Yeremiya 52:3 - Ala Wone Peenok Peebi Mbanak

³ It aakumi o Yerutalem mendek inom, Yekura mendek inom, aaninggin inoba kwi'nagagerak nogo ti, at Aliku ALA anini inombareegerak paga eerogo piinok, “It inoba aberak logorak neebi o,” yinuk, mbo piyareegerak ti aret. Ti'nuk, aap Terekiya nen, “Aap Mbaben inowe endagembogut wone lengganogo yo'nirage logorak neebi o,” yinuk, mbo pereegerak.

Yeremiya 52:3 ပူးပေါင်းရင်းမြစ်များ

Wakkagagerak 4:14

Ndi, an yime nen kat kenggaawak paga logorak lek, nomba'nuk mugogo wumbanegendak me, neebe o ambi me teberogon wonage lek we yaluk-ndaluk aret nege neenok, aakumi ninom aabuk a'nuk, ugun aret nooko logogun kagi o.”

Wakkagagerak 4:16

Pege mbareegi, at Kayin nogo Aliku ALA owagam nogome teppunuk, o endage Not o Eren ambo'me oonegen lagi wage menggim pa'nggwe time ari nanuk, wonagagerak.

2 Tamuwen 24:1

At Aliku ALA anini nggwok togon ne ambinom aakumi Iterali mendek inoba piyaakit mbake nagagerik, aakumi Iterali ineebi mbaruwak nduk, Ndawut inikime manake logonet, “It aakumi Iterali mendek inom, Yekura mendek inom, keenggi linggininabi nak o.”

1 Endagembogut 10:9

At Aliku kogoba Ala nen inikilom kombake logonet, aakumi Iterali inowe kendagembogut logonet wone lengganogo yorage logonok nduk, mippagareegerak me, endage tiyappogo logowok o. At Aliku ALA nen it Iterali mondok-mondok iniki kunik eeginake menggerak me, it abe mban koonggwi, li'lak mban eekwi, eekwi iigak, inarum logonok nduk, kendagembogut mippagareegerak o,” yinuk, yoreegerak.

2 Endagembogut 17:18

Mbake nagagerik, anini mondok nggwik togon Iterali inoba piige logonet, “Iterali ambinom pegiige logorak neebi o,” yinuk, mbo piige logonet, it Yekura mendek inalik mban teppiyareegerak kwe,

2 Endagembogut 17:20

Ti eekwi iinok, Aliku ALA nen it inanebunu Iterali mendek wiganak abok aret aaninggin inoba piige logonet, aap inanini ambik aap inooka ineenggime piigak mban eereegi-eereegi peebi inoba abera'lek mbo tek eerogo piyareegerak.

2 Endagembogut 17:23

Aliku ALA nen yorage kagak yoraga ayeloman mini nogo yorage kagak, Iterali yorogo nogogwaarak nogo ndak-ndak, “Iterali ambinom pegiyoorak neebio,” yinuk, mbo piige mbareegi, at aap Atiyut inowe endagembogut nen it Iterali wonogogwam nogome nen kugun wogoren, o Atiyut piya nagagerak o yogondak wonogwe aret o.

2 Endagembogut 24:20

It aakumi o Yerutalem mendek inom, Yekura mendek inom, aaninggin inoba kwi'nagagerak nogo ti, at Aliku ALA anini inombareegerak paga eerogo piinok, “It inoba aberak logorak neebi o,” yinuk, mbo piyareegerak ti aret.

2 Mbinineegwaarak 36:13

Aap endagembogut Nebukanetat nen aap Terekiya nogo yoge, “An kabu'me logonet, koone mondok konengge logogin o, yinuk, Ala endage kumbunuk, kumbuk mbanu o,” yinuk, oone omaawi paga yoge mbareegi, Ala endage kunogo kumbuk mbaneegerak kagak, wonagagerik, peebi, “Aap yi nen wone lengganogo yo'nege logorak neebi o,” yinuk, iniki mi'nage nagagerik, ogogumbuk age, anobak yugum pogom kungge, eereegerak me, yungguninuk, Iterali inogoba Aliku Ala mugurok noorak eebi mbareegerak.

Kini Wuppiige 28:2

Aakumi o ambime nen wone yugu nogo, “Eeriyak nineebi,” mbakwi iinok, aap inarum menggaarak ambi mi'nagak eeko menggaarak kwe, Aap inarum menggerak iniki warak logonet, eenu nen eeppiinet nage kenok perak, at unde menggim mondok nu'lek menggerak.

Wone Alom Kibingga 10:16

Kat o yi wae. Kat kowe endagembogut ti, it aakumi ugun inaput wonage, It karum menggaarak nagawan-nagawan nen kubondendok kagak laago lappunuk, nunggo logonet, ugun-ugun eekwi, Eekwi iinok, kat kabuwa o!

Yetaya 19:4

It aakumi Metit mendek ti, aap nggwok ogogun ambik nen oone omaawi paga yorage logowak nduk eenggime piyaminggirak me, Aap endagembogut anini ambik nen wone lengganogo yorage logogin o,” yinuk, At Omaawi Lombok Menggerak nogoba Aliku ALA nen yegerak o.

Yetaya 3:1

It aap o kota Yerutalem inom, o Yekura inom, iniki panggonak wonogwe abok aret At Omaawi Lombok Menggerak Aliku ninogoba ALA nen ndinogo waagin o. Inambi-inagi pipuk aago inom,

Yetaya 36:5

An nawuri ineegin warak ambik me, yogop-ndogop eerugun o, yinuk, ari ti, ta imbirak panggonak logonet, At Atiyut inowe endagembogut wone lengganogo yo'niroorak neebi, mbake agaarik? Ti we aret agan nege agaarik o.

Yeremiya 15:1

Yoge mbaki, Aliku ALA nen an yo'nege logonet, “It Muta Temuwen imbirak kunduk nenggaanom paga mi'na'nuk, It aakumi yi, inabuwa mbaru o, yo'neremenggaarak kwe, an nen, It aakumi yi, inabuwa mbarigin mondok lek o, yoraagin me, kat nen it yi, an wonage me nen nawak nduk wumbiyet o.

Yeremiya 7:15

It inowe-inawot aakumi Eparayim mendek aa'nduk maluk eeko mbareegwa, an wonage me nen wumbiyareegirak nogo pogom, it togop aret an wonage me nen wumbiyaagin,” yegerak me, yokkiragi o.