Yeremiya 51:42 - Ala Wone Peenok Peebi Mbanak

⁴² Niyo kole yenggenak laut wu'nuk wage logonet, o Mbaben taani wage, Niyo laut oonebu ari logonet, kilaarak-mogonik eerogo o Mbaben tebeni wage, Eerigin o.

Yeremiya 51:42 ပူးပေါင်းရင်းမြစ်များ

Ndawi 18:16

At tiyarogon logonet, eenggi pi'nabi wambi wage, Niyo alobok ambik nen ndonggonnaburak eeke me, Pilanogo nippani wage, Eekerak o.

Ndawi 18:4

Kanggwi ageele paga pirik-perek eerogo panege, Niyo wu'nuk nage logonet, Mu kale'ngga wonok nage menggi kwak An togop aret ee'nake,

Ndawi 42:7

Yi taakut wurabit wagagindak oone wo-wo ari ti, Niyo kole yenggenak ambi inikime nen Niyo kole yenggenak ambi inikime yoge, Yi nggwok kilaarak-mogonik eerogo wunabit nage menggendak nogo, An aret tebenogo panit wage, Eeke agaarik o.

Ndawi 65:7

Niyo nggwok yenggenak laut oone wo ari, Kilaarak-mogonik eerogo nippit wage, Eeke nogo abolok lek eerogo pege, Aakumi noone-koone agan nogwe ti, inoone mbanogo piige, Eereegindak o.

Ndawi 93:3

Kaliku ALA wae. Niyo nggwok ugun-ugun wonagagerak nogo, Niyo nggwok oone lek wonagagerak nogo oonebu ari, Niyo kole yenggenak laut nogo Kilaarak-mogonik eerogo nappit nage, Eeke agaarik o.

Yetaya 21:1

Niyo Laut Aa'nggi Paga O Karume ariyak abinggaanggo paga Ala nen yoreegerak nogo yi aret. O ame pa'nggwe nen wiya nombok-kombok warit wage menggi kwak, O inamineeri nage menggim karume nogome nen aap ambi awuri inom aago wogo agaarik o.

Yeremiya 51:55

Naliku ALA nen o Mbaben maluk eerogo pege, Inale'nggen nen agan nugwi nogo lek eerogo pege, Eerigin o. Niyo kole laut kilaarak-mogonik eeke menggi kwak inawim togop aret aago unggwogwe, Niyo laut oonebu ari menggi kwak, inoone togop aret agan wogwe, Eerugun o.

Yetikiyen 26:3

at kota Tirut ti, iniki koongge nogo, an nen lek eerogo pigin o, yinuk, Naliku Nitok Minggirak an ALA nen aret yagi o. Niyo laut kilaarak-mogonik eeke menggi kwak, yi aakumi ndi aakumi nen at tebenogo pi wagak eeko logowak nduk, yoraagin o.

Ndaniyen 11:10

Ti'nuk, at aap endagembogut ti, apuri nen at aap o ame pa'nggwe inowe endagembogut nogo, inom wim eeruwak nduk, aap ineegin warak ineebe mondok iya lombok kuwak eerogo piinok, niyo wu'nuk wage kenok, ko wariyak meek menggi kwak, at awuri mi'na'nuk, inom wim eerit aap o ame pa'nggwe endagembogut logowam yugum pak wuremenggerak kagak oba kwi'nari ungguurak nduk eekwi iigak,

Ndaniyen 7:2

At Ndaniyen nen liiru mbangge logonet, “An oonikiya paga nabi kagarak nogo yi o. O wiya 4 kuli mbogut oolo ya'i wake menggerak nogo agi-ogu nen, aru-ogwe nen warit wage logonet, niyo nggwok yenggenak laut nogo kilaarak-mogonik eerogo pege kagak,

Ndaniyen 9:26

Ndi, enam puluh dua kali tujuh ti, abu aret eeke kenok, at leenogo punuk amburu eeppereegerak woramenggerak nogo maluk ambi eerulik kagak warogo pugun o. Ndi, aap endagembogut ambi woramenggerak ti, awuri wogo logonet, o kota inom, Ala alut eeko menggam inom, pup eerogo pugun o. O kota alik leenak age yobok eeppuurak nogo ti, yi wu'nuk wage logonet, yi mendek ndi mendek yigirik-noonom eerogo pit nage menggi kwak togop aret eerugun o. Wim eerit nogwe, yi mendek ndi mendek maluk eerogo pit noorak koonak nogo, eerogo pit nogwe, eekwi iigak, o irip yubuni nagin o.

Lukat 21:25

Yorage nagagerik, ambinom yorage logonet, “Kineenu arubagip nduk, oonegen inom, tut inom, laaluguragan inom, ti abu alik tam warak negen eeke kaamunggup o. Ndi, o nggween paga yime yi yenggenak oonebu ari logonet, mondok kilaarak-mogonik eeke kenok, it aakumi inanebunu lombok abok aret, Yi nonggop eerit wage iya! yinuk, iniki abu ma'narugun o.