Yeremiya 52:9 - Ala Wone Peenok Peebi Mbanak

⁹ inowe endagembogut Terekiya nogo piganok, aap Mbaben inowe endagembogut o Kamat kota Iribila wonage me pi nogo mbareegwa, taati nen, “Ndogop eeppagagun o,” yinuk, yoreegerak.

Yeremiya 52:9 ပူးပေါင်းရင်းမြစ်များ

1 Endagembogut 8:65

At Aliku awi wurik tu paarogo laago lakwi iigak, ne 7 wonogogwaarik, ne ti eyom paga mban at Talomo nen ooliya-ooliya wurit wogogwaarak aberogo laago lariyak koongge mbareegi, it aakumi Iterali agi tu o Kamat unggwi nogo menggam nen nok, ogu niyo Metit kuli nen mondok iya yogolik mendek aret kuwak ari wogogwaarak nogo abok aret aap endagembogut inom Aliku ninogoba Ala enggaanom paga inale'nggen nen laago lakwi iigak, ne 7 ambinom aret wonogogwaarak. Inale'nggen nen laago mbere ti lakwi iigak, lambuk togon ne 14 aret wonogogwaarak.

2 Endagembogut 23:33

Ndi, o Yerutalem endagembogut logonet, wone lengganogo yorage logukwak, aap Pirawun Niko nogo nen aap Yowakat keele maarogo o Kamat kota Iribala mambereegerak time wonage kagak, it Yekura mendek yorage logonet, “Wu mbuti perak aaninggin tiga ribu empat ratus inom, emas aaninggin 34 inom, mbet-mbet kuwak eerogo pi wa'nip o.”

2 Endagembogut 25:6

inowe endagembogut Terekiya nogo piganok, aap Mbaben inowe endagembogut o Iribala wonage me pi nogo mbareegwa, taati nen, “Ndogop eeppagagun o,” yinuk, yoreegwaarak.

2 Mbinineegwaarak 33:11

Aliku ALA nen aap Atiyut mendek inowe endagembogut awuri ineegin warak inoweewi nogo nen it Yekura tebenogo piyaawak nduk, nappiya wagagerak wogo nogogwaarik, aap Manate pippunuk, ogobak me mbuti keele yilunogo pugwi, eenggi-iyok keele mbuti tembaga ogobakkigirik paga maarogo pugwi, eeppunuk, wonok o Mbaben pi nogogwaarak.

2 Mbinineegwaarak 8:3

Yorage nagagerik, Talomo nogo o Kamat-Toba nage nagagerik, o ti tebenggolage,

Yeremiya 21:7

Aliku ALA nen ari logonet, Ti eeke logominggirik, it Yekura inowe endagembogut Terekiya inom, aap endagembogut awuri inom, it aakumi kugilengga paga kanggwi, wooluwak paga warak kanggwi, mbi noogelo paga kanggwi, eeka'lek teppiyamenggerak it o kota yime menggaarak inom, nogo waganogo aap Mbaben inowe endagembogut Nebukanetat inom, it inooriyak eekwi inawim nogo inom, ineenggime piyaminggirak at aap endagembogut ti nen inabuwa mbake, ambi teppiige, obeelom eeppiige, eerigin mondok lek abok aret inoorogo piyaagin, yegerak, yori nabagip nduk, yokkiragi o.

Yeremiya 39:5

it aap ineegin warak Mbaben mendek nen muguren nogo logonet, aap Terekiya nogo o Yeriko kobappaga ari nagagerak wonage me, pippunuk wonok, o Kamat kota Iribila aap Mbaben mendek inowe endagembogut Nebukanetat wonage me pi nogo mbareegwa, taati nen, “Ndogop eeppagagun o,” yinuk, yoge nagagerik,

Leendawi 4:20

Nit nineenik logorak unde wo'ninaka Aliku ALA nen at amburu eerogo mippuurak leenogo pereegerak nogo, labu pugume wangge me pigaganggwi, Yi aakumi ndi aakumi inenggela'me logonet, at abu'me op logorak mbareegurak kwe, pigaganggwi, Eereegwaarak o.

Yetikiyen 11:10

Wooluwak paga inookwi iinok, kambugun o. It Iterali inanggween paga lombok inomaluk onggo inoba piige neenok, it nen Naliku ALA an aret ineenu arugun o.

Yetikiyen 23:24

at tebenogo puwok nduk, ineegin-inomaale inom, nggweendo wim eeka inom, we ugun mendek inom, li'luk aago aakumi apit kuwak eerak inom wogo logomenggaarik, nggeemu nggwok inom, mbuuluk inom, waganggwi, petagi omaawi mendek yikwi, eeppunuk, oonda mbani ungguwok nduk, wanggekwi iigak, it nen maluk onggo at oba puwak nduk ineenggime piyaminggirak it aakumi inoone konenggwi lek iinok, eeppiigo mengga kwak ndak-ndak aret eeppugun o.

Linggineegwaarak 13:21

Nogo yorage mbareegi, nogo nogogwaarik, o Tin karume time nen inigen yomboonit, nok o Erekop nen tu Kamat nogo menggam time kuli nogo nogogwaarik,

Linggineegwaarak 34:11

o Ayin oonegen lagi wage menggim pa'nggwe o Iribala nen nok, niyo yenggenak Nggalileya oonegen lagi wage menggim pa'nggwe kagak, puut elan me ogu

Yotuwa 13:5

aakumi Nggeban inanggween nogo inom, o Libanon apit oonegen lagi wage menggim pa'nggwe puut Keromon abu'me o Mba'an-Nggat nen nok, o Kamat tu nogo menggam kuli nogo inom, abok aret mugogo wumbiiga'lek wonage o.