Yeremiya 51:28 - Ala Wone Peenok Peebi Mbanak

²⁸ O Mbaben inom wim eeriyak nduk, aakumi inanebunu lombok abok aret pipuk eeke, It aap o Meriya mendek inom, o unde menggaarak inoweewi inom, inawuri inom eeka inengga warak inom, It inabu'me piinok menggam abok aret ineegin warak inom, pipuk eerogo piige, Eeko logowak o.

Yeremiya 51:28 ပူးပေါင်းရင်းမြစ်များ

Wakkagagerak 10:2

At Yapet apuri ti, Nggomet, Magok, Marayi, Yawan, Tuban, Metek, Tirat, aret ndaganabeegerak.

1 Mbinineegwaarak 1:5

At Yapet nen apuri aap ndaganabeegerak nogo ti, Nggomet, Magok, Marayi, Yawan, Tuban, Metek, Tirat aret.

Etet 1:3

Wone lengganogo yorage kagak, tahun mbere eeppunuk, ambi age paga it o Peritiya o Meriya mendek ineegin warak inoweewi inom, it aap inendage warak nagawan-nagawan inom, at abu'me o unde menggaarak inom, inake laago nggwok lake me, ne ti eyom paga kuwak eeri wogogwaarak.

Etet 10:2

Ndi, aap endagembogut nen yi eekak ndi eekak abu iya tit nggwok lombok eerit nege nagagerak nogo inom, aap Morekayi tiyappereegerak paga endage nggwok agagerak nogo inom, abok aret it aap Meriya mendek inom, Peritiya mendek inom, inoweewi inendagembogut eeko nogogwaarak liiru mbanak wonage nogo, inom liiru mbanogo pereegwaarak nogo lek a?

Yetaya 13:17

It mbuti perak koloorak mbakwi, Mbuti emas inikilom mbakwi, Eekulik Aakumi Marayi mendek nen it inoori woraawak nduk, inikime nggaganogo piyaagin mbako logonip o.

Yetaya 21:2

Nagabiti mbariyak mendek nabinggaanggo paga yo'negerak yi aret o. Nggaganagalo nen kurumbi wonok nage, Kugun wagangga nen kugun wonok nage, Eeke kagarak o. Aliku ALA nen, “Kit wim nambuka Elam mendek yi wae! Wim eeri unggwogwe, Kit kineegin warak Marayi mendek yi wae! Inawi paga kwi'nari unggwogwe, Ee'nip o! It Mbaben mendek nen aakumi tebenogo piigwi iinok, inoone, Ai-ao, yogwe nogo, An lek eerogo pigin o,” yinuk, yorage kagarak o.

Yeremiya 25:14

Ndi, it aakumi time menggaarak kunduk, aakumi inanebunu apit aret inom, aap inoweewi inendagembogut inom, nen inayeloman mini eeppiinok logowak nduk, eerogo piige logonet, it eeko nogogwaarak inom, ineenggi paga eeppiinet nogo nogogwaarak inom, onggo ndak-ndak eeppiige logogin o,” yinuk, yegerak o.

Yeremiya 25:25

it o Timiri, Elam, Marayi mendek inoweewi inendagembogut inom,

Yeremiya 50:41

“It aap wim eeka apit aago o omarip paga pa'nggwe nen wogwe, Aakumi inanebunu nggwok lombok aago wogwe, Aap inendagembogut lombok o irip-irip time mi'narit nogwe, Eeko logonet,

Yeremiya 51:11

“Naliku an ALA nen it Mbaben mendek eereegwaarak nogo onggo eeppiige, Ndi, an nawi wurik maluk eerogo pereegwaarak nogo onggo eeppiige, Eeriyak koonogo pereegirak nogo eeppiige logonet, o Mbaben pup eerogo piyaawak nduk, It Meriya mendek inoweewi inendagembogut kini wuppiige logonet, Inawuri wim nambuka nen inomaale ngget mbulunggwi, inarin pipuk eerogo pakwi,

Yeremiya 51:27

“At aap inowe endagembogut o omarip paga pa'nggwe wonage nogo nen o nggween paga yi, ndiimbu walok eeke, Yi aakumi ndi aakumi inenggela'me oone nggwok eeka trompet oonebu eeke, Aakumi inanebunu lombok inenggela'me o Mbaben wim eeri ungguurak eyak maganake, O Ararat inom, Mini inom, Atekenak inom, nen o Mbaben tebenogo pi ungguwak nduk, inayonggo piige, Wim eeriyak ineegin warak inowe mippege, Wurin ninggirik mengga kwak kuda paga kwi'na'nuk inaa'nduk nappiige,

Yeremiya 51:29

At Aliku ALA nen o Mbaben time aakumi wonogo logokwak pup eerogo puurak koonogo pereegerak nogo aret eerigin me, O Mbaben ti, aganak wake, andi nen yagan yobak-nggolak wake, eeke agaarik o.

Ndaniyen 6:1

At Ndariyut abu'me piige menggim yi o ndi o time abok aret at abu'me logonet wone lengganogo yorogo logorak awuri ineebe seratus dua puluh leenogo mippiinok, inarum logorak inoweewi ineebe kenagan mippiyoorak inikilom mbake nagagerik, mippiyareegerak. Inoweewi inarum logorak ineebe kenagan mippiyareegerak ambi ti, at Ndaniyen aret. Aap endagembogut abu'me logonet, wone lengganogo yorogo logorak awuri nogo ti, at aap endagembogut amendek lek age, endage maluk age, eeke kero, unde logonet awone mbanggo logorak inoweewi ineebe kenagan ti, mippiyareegerak.

Ndaniyen 6:8

Togop me, ninogoba kendagembogut wae. It aap Meriya mendek inom, Peretiya mendek inom, wone eeko logorak lengganogo pugu nogo ti, lek ageelik mondok wonage menggerak nogo ndak-ndak, wone yokkogoorak yi, liiru mbanogo wumbemenggendak nogo alik age kero, kat togop aret liiru mbanogo keenggi amburu punuk, wumbege logot o.”

Ndaniyen 8:20

Ndomba ngguunok eyak mbere kagandak nogo ti, aap Meriya inom, Peretiya inom, inoweewi inendagembogut mi'nariyak nogo aret kagandak o.

Ndaniyen 9:1

Aap Akatiwerot aput Ndariyut anebunu Meriya mendek nogo, aakumi o Mbaben mendek inowe endagembogut a'nuk, wone lengganogo yorage nagagerak.