Yeremiya 51:61 - Ala Wone Peenok Peebi Mbanak

⁶¹ aap Teraya nogo wogoge logonet, “Kat o Mbaben ari nanuk, wone liiru mbanggirak wokkege yi abok aret, aakumi o Mbaben inenggaanom paga mondok lunumunggun o.

Yeremiya 51:61 ပူးပေါင်းရင်းမြစ်များ

Yeremiya 51:60

At Yeremiya nen aaninggin-paaninggin o Mbaben oba kwi'nariyak abok aret wone mbuku pirik-perek aago paga liiru mbaneegerak me,

Yeremiya 51:62

Lungge logomenggendik, Aliku ALA yoge logonet, Kaliku ALA wae. Kat nen, O kota yi, lek eerogo pege logonet, aakumi inom, inaanggumi inom, ambi logogun lek, o wogo mondok-mondok aret logogin, yagandak o, yinuk, tamban eerumunggun o.

Matiyut 24:1

At Yetut Ala awi wurik me nen wundi nage kagak, at oone waganggwi nogo Ala awi taati wurik nogo titigiruwok nduk, Yetut owagam wogo mbareegwa,

Marakut 13:1

At Yetut Ala awi wurik me nogome nen wundi nage me, at oone waganggwi ambi nen, at yoge logonet, “Ngguru wae. Yugum nggwok inom, o wurik inom, mondok kigirikwe yi ket o,” yinuk, pi wareegerak.

Kolote 4:16

Liiru mbanak yi, kit kinaa'nduk pekkogo logomonggotik, it Ala apuri o Laworikiya kuwak eeko menggaarak nogo, pekkaawak nduk, nappiya wa'nu o. Ndi, an liiru mbanogo Ala apuri Laworikiya nappiige logonet, “Kit aa'nduk pekkogo logomonggotik, Ala apuri o Kolote wonogwe nogo, pekkaawak nduk nappiyaanu o,” yinuk yoragarak me, nappinagi wogwe iinok, ti inom aret pekkogo logonu o.

1 Tetalonika 4:18

Wone ti, ninowe nen aret yo'niragagerak me, ti paga kiniki eyak wat-wat eeko logonip o.

1 Tetalonika 5:27

Nit liiru mbanggoorak yi, ninowe nen, “Yoret o,” yinuk, yo'niragaarak me, noreewi apit inenggaanom paga mbininogo yoraanip o.

Wayu 1:3

wone yi eeriyak nogo abu panggo yegerak me, it aakumi nen peebi eeriyak wone liiru mbanak yi, pekkagak mbininogo yorogwe, ndi, yorogwe iigak, inaruk konembunuk, liirogon waganggwi, eekwi iinok, Ala nen ale'nggen inoba piige logogin o.