Yeremiya 52:30 - Ala Wone Peenok Peebi Mbanak

³⁰ Ndi, endagembogut logonet, wone lengganogo yorage kagak tahun 22 eeppunuk, ambi age paga aap endagembogut eebe wonok nega inowe Nebutararan nen it Yakuri mendek ineebe tujuh ratus empat puluh lima wogoren nage, eereegwaarak ineebe lambunik ti empat ribu enam ratus aret.

Yeremiya 52:30 ပူးပေါင်းရင်းမြစ်များ

2 Endagembogut 25:11

Pit nogo nogogwaarik, aap endagembogut eebe wonok nega inowe Nebutararan nogo nen it aakumi ando iigak nogogwaarak o kota time wonogwe nogo inom, it aap Mbaben inowe endagembogut inom ogogwaarak inom, ndi, it aakumi ugun nggininik iigak nogogwaarak nogo inom, wogoren nawak nduk koonogo piige,

2 Endagembogut 25:8

Ndi, aap Nebukanetat nogo aap Mbaben mendek inowe endagembogut wonage kagak, tahun 18 eeppunuk, ambi eerak tut 5 penenak tanggal 7 paga aap endagembogut inom eeka ambi at eebe wonok nega inowe endage Nebutararan o Yerutalem wagagerak.

Yeremiya 39:9

Ti eerogo pogo nogogwaarik, aap endagembogut eebe wonok nega inowe Nebutararan nogo nen, it aakumi ando iigak nogogwaarak o kota time wonogwe nogo inom, it at inom ari wogogwaarak inom, it aakumi ugun nggininik iigak nogogwaarak nogo inom, wogoren o Mbaben naakit nduk, koonogo piige,

Yeremiya 52:15

Pit nogo nogogwaarik, aap endagembogut eebe wonok nega inowe Nebutararan nogo nen it aakumi eekkoloorak meek ineenggi abu lek eegu inom, it aakumi ando iigak nogogwaarak o kota time wonogwe nogo inom, it aap ineenggi amburu eeka ando inom, it aap Mbaben inowe endagembogut inom ogogwaarak inom, wogoren naakit nduk koonogo piige,

Yeremiya 52:29

At endagembogut logonet, wone lengganogo yorage kagak tahun 17 eeppunuk, ambi age paga o Yerutalem nen ineebe delapan ratus tiga puluh dua wogoren nage,

Yeremiya 6:9

At Omaawi Lombok Menggerak Aliku ALA nen yegerak nogo yi aret. “Anggur anggen eegu pugulik pup eerogo mbanggo mengga kwak It aakumi Iterali eegu yumbunik ti, togop aret pup eerogo piyaawak o. Aap anggur anggen mbambunuk, eegu ambitak wonage kero kwaarogo eenggi paga mbanit nage menggi kwak, Iterali yumbunik eegu ambitak wonogwe iyo, maluk eeppiyoorak ne ambi liirogon kwaarinabit nawak,” yegerak o.