku Ala nen ari logonet, Kat nen it aap Yekura mendek inom, it aakumi o Yerutalem mendek inom, wonogwe me nage logomenggendik, wone yoroorak nogo yi aret. An wone yorage ti, it mamumbunuk eeko logorak meek ya? yinuk, Aliku ALA nen yegerak o.

Yeremiya 4:4

It aap Yekura mendek inom, o kota Yerutalem menggaarak inom, Ala apuri yelok iigo logowak nduk, Inagabolo mbanggo mengga kwak ineebe togop aret Naliku ALA nake leenogo pugwi, Inagabolo mbanogo mbo nappogo mengga kwak, iniki omaawi ti, mbo pugwi, Eeko logowak o. Togop eeka'lek iinok, kani wunuk ari logonet, yi mendek ndi mendek nenet nage kagak nogonogo puurak meek age menggi kwak, Maluk mban eeko menggaarak ti paga an nanini mi'nage logonet, togop aret eeginabit nagin,” yegerak me, yokkiragi o.

Yeremiya 5:21

It inigen wonage kwe, inigen kaga'lek wonogwe, Ndi, inaruk wonage kwe, inaruk konengga'lek wonogwe, Eekwi iniki lek wi-wa ti, Wone inaruk konenggo logorak nogo yi aret.

Yeremiya 7:13

It maluk eekak mban eekwi iinok, Naliku ALA nen, Kinomaluk mbo pinip o, yoragak mban eekitak kwe, inaruk konenggwi, wiiragatak kwe, onggo yo'nugwi, eeka'lek iinok,

Yeremiya 7:26

an yorage nogo inaruk konenggwi, iniki liippugwi, eeka'lek inogogumbuk logonet, inombomini maluk eeko nogogwa kwak lek it yogondak wonogwe yi, abunuk nggwok lombok eeko menggaarak,” yegerak me, yokkiragi o.

Yetikiyen 3:7

it Iterali mendek wonogwe me, nappagage me, kat koone yorage koneniyak ineebi mbarugun o. It Iterali mendek abok aret iniki omaawi inanobak yugum pogom wonogwe me, an noone koneniyak ineebi mbakwi ndak-ndak, kat koone kunduk, koneniyak ineebi mbarugun o.

Yetikiyen 33:3

aakumi nen wooluwak wonok wogwe enegen iige kenok, Wogwe yi aret o, yinuk, kurumbi yorage logonet, oone nggwok eeka trompet nogo oone eeremenggerak

Yetikiyen 33:9

Ndi, aap maluk eeka ti, eerit nage nogo mbo punuk, yungguninuk woraawak nduk, kurumbi yoremenggendak kwe, at nen maluk mbo puurak eebi mbake kenok ti, at omaluk paga aret kambigin kwe, kat perak, kagap ndakkolaamunggun o.

Amot 7:10

Kage mbareegi, o Mbeten ogut ogobakkigirik inaluut eeko menggam unde Amatiya nogo nen Iterali inowe endagembogut Yerobeyam nogo, wone wonok yori woraawak nduk, nappiya wagagerak wogo nogogwaarik, at yogo logonet, “At Amot nogo, kat kimbirak ogookkoloorak nduk, aakumi Iterali inom wone koonogo pege me, at nen ari nogo paga aakumi pilak yogo logonet, ineebi nen kat koone mbo puurak nduk eeko agaarik o.

Matiyut 3:7

Wuppiige me, aap Pariti mendek inom, aap Taruki mendek inom, ambik aret, “Yiime wuppinanuwak o,” yinuk, at owagam wogwe iige nagagerik, it nogo yorage logonet, “Waalo aakumi inooka kuwak eerak pogom kit aret o. Ala anini eeppinani wage nogo, eeppinagage kero, mbaganiyak kurumbi ta nen yokkiragaarak?

Lukat 11:45

Yoge mbareegi, aap Ala wone liiru mbanak unde ambi nen onggo Yetut yoge logonet, “Ngguru wae. Yagandak nogo ti, nit ninom aret ninenggali wappinanege keego o.”

Lukat 20:19

It Ala wone liiru mbanak unde inom, it aap Ala unde inoweewi inom, nen, “Wone eegu laarogo yegerak ti, nit niinok yigi o,” yinuk, yelok kogo nogogwaarik, ne ti eyom lombok Yetut pigaawok nduk, eereegwaarak kwe, aakumi inagabiti nen puk ogogwaarak.

Yaya 7:7

It aakumi nen kit ineebi kinombariyak meek kwe, an perak, it aakumi eeko menggaarak ti, Maluk aret o, yinuk, paganogo yorage minggirak me, ineebi lombok nombako agaarik o.

Yaya 9:40

Yoragagerak nogo it Pariti mendek inom wonogogwaarak nogo, inaruk konenggo nogogwaarik, “A puk! Nit kunduk, ninigen mbuk ninombakendak ya?”

Nappiigak 7:51

Kinogogumbuk kiniki omaawi logonet, Ala oone konengga'lek kit aret. Kinombomini Ala oone taganggo nogogwa kwak, Aberiniki oone taganggwi kit aret o.

Nappiigak 7:60

yinuk, endobanggun yindumbunuk oone nggwok paga ari logonet, “It maluk eekwi yi, onggo eeppiyoorak mage o. Teppiyet o, nogoba!” yinuk, yoge nagagerik, kambeegerak.

Oroma 7:22

Ala nen, “Yogop ee'nu, ndogop ee'nu,” yereegerak wone ti, an ninikime nen eeriyak ti ninikilom aret kwe,

Pelaareegerak 29:4

Kinigen kogogutak kwe, at Aliku ALA nen kit yelok kaamunggup nduk, kiniki ngget wokkirage, kinigen lik togon kaamunggup nduk, kinigen obeelom eeppinagage, liirogon konenggo logomunggup nduk, kinaruk abe eerogo pinagage, eeka'lek o yogondak yi kuli aret wonogo ogotik o.

Kolote 1:28

Togop me, noreewi o. Kit ninapuri abok aret Keritut kinom kunik logonet, kiniki muk kole agaarak kenok, “Ala owagam wokkiren pinagi nawok,” mba'nuk, Keritut eeke nagagerak wone yokkirogo logonet, kinaruk wakwi, niniki abu kwippunuk, eekkinake mugurok mamunggirogwe, eerit nogo ogoorik o.

2 Timotiyut 4:3

It aap wone kole wone mamunik nogo koneniyak, “Nineebi o,” yuurak eyom panggoni woraagin. Panggoni wage kenok, it aap ti nen, “Wone ngge yogwe iyaamun?” yinuk, inaruk nggoonit nogo logonet, wone it inikilom mbako menggaarak mban yogwe iinok, inabu'me unggwogo logogun o.

Iberani 11:7

Aap Nu kunduk, peebi eeriyak awo kin kaga'lek kagak, Ala nen kurumbi yoge mbareegi, “Yi abet aret eeriyak yo'nege kagi,” yinuk, ayuk wuke logonet, akwe-apuri inom inagap ndaruwak nduk, o yiiro wureegerak. Ala nen at yoreegerak nogo abet mba'nuk, yiiro wureegerak ti paga, “Kit aakumi maluk eekwi onggo niyo paga kinoorigin o,” yinuk, ineenu eeppiyareegerak me, nit abet mbakwi paga at Ala nen, “Aap yi, iniki abe koonak aret o,” yinuk, yo'nirage nogo ndak-ndak, at Nu iniki abet mbareegerak paga, “Aap yi, iniki abe koonak o,” yinuk, yereegerak.