Yeremiya 51:51 - Ala Wone Peenok Peebi Mbanak

⁵¹ It aakumi inambik nen Aliku ALA awi alik leenak wurik me muk ari unggunuk wonogwe paga ninendage maluk age, Aakumi nen miyuk-meya eerogo pinanugwi paga ninenggali age, Eekerak o, Yinuk, yugun kwe,

Yeremiya 51:51 ပူးပေါင်းရင်းမြစ်များ

Ndawi 109:29

Yum yiko mengga kwak, Inoone liirit yo'nugwi nogo nen meek inombakwi, Yum nggorek lenggenggo mengga kwak, Inenggali mban ineebe paga ninggirik wonage, Eeko logowak o.

Ndawi 71:13

Yeenggwa niri wage keenok, It an nabok mbanit nogwe nogo Inenggali mbakak kambit nawak o. It an nooriyak mbakwi nogo inendage lek ogwe, Inenggali mban inoba ninggirik wonage, Eerak logowak o.

Ndawi 79:1

Ala wae. Keyate kanggween wo'niragaginom nogome Aakumi inanebunu lombok nen tebenggola unggwogwe, Kawi wurik abu abe alik leenak nogo maluk eerogo pugwi, O Yerutalem yigirik-noonom eerogo pugwi,

Ndawi 79:12

Nogoba o. It aakumi ninaagan-ambokan wonogwe yi, Kat meek eerogo pagagaarak onggo ne 7 kuli melak togon inoba kwippiyet o.

Ndawi 79:4

Togop aago wonogwe iinok, Aakumi ninom korotok wonogwe nen ninagi'ndok kanggwi, Ninaagan-ambokan menggaarak nen, “Op eeppiiga,” yinuk, Miyuk-meya eerogo pinanugwi, Eeko agaarik o.

Ndawi 89:46

Kaliku ALA wae. Kat kumaarak mban wonage keegak, ne mande ari nagin o? Kanini kani kunik negen eerogo pinanege keegak, Ne mande arigin o?

Yetaya 13:1

It o Mbaben mendek eeppiyoorak Ala nen Amot aput Yetaya abinggaanggo paga yoreegerak nogo yi aret.

Yetaya 14:1

Aliku ALA ari nogo, kage logonet, “An nen at Yakup paga wiganak inabuwa mbake, Napuri Iterali ambinom leenogo piinok, iname wonogogwam logowak nduk, iniyokan piya wage, Eerigin o. Piya woraminggirak wonogwe me, it aap nggiru iya wogwe, At Yakup ombowologwe wiganak inom lambunna'nuk wonogwe, Eeko logogun o.

Yetaya 21:1

Niyo Laut Aa'nggi Paga O Karume ariyak abinggaanggo paga Ala nen yoreegerak nogo yi aret. O ame pa'nggwe nen wiya nombok-kombok warit wage menggi kwak, O inamineeri nage menggim karume nogome nen aap ambi awuri inom aago wogo agaarik o.

Yetaya 47:1

At Ala nen ari logonet, “O Mbaben Aagalukwe Aap Kigin Waka'lek kat yi wae. Kat tiyarogon menggenom nen wambi nanuk, liirubu paga kwi'nage, It Mbaben mendek inaagaluk kat yi wae. Wone lengganogo yorage menggenom kwi'ndak logorak lek nggween paga aret kwi'nage, Eeke logot o. Kolaga abe kigirikwe agabolo anen pera aago yi wae, yinuk, ambinom yokkogo logogun lek me,

Yeremiya 14:3

It aap nagawan-nagawan nen inayeloman niyo kwaari nawak nduk nappiigaatak Niyo nggween kabunik me kwaari nagaatak kwe, lek kenok, Niyo toolak lek niyoowak we aret wonok wogo logonet, Nonggop eeruwi? yinuk, inenggali nen inete wandunik aret iniyokan wogo menggaarak.

Yeremiya 25:26

it aakumi o omarip paga pa'nggwe nda-koorok wonogwe inoweewi inendagembogut inalitik-inalitak inom, it aakumi inabu'me piigo menggam o nggween paga wonogo menggaarak abok aret inom, amburu toolak ti wogorage nagarik, age yobok lombok ti, aap o Mbaben inowe endagembogut nawak nduk, wogoge kagarak.

Yeremiya 31:19

An nomo agan nage nagagirik, An maluk aret eeki, yinuk, niyokan wage, Eekirak kagi o, yinuk, liippake nagagirik, nanobak wakkolage, An wulaga awo tawe logonet, nendage maluk agagerak nogo paga nenggali mbake, Nendage maluk aago kagak nege, Eereegirak o, Yinuk, yo'nereegerak.

Yeremiya 52:13

Wage nagagerik, Aliku ALA awi wurik inom, aap endagembogut awi o nggwok abe wurik inom, it aap nagawan-nagawan inawi wurik o Yerutalem wonage abok aret inom, kani pit nage nagagerik,

Leendawi 1:10

Awim nen amendek obeelom iniki kundugu nogo waganeegwaarak o. Kaliku ALA nen, “Nawi wurik abu leenak nogome aakumi ugun ungguurak lek an napuri nen mban unggwi nogo logorak,” yereegindak kagak, Yi aakumi ndi aakumi endekem mendek nen unggwi nogwe enegen iyareegerak o.

Leendawi 2:20

“Kaliku ALA wae. An eeppanege yi kwak, Ambi ta eeppigirak, nduk eeppanege agandik? Lek aret me, An yi, kenegen pe'neege, liippanege, eeru o. It kumi inaagalogwe inikime nen lombok ndarak inabuwa mbako logonet, ndegeninakwi nogo inoorogo nunggwi, Ndi, it aap keebe unde inom, yorage keegak yoraga inom, nogoba Ala kawi wurik alik leenak me nogome nen inoorogo piigwi, Eekwi ti, op mbaken?

Leendawi 5:1

Kaliku ALA wae. Nit ninoba agagerak nogo abe'ninake, Nit tebenogo pinaneegwaarak ninendage lek agagerak nogo kenegen pe'niige, liippinanege, Eeru o.

Yetikiyen 36:30

Mbi noogelo nen mbaganit namenggaarak yi aakumi ndi aakumi inenggela'me wonogwe iinok, inenggali wappiigo nogogwaarak nogo, ambinom wappiigo logokwak, an nen yi eyo ndi eyo yarak inom, yi mendek ndi mendek ineyabume yarak inom, anggen ambik yi'naruwak nduk, eerogo pigin o.

Yetikiyen 7:18

Eeko logonet, inayum nibinik maluk mendek yirikkologwe, inagabiti mban inagabolo paga ninggirik wonogwe, inenggali nen inete kumaakko'nok nugwi, inanobak puluk ko eerak wonogwe, eerugun o.

Yetikiyen 9:7

Inoorogo piigo mbareegwa, at nen it yorage logonet, “An nawi wurik ti, maluk eerogo pugwi, nawi wurik oore'nggam taati inoorak nogo logonogo piinet nogwe, eeko logomonggotik, ando mbet inoorit nanip o.” Yorage mbareegi, nogo nogogwaarik, it yi aakumi ndi aakumi o kota wonogwe nogo inoorogo piinet nogwe iyareegirak.

Ndaniyen 11:31

It ti obeelom eeppiige logonet kwe, at awuri ineegin warak pilak yinuk, Ala awi wurik yugum pak wurik wonage nogo, abeelik-abeelek eerogo pugwi, ko'lu-kii'me Ala ake warogo wogogwi nogo, Wogoriyak mage o, yinuk, yorogwe, ndi, Ala awi wurik me maluk eerogo puurak mendek ogole warak lombok ambi mippugwi, eerugun o.

Amot 7:9

Aaninggin inoba kwippiige logonet, it Itak paga wiganak nen puut-puut paga warogo wogorogo menggam nogome abok aret yigirik-noonom eerogo pege, It Iterali inagugi ayuk wurit nogo menggam alik leenak wonage nogo minogo pit nage, Eeke logonet, At aap endagembogut Yerobeyam paga wiganak kunduk, nawooluwak paga nggaluk nawak nduk, mi'narigin o,” yinuk, an yo'nege kagagirak.

Mika 6:16

Kat nen aap endagembogut Omiri nen wone lengganogo pereegerak nogo mugurok nage, Aap Akap apuri wiganak abok aret nen eerit nogo nogogwaarak nogo, ndak-ndak eerit nage, It eeriyak koonogo pugwi nogo kinom eerit nage, Eeke menggendak me, Keebe pup eerogo pagagwi, Kaagalogwe, Ha! yinuk, inagi'ndok kanggwi, Yi aakumi ndi aakumi abok aret meek eerogo pagagwi, Eeruwak nduk, Eeppiyaagin o,” yinuk, yokkege nogo karuk konengge logot o.

Mika 7:10

“Kit kinogoba Aliku Ala nogo ngge o?” yinuk, yo'nirogogwaarak ninawim nogo nen nit ee'ninake ti, Inigen niigo logomenggaarik, inenggali nen inete wandinik logonet, nogo logogun o. It tebenogo piinok, purok tu paga iniyok amok mbanggo mengga kwak, togop eeppiige iyaagun o.