Yeremiya 52:13 - Ala Wone Peenok Peebi Mbanak

¹³ Wage nagagerik, Aliku ALA awi wurik inom, aap endagembogut awi o nggwok abe wurik inom, it aap nagawan-nagawan inawi wurik o Yerutalem wonage abok aret inom, kani pit nage nagagerik,

Yeremiya 52:13 ပူးပေါင်းရင်းမြစ်များ

1 Endagembogut 9:8

Ndi, an nawi mondok iya wurik yi, langgu-langgu aago wonage kenok, aakumi tu ti paga nogo logonet, inigen kogo logomenggaarik, inogut nanuk, yogo logonet, At Aliku ALA nen nggween yi inom, at awi wurik yi inom, nonggop nduk togop eerogo pereegerak wonage mbakop? Ha! yinuk, yogo logogun o.

2 Endagembogut 25:9

Wage nagagerik, Aliku ALA awi wurik inom, aap endagembogut awi o nggwok abe wurik inom, it aap nagawan-nagawan inawi wurik o Yerutalem wonage abok aret inom, kani pit nage nagagerik,

2 Mbinineegwaarak 36:19

Ala awi wurik kani pege, o Yerutalem yendok-wandok yugum pak wurik nogo, langgunogo pit nage, aap yo'nggok inawi o nggwok abe wurik me, yi mendek ndi mendek abe wonage nogo inom kani pege, eereegerak.

Ndawi 79:1

Ala wae. Keyate kanggween wo'niragaginom nogome Aakumi inanebunu lombok nen tebenggola unggwogwe, Kawi wurik abu abe alik leenak nogo maluk eerogo pugwi, O Yerutalem yigirik-noonom eerogo pugwi,

Yeremiya 19:13

O kota Yerutalem inawi wurik kirin ndoonak paga time laaluguragan ninggirik inake obari abe kaga kani kunggwi, an wonage neegak kwe, it kugi inake anggur amburu kilirogo pugwi, eekwi iinok, o Topet maluk ogole warak eerogo pereegwa kwak, aakumi Yerutalem mendek inawi wurik inom, it aakumi Yekura inoweewi inendagembogut inawi wurik inom, togop aret eerogo pigin, yoret o,” yinuk, yegerak me, yokkiragi o.

Yeremiya 21:10

Aliku ALA nen ari logonet, O kota yi, an nen obeelom eerogo puurak mbarulik maluk eerogo puurak abu koonogo pigirak me, it aakumi Mbaben mendek inowe endagembogut eenggime pege neenok, at nen kani pemenggerak paga pup eerogo aret nagin, yegerak, yoraabagip nduk, yokkiragi o,” yinuk, yoragagerak.

Yeremiya 21:14

At eerit nege ndak-ndak aret aaninggin oba pigin o,” yinuk, Aliku ALA nen aret yegerak me, yokkiragi o. “At agayoongga kani wuninogo piminggirak nenet nage logonet, Enaagan-ambokan yi mendek ndi mendek wonage nogo pup eerogo nenet nagin o, yinuk, yo'negerak me, yokkiragi o,” yinuk, yoragagerak.

Yeremiya 22:14

Aap ti nen, An nawi o nggwok abe lombok wunom-weenom wuke logonet, wunom paga ambe nggwok wigak togon eerogo pigin o, yinuk, Wuke logonet, pugagi ambe kole mbanogo pit nage, Eyo nggabina abe poorak paga akem nabenogo pit nage, Amburu maa'ngga warogo pit nage, Eerogo pemenggerak kwe,

Yeremiya 32:29

It Mbaben mendek o yi tebenggola ungguwok nduk eekwi nen unggwi wa'nuk, o yi, kani pogo logonet, it aakumi inawi kirin ndoonak paga obari abe kaga kugi Mba'an ake kani kunggwi, an neegak kwe, anggur amburu inagugi inake kilirogo pugwi, eekwi paga nanini mbareegirak inawi wurik nogo, inom kani pit namenggaarak pup eerogo nanet nage logogin,” yo'nereegerak o.

Yeremiya 34:22

At Aliku ALA nen ari logonet, “O kota yi, tebenogo puwak nduk, an nen wone lengganogo yoraminggirak paga iniyokan wogo logomenggaarik, inom wim nambuko logonet, o tebenogo pugwi, o kani mbelenogo pugwi, eeko logogun o. Ndi, an nen o Yekura kota-kota nogome aakumi wonogwe lek kugume aret eerogo pigin o,” yinuk, yegerak.

Yeremiya 38:23

Kakuwi-kapuri inom it aap Mbaben mendek ineenggime piyaagun o. Ndi, kat kunduk, it ineenggime nen kole mbaganumunggun lek aap Mbaben inowe endagembogut nen pikkake, o kota yi, kani mbelanogo pege, eerigin,” yo'negerak me yokkigi o.

Yeremiya 6:5

Yogondak oonikiya yi paga aret oba kwi'nari unggwogwe, Obak wurik nogo langgunogo pugwi, Eeruwok o,” Yinuk, yereegwaarak.

Yeremiya 7:14

an nendage ki logorak eerogo pereegim it inom, inombomini inom, inake nawi wurogo piyareegirak iniki panggonak wonogwe nogo aa'nduk o Tilo eerogo pereegi kwak yogondak eerogo pigin o.

Leendawi 2:5

Nogoba Ala ti, aap inom wim mbanak kwak wonage me, Iterali ambeme yonggorinake, Aap inendagembogut inawi nggwok abe wurik nogo yinik-minik eerogo pit nage, At obak wurik yigirik-noonom eerogo pege, Ndi, o Yekura Aagalukwe nogo ambinom iniki wakkolage, leenggu maake, eeke logowak nduk, eerogo pege, Eereegerak o.

Leendawi 2:6

Ooliya yabume wurik minogo pogo mengga kwak, Aliku ALA nen at awi wurik nogo langgunogo pit nage, At alut eeruwak nduk kuwak eeko menggam nogo minogo pege, O Tiyon ale'nggen nen lako logorak yugu inom, nogo 6 yippunuk, ko'lu paga yonggonggoloorak yugu nogo inom, mari eerogo puwak nduk, eeppege, Ndi, aap endagembogut inom, it aap at eebe unde inom, anini kani kunik negen inoba piinok mbo piige, Eereegerak o.

Leendawi 2:7

Inogoba Ala nen at ake warogo kani kunggak ogobakkigirik nogo mbo pege, At awi wurik alik leenak nogo mbo punuk nage, O Tiyon oweewi inendagembogut inawi o nggwok abe wurik nogo, yigirik-noonom eerogo puwak nduk, awim ineenggime pege, Eereegerak me, Iterali inale'nggen paga laago lariyak koonak nogo lako logonet, inale'nggen nen keekok piyanggogo mengga kwak awim nen Aliku ALA awi wurik me unggunuk logonet keekok piyanggogogwaarak.

Leendawi 2:8

Aliku ALA nen o Tiyon Aagalukwe obak wurik ti, mondok yigirik-noonom eerogo puurak koonogo pereegerak o. At nen eenggi paga ko wapporogo wonaga'lek yigirik-noonom eerogo puwak nduk, Yagat wurik ti abok aret keele wakkagak paga wakkage mbareegi, “Pup eerogo pinanigin kogo o,” yinuk, yugum pak wurik endekem aken imbirak nen le yogo logonet, langgu-langgu wambit nogogwaarak o.

Yetikiyen 16:41

At awi apit wurit nagagerak nogo, kani mbilanogo pugwi, it kumi abok inigen iigak maluk eeke nagagerak onggo at oba kwippugwi, eerugun. Ti eeppugwi iinok, at ugun, Ee'nabuwak, mbarit nege nogo, lek eerogo pege, Ee'nabuwak o, yinuk, onggo wogorage menggerak nogo, lek eerogo pege, eerigin o.

Amot 2:5

An nen o Yekura yime kani nappi woraminggirak paga o Yerutalem yugum pak wurik me inarum logorak inawi wurik nogo kani nen lek eerogo nagin o,” yinuk, yegerak o.

Amot 6:11

At Aliku ALA nen wone lengganogo wumbegerak me, o nggwok abe wurik nogo yigirik-noonom eerogo pit nugwi, O mbuulogwe wurik nogo yinik-minik eerogo pit nugwi, Eerugun o.

Mika 3:12

Togop aret yogo monggotak me, o Tiyon ti, yabu kabunogo nippit nogo mengga kwak age, O kota Yerutalem ti, nggween yigirik-noonom eerak logonak negen age, Ndi, puut Ala awi wurik menggim ti, alok-palok mban kunogo pege, Eerigin o.

Takariya 11:1

Kat o Libanon yi wae. Kani nen kageyo nggabina nawak nen karungga paarogo patit nak o.

Matiyut 24:2

at Yetut nen it yorage logonet, “O yayi wurik wonage abok aret kinigen kogwe ilik lek a? Yugum ambi oba lu'luk aago logorak lek o. Abu tigitogon langgunogo nappugun o, yinuk, abet aret yokkiragi o,” yoragagerak.