Yeremiya 51:5 - Ala Wone Peenok Peebi Mbanak

⁵ It Iterali inom, Yekura inom, wonogogwam time maluk lombok ndak warak wonage nogo An Kikak Nakeelik Nalik Leenak Iterali inogoba nenegen kage kwe, An Nomaawi Lombok Minggirak inogoba Naliku Ala nen it mbo piyaagin lek nduk, yagi,” yegerak o.

Yeremiya 51:5 ပူးပေါင်းရင်းမြစ်များ

1 Endagembogut 6:13

Eeppagage logonet, an napuri aakumi Iterali mendek nogo mbo piinok mbaganigin lek inenggela'me ninom aret logogin o,” yinuk, yoreegerak.

2 Endagembogut 21:16

At Manate nogo nen at Aliku ALA enegen kagak, aakumi Yekura mendek maluk eeruwak nduk, eereegerak ti maluk aret eereegerak kwe, aakumi maluk eerulik ugun iigak inoorit nagagerak paga inamiya o Yerutalem ilin-unggut abok endak wareegerak ti perak, maluk lombok aret eereegerak.

Etara 9:9

Nit aakumi inayeloman agago tebembinanogo wonogwe iigak kwe, kat ninogoba Ala mbo pinanulik obeelom mban eeppinanege logonet, it aakumi Peritiya mendek inoweewi inendagembogut nen inigen niinok ninabuwa mbaruwak nduk, eeppiige, ninogoba kat kawi wurik wonagagim obaane'me wukwi, ndi, langgu-langgu nagagerak nogo ogobakkigikwi, eeruwok nduk, niniki aganggen kerek togon eerogo pinanege, ndi, nit o Yekura wonogwe inom, kota Yerutalem wonogwe inom, niniki ugun tayenak logowok nduk, yugum pak negen wurogo pinanege, eereegindak o.

Yetaya 44:21

Ala nen ari logonet, “It Yakup mendek ti, an wone yorage yi, abekwi, It Iterali mendek ti, an nayeloman mini aret me, liippugwi, Eeko logowak o. An nen aret ogobakkigirogo piyareegirak me, it an nayeloman mini aret agaarik o. It Iterali mendek ti, an nami eerogo piyaagin lek o.

Yetaya 51:15

Niyo laut oone wo-wo eeruwak nduk kilaarak-mogonik eeke minggirak Naliku kinogoba Ala an aret o. Ndi, nendage ti, Nomaawi Lombok Minggirak Naliku ALA aret.

Yetaya 62:12

Inom wogwe inendage ti, “At Kikak Naka'lek Alik Leenak Apuri o,” yorogwe, “Aliku ALA Wondet Eerogo Piiga o,” yorogwe, Eeko logonet kwe, Kat Yerutalem yi perak, kendage ti, “Kwaakkabit Waga! O Kota Kugume Lek Aakumi Menggam o,” yinuk, yokkogo logogun.

Yeremiya 14:19

Kaliku ALA wae. It aakumi Yekura mendek abu mbo piige, It Tiyon mendek mondok keebi inombake, Eeke agandik? Nit obeelom ee'ninaburak meek andi mban kogo logowok nduk, nonggop nduk andi-pandi eerogo pinanege agandik? Niniki ugun tayenak logowok mbakoorak kwe, obeelom eerogo pinaniyak ambi ari waga'lek wonage, Andi-pandi ee'ninake nogo lek eerogo pinanuwak lak, ao, mbakwi kwe, ninamineeri ne agan noorak mban ee'ninake, Eeke agaarik o.

Yeremiya 14:9

It aakumi iniki kobak a'nuk wonogwe, It aap wim wakaa'ngget kwe, inagap ndaganaburak meek age, Eeko mengga kwak, Kat nonggop nduk togop aret wonage agandik? Kaliku ALA wae. Kat ninenggela'me wonage, Ndi, nit nen kat kendage wiganinuk nogwe, Eeko monggoorak me, Mbo pinaniyak ti mage obak!

Yeremiya 16:18

Inagugi ogut inoone yogolik ogole warak mendek an nanggween paga time pi unggwogogwaarak paga nanggween enete maluk eerogo pugwi, an neyate negen nanggween time eekulik mendek kagak eerit nugu logonet, o time inagugiwak mban yagabit eerogo pit nogwe, eekaarak paga inobaabut maluk lombok logonet, maluk eerit nugwi onggo aaninggin ne ambi inoba piinok, ne ambi inom aret nduguk togon inoba kwippiyaagin,” yegerak o.

Yeremiya 19:4

It nen an mbo paninuk, o yime inogoba an wonage neegak kugi eeko menggam eerogo punuk, inombomini inom, it Yekura inoweewi inendagembogut inom, kugi it ineenggo'lek mendek inake warogo kani kunggwi, it aap maluk eerulik ugun iigak kwe, inamiya kilirik o yime yagabit aruwak nduk, eerogo piigwi,

Yeremiya 23:15

Togop me, at Omaawi Lombok Menggerak Aliku ALA nen yorage kagak yoraga eeriyak yegerak yi aret. “It an noone yoraga negen eekko'nok it Yerutalem mendek yorogwe paga noone liippunuk, Eeriyak ineebi mbaka nogo mendek o yime abok aret wigak yegerak me, It aap ti, inambi ale mendek nawak nduk, wogorage, Niyo kambuurak mendek inom nenggelak-kenggelak eeppunuk nawak nduk, wogorage, Eerigin,” yegerak o.

Yeremiya 31:37

Aliku ALA nen yegerak nogo yi aret. “Mbogut wakkagak eekwi, nggween alom ogu time yarak kwaakkogwe, eeriyak meek menggi kwak, It Iterali paga wiganak nen maluk eeko nogogwaarak kwe kagak an nen mbo piyaagin meek aret o,” yinuk, Aliku ALA nen aret yegerak o.

Yeremiya 46:28

At nayeloman Yakup paga wiganak ti, ninom logogin me, inagabiti mbarugwaarik o. Tak-mak eerogo yi aakumi ndi aakumi wonogo menggam inenggela'me It Yakup mendek nappiinet naminggirak logowam nogome ineebe lek eerogo piyaagin kwe, It perak, lek eerogo piyaagin lek o. Eerit nogo nogogwaarak onggo aaninggin inoba piyaagin lek ti lek, eeppiyaagin aret me, Iniki koonnaruwak nduk, eeppiige ti, eekaarak ndak-ndak aret eerogo piige logogin o,” yinuk, Aliku ALA nen aret yegerak me yokkiragi o.

Yeremiya 50:20

Aliku ALA nen ari logonet, “Ne ti paga eerigin o, yinuk, yoragagirak ti eyom paga An nen eegu yumbunogo piyaminggirak nogo inomaluk lek eerogo piyaagin me, Aakumi nen, Iterali maluk ndogop eekaarak o, yinuk, kwaaremenggaarak kwe, eerulik aret iigwi, Ndi, it Yekura kunduk, Maluk ndogop eekaarak o, yinuk, yemenggaarak kwe, eerulik mban aret iigwi, Eerugun o,” yinuk, yegerak o.

Yeremiya 51:19

At Yakup iniki kunik mbake nogo perak, togop lek o. At nen yi mendek ndi mendek abok aret wakkage nagagerik, Eyate kwak inanebunu Iterali mendek warak eerogo piyareegerak nogo ti, Endage, Omaawi Lombok Menggerak Aliku ALA aret o.

Yetikiyen 8:17

Iige mbareegi, at nen an yo'nege logonet, “Aakumi nen ndarak yi wae. Ti eekwi kenegen iigen ilik? It aakumi Yekura mendek nen maluk ogole warak lombok eekwi ti, iya lek we aret eeko agaarik mbaken? Ti eerit nugu logonet, iniki worokot nen ugun eerit nugwi paga, o nggween paga yime maluk mban ndak wa'narit nage kenok, nanini mi'nagak eeke yi, op mbaken? Kat abu meek o, yinuk, noba peyak wurogo panugwi yi iyet o.

Yetikiyen 9:9

Yoge mbareegi, at nen onggo an yo'nege logonet, “It Iterali mendek inom, Yekura mendek inom, maluk ambik lombok eekwi paga o nggween yi paga aap inamiya mban ndak warogo pege, o kota yi paga eekaarak onggo a'me nggelok eeka'lek yiluk-yiluk inowak loonggwi, eeko logonet, Aliku ALA nen nggween yi abu mbo pegerak o, yogwe, Aliku ALA nen enegen niiga'lek aret agaarik o, yogwe, eekwi me,

Oteya 1:10

Togop aret kwe, mbini niyo aa'nggi paga wonage nogo ambik me, aaninggin wakkogwe, ineenggi lingginggwi, eeriyak meek menggi kwak, it Iterali mendek ineebe togop aret arugun o. Ogo mbaremengga, Kit an napuri lek o, yinuk, yoragagim nogome, It an neenik minggirak Ala napuri aret o, yinuk, yoraagin o.

Oteya 2:1

Togop me, kat nen, Kit Ala apuri o, yinuk, koreewi yorage, ndi, Ala kinabuwa mbaka o, yinuk, kiriwi yorage, eerumunggun o,” yinuk, yoreegerak.

Oteya 2:3

At togop aret eerit nege kenok, an nen at agabolo kin eerogo pege, At nda'nage logonet, agabolo kin nda'nagagi kwak togop eerogo pege, At karume kwak eerogo pege, Nggween ka'let-nggaganak kwak eerogo pege, Eerigin me, At niyo abu nen kambuwak nduk mbo pigin o.

Oteya 4:1

Kit Iterali yi wae. Kit aakumi o yime wonogwe yi, ambi eekotak paga Aliku ALA nen yokkirage me, kinaruk konenggo logonip o. At Aliku ALA nen ari logonet, “O time it nen an noone liippunuk eekwi, iniki kunik ee'nakwi, Ninogoba Ala at aret, nombakwi, Eeka'lek aret agaarik o.

Oteya 4:2

It nen pulunogo piinet nugwi, pilit-pilit agan nugwi, Aap inoorogo piinet nugwi, yogoot kumaakwi, Kumi ugun-ugun eeginabit nugwi, maluk mban eerit nogo logonet, ambi wappunuk, kinok togon ambi wakwi, Eekwi mban me,

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.

Takariya 12:6

Kani wurik logonogo punuk, kani wuninogo pogo mengga kwak, gandum owak mippit nanuk, ndi wuninogo enggela'me pogo mengga kwak, ne ti eyom paga an nen it Yekura mendek inoweewi togop aret eerogo piige neenok, it aakumi inaagan-inambokan wonogwe nogo abok aret kani wuninogo piigwi iinok, tigitogon aret nenet nagin kwe, o Yerutalem perak, wonage menggi kwak enaani aret logogin o.

Takariya 12:8

Ne ti eyom paga Naliku ALA nen it Yerutalem wonogwe nogo, inarum wonage logonet, it aakumi inomaawi lek abu ndeyak wonogwe nogo, at Ndawut omaawi wonagagi kwak eerogo piige, ndi, at Ndawut paga wiganak nogo ti, Ala kwak, Aliku ALA ayonggo malayikat inaa'nduk a'nuk, nogo nogogwa kwak, eerogo piige, eerigin o.

Takariya 2:12

Naliku an ALA nen nggween alik leenak abeenok o Yekura nogo unde eekkolage, ndi, o Yerutalem aa'nduk miippunuk, wonagagi kwak an name logokit nduk, unde eekkolage, eerigin o.

1 Tamuwen 12:22

At Aliku ALA endage abu tiyanak lombok logowak nduk at Aliku ALA nen inikilom kinombake logonet, apuri iniki kundugu lombok eekkinabeegerak me, mbo pinagagin mondok lek o.