Yeremiya 51:6 - Ala Wone Peenok Peebi Mbanak

⁶ “Togop me, Naliku an ALA nen it aakumi o Mbaben eekwi onggo aaninggin inoba piyoorak koonogo pereegirak eyom ari wagaarak me, At maluk eeke nagagerak onggo oba pege logonet, it an napuri inom nggelenogo piyookwak, It aakumi Mbaben wonogwe inenggela'me nen mbaganggwi, Inili eekko'nok kole mbaganggwi, Eeko logowak o.

Yeremiya 51:6 ပူးပေါင်းရင်းမြစ်များ

Ndawi 94:1

Kaliku ALA wae. Maluk eekwi onggo eeppiiga kat Ala aret o. Maluk eekwi onggo eeppiiga Ala wae. Kin paga ari mok o.

Kini Wuppiige 13:20

Aap ambi nen aap iniki warak imbirak kunggolage kenok, at iniki warak aret age, Ndi, aap ambi nen aap wi negen imbirak kunggolage kenok perak, at eebe aret maluk eekkolage, Eeko menggaarak.

Yetaya 48:20

Kit o Mbaben nen wundi woraanip o. Kit Mbaben mendek ineenggime nen kole mbaganip o. Wone yi, kinikime nggelok ari kenok, kuum-keek agan nugwi, Wone yi wonok o irip-irip time yoranet nugwi, “Aliku ALA nen ayeloman mini nit Yakup paga wiganak nogo wondet eerogo pinanegi o,” yinuk, agan nugwi, Eeko logonip o.

Yetaya 63:4

Napuri maluk eeppiyareegwaarak onggo eeppiyoorak koonogo pereegirak ne nogo muk ari wage, Ndi, wondet eerogo piyoorak mbareegirak tahun nogo muk panggo yi wage, Eeke mbaki,

Yeremiya 25:14

Ndi, it aakumi time menggaarak kunduk, aakumi inanebunu apit aret inom, aap inoweewi inendagembogut inom, nen inayeloman mini eeppiinok logowak nduk, eerogo piige logonet, it eeko nogogwaarak inom, ineenggi paga eeppiinet nogo nogogwaarak inom, onggo ndak-ndak eeppiige logogin o,” yinuk, yegerak o.

Yeremiya 25:16

Ndi, toolak wogoramenggendak ti, wooluwak paga inooruwak nduk, inenggela'me inawim nappiya woroorak kwak aret me, nenok, kumili kumbunuk, neyak-kweyak agan nugu logogun o.”

Yeremiya 27:7

Yi aakumi ndi aakumi abok aret at Nebukanetat inom, obaane'me mi'naremenggerak aput inom, ti'nuk, aput obaane'me mi'naremenggerak ombooluk inom, inabu'me logonet, inake eekwi iigak, at abu'me piige menggim lek eeppuurak eyom ari woraagin o. Ari wage kenok, yi aakumi ndi aakumi apit inom, it aap inoweewi inendagembogut abu tiyanak inom, nen at Nebukanetat paga ndarak nogo inabu'me logowak nduk, tebenogo pogo logogun o.

Yeremiya 46:10

Ti eeriyak eyom nogo ti, Aliku ALA nen awim onggo eeppiyoorak aret o. Awim onggo eeppiyoorak aret me, At Omaawi Lombok Menggerak Aliku ALA onggo eeppiyoorak ake punik aret o. At Omaawi Lombok Menggerak ninogoba Aliku ALA nen O omarip paga pa'nggwe niyo Eparat aa'nggi paga taati ndomba warogo wogogwi kwak awim ineebe inoorit nagin me, Awooluwak awo ndonggoppega'lek kagak nenet mban nage, Inamiya ndonggoppanegi o, yaga'lek inoorit mban nage, Eeke logogin o.

Yeremiya 48:6

Mbaganuwak o! O karume eyo engga lek owak mban menggi kwak, Inagap ndakko'nok inagap mbelenak aret mbaganuwak o!

Yeremiya 50:15

O Mbaben yendok-wandok mi'na'nuk, Nawim o, yinuk, keekok piyanggogo logonet, unggwogwe iinok, At eegin-omaale munogo punuk, Wim mage o, yinuk, eenggi nippege, Wim nggayo wurik nogo mi-mi wangge, Yugum pak wurik langgu-langgu wangge, Eeke agaarik o. Naliku ALA maluk eeppanege onggo eeppuurak yi aret me, eeppanege onggo eeppogo logonet, At nen aakumi eeppiige nagagi kwak at ndak-ndak eerogo pogo logowak o.

Yeremiya 50:28

It aakumi o Mbaben nen muk aago inagap ndakko'nok mbaganit o Tiyon wa'nuk yogo logonet, At ninogoba Aliku Ala nen it Mbaben mendek eereegwaarak nogo onggo eeppiige, At awi wurik maluk eerogo pereegwaarak onggo eeppiige, Eekerak, mbininggwi nogo Inaruk konenuwak o.

Yeremiya 50:31

At Omaawi Lombok Menggerak Aliku nogoba Ala nen ari logonet, “At iniki wogoppaka ti, abet aret nawim nimbirak ogoorak me, At eeppuurak eyom panggoni wage, Eekerak onggo aaninggin oba kwippuurak eyom ari wage, Eekerak me,

Yeremiya 50:8

Togop me, it aakumi inanebunu nggwok lombok o omarip paga pa'nggwe nen kuwak eerogo piinok, O Mbaben tebenogo puurak inikime eeppiyaminggirak abet aret nappiya woraagin me, It o Mbaben menggaarak nogo mbaganit nogwe, It o Mbaben wonogo menggam mbo punuk, wundit nogwe, Kambin ngguunok aa'nduk a'nuk kooli aagalogwe inom wogoren nege menggi kwak, inaa'nduk kole mbaganggwi, Eeruwak o. It aakumi nggwok aago ti, wogo logomenggaarik, wim eeriyak ina koonogo piinok, O kota Mbaben tebenggola unggwogo logonet, Aap wim wakaa'ngget lombok inomaale nambukaatak nggween wakeelik aap inagabolo paga mban age menggi kwak togop aret arigin o.

Yeremiya 51:11

“Naliku an ALA nen it Mbaben mendek eereegwaarak nogo onggo eeppiige, Ndi, an nawi wurik maluk eerogo pereegwaarak nogo onggo eeppiige, Eeriyak koonogo pereegirak nogo eeppiige logonet, o Mbaben pup eerogo piyaawak nduk, It Meriya mendek inoweewi inendagembogut kini wuppiige logonet, Inawuri wim nambuka nen inomaale ngget mbulunggwi, inarin pipuk eerogo pakwi,

Yeremiya 51:36

Togop aret me, Aliku ALA nen yegerak nogo yi aret. “An nen napuri Iterali inawone mbanogo piige, It maluk eeppiigwi onggo eeppiige, O Mbaben aniyo laut yenggenak nogo woloonogo pege, Aniyo eneeri nogo poronogo pit nage, Eeke neyaagun o.

Yeremiya 51:45

“Togop me, it an napuri o time nen mbo punuk, mbaganggo logowak o. Inili eekko'nok mbaganggwi, Naliku ALA nanini kani kunik negen inoba piige me, it nggelenogo piyookwak, Inagap ndakko'nok kole mbaganggwi, Eeruwak o.

Yeremiya 51:50

It eegu inoorulik yumbunik nogo ti, puk ariyak lek o ti mbo punuk, kole mbaganggwi, O nda ninawi alom paga Aliku ALA ninom wonogogurak o, yinuk, abekwi, O Yerutalem ti nonggop agagi, yinuk, iniki koonggwi, Eeruwak o.

Yeremiya 51:56

Naliku ALA ti, eekaatak ndak-ndak onggo eeppiige minggirak an Ala aret o. An nen o Mbaben eekerak ndak-ndak onggo oba kwippigin me, It o maluk eerogo pega nogo o Mbaben wogo logomenggaarik, maluk eerogo pogo logonet, At awuri wim eeka nogo piginakwi, ineegin kalenogo pugwi, Eerugun o.

Yeremiya 51:9

At Mbaben tebembiinok wonogwe nogo nen yogo logonet, O Mbaben andi obeelom eerogo puwok mbakoorak kwe, at maluk eeke onggo oba puurak ti, Mbogut koorok piga lagangge, ndugwi koorok ari lagangge, Eekerak kenok, Obeelom ariyak meek me, Nit nggelenninabukwak, o yi teppunuk, niname lombok nawok o.

Leendawi 3:64

Kaliku ALA wae. It ineenggi eereegwaarak mugurok onggo ndak-ndak eeppiige,

Linggineegwaarak 16:26

at Muta nen it aakumi apit aret kuwak aago nogo yorage, “It aakumi maluk eeko menggaarak yi, it inomaluk paga inooke logonet, kinom nggelengginabukwak, it inamendek ambi mbaangga'lek logonet, inawooliya wurik me mbo piinok, tayorogon time ari nanip o.”

Pelaareegerak 32:25

Wim endekem nambuko logonet, aakumi inooremenggaarak kambit nogwe, Iname lombok inagabolo nirik-kirik yogwe me, inookwi, Kumi tawe aap tawe pup eerogo inookwi, Elege ngget ndarak aap inanggok inom inookwi, Eeruwak nduk, Eeppiyaagin o.

Pelaareegerak 32:41

Nawooluwak ngget nggabuniminggirak abinak o yabok pogom eeke nogo, Aakumi maluk onggo wogoraakit nduk, wagangge logominggirik, It an ninom ogoorak menggaarak nogo inooke, Inanini nombako menggaarak nogo onggo eeppiige, Eeke logogin o.

Pelaareegerak 32:43

Togop aret yereegerak me, Ala nen at ayeloman mini inamee'nggo wagangge, Inom wim mbanak nen eeppiyareegwaarak inikime aberak nogo onggo inooke, At apuri inom, inanggween inom, obeelom eerogo piige, Eerigin me, Kit aakumi kinanebunu lombok yi wae. Kiniki ale'nggen nen at apuri kinom keyage wako logonip o.” yinuk, ndawi pereegerak, nogo ti aret.

1 Timotiyut 5:22

Ala apuri unde logowak nduk, inanobak mbet-mbet tebeniyak mage o. It ambi maluk eekwi iinok, kat kinom nabenggoloorak ti mage mban o. Kat kiniki kikak naka'lek mondok alik leenak logot o.

Wayu 16:19

Ti eeke kage nagarik, wonage me, o kota nggwok nogo nggween mondok nggoguk ari logonet, kenaga'ndak mogonnage, ndi, yi awi ndi awi nggween paga kota-kota nogo abok aret yigirik-noonom arit nage, eeke kagak, at Ala nen, “O kota nggwok Mbaben nogo perak, at maluk eeke onggo anggur amburu toolak kwak an nanini lombok ombake minggirak toolak nogo, yogondak aret oba kilirogo wuppigi o,” yinuk, kilirogo wuppege kagarak.