Yeremiya 51:27 - Ala Wone Peenok Peebi Mbanak

²⁷ “At aap inowe endagembogut o omarip paga pa'nggwe wonage nogo nen o nggween paga yi, ndiimbu walok eeke, Yi aakumi ndi aakumi inenggela'me oone nggwok eeka trompet oonebu eeke, Aakumi inanebunu lombok inenggela'me o Mbaben wim eeri ungguurak eyak maganake, O Ararat inom, Mini inom, Atekenak inom, nen o Mbaben tebenogo pi ungguwak nduk, inayonggo piige, Wim eeriyak ineegin warak inowe mippege, Wurin ninggirik mengga kwak kuda paga kwi'na'nuk inaa'nduk nappiige,

Yeremiya 51:27 ပူးပေါင်းရင်းမြစ်များ

Wakkagagerak 10:3

Ndi, Nggomet apuri ti, Atekenat inom, Iripat inom, Togarama inom, aret ndaganabeegerak.

Wakkagagerak 8:4

aap Nu nogo ndarak kagak tahun enam ratus eereegerak nogo paga tut 7 penenak tanggal 17 paga yiiro wurik nogo tebe agan puut Ararat paga kwi'nari wambeegerak.

2 Endagembogut 19:37

Time wonage logonet, ne ambi paga at agugi Nitorok awi wurik me unggunuk, alut eeke me, at apuri Aramelek Taretet imbirak nen inawooluwak paga warogo punuk, kole o Ararat nogogwaarak iigak, obaane'me aput Etat-Karon aap endagembogut agagerak.

1 Mbinineegwaarak 1:6

At Nggomet nen apuri aap ndaganabeegerak ti, Atekenat, Iripat, Togarama aret.

Yetaya 18:3

Kit aakumi o nggween paga wonogwe yi, wae. Kit aakumi yi awi ndi awi monggotak yi, wae. Ndiimbu walok eeka puut-puut paga tiyappugwi iinok, kinigen kogwe, It aap oone nggwok eeka trompet oone pu eekwi iinok, kinaruk konenggwi, Eerumunggup o.

Yetaya 37:38

Time wonage logonet, ne ambi paga at agugi Nitorok awi wurik me unggunuk, alut eeke me, at apuri Aramelek Taretet imbirak nen inawooluwak paga warogo punuk, kole o Ararat nogogwaarak iigak, obaane'me aput Etat-Karon aap endagembogut agagerak.

Yeremiya 25:14

Ndi, it aakumi time menggaarak kunduk, aakumi inanebunu apit aret inom, aap inoweewi inendagembogut inom, nen inayeloman mini eeppiinok logowak nduk, eerogo piige logonet, it eeko nogogwaarak inom, ineenggi paga eeppiinet nogo nogogwaarak inom, onggo ndak-ndak eeppiige logogin o,” yinuk, yegerak o.

Yeremiya 46:23

At eyoongga ku'mbanak kagak muurogo pit unggwogwe, Eerugun, yegerak o. Inawuri ineegin warak wogwe nogo ti, aap ineenggi lingginiyak abu meek wurin aago kwak woraagun o.

Yeremiya 50:2

“Aakumi inanebunu lombok inenggela'me yorage, Inaruk liirogon konenuwak nduk wone yoranet nage, Ineenu agak ndiimbu walok eeke logonet, koone nggwok paga yoranet nage, Eeke logonet, Wone ambi kumaarogo puurak lek abok yoroorak nogo yi aret. O Mbaben nogo muk tebenggola unggwogwe, Agugi Mben nogo abu enggali age, Agugi Merorak nogo iniki ma'nage, Inagugi ogut aago nogo inenggali age, Inagugiwak abu yigirik-noonom age, Eerigin o.

Yeremiya 50:3

Aakumi ambi o omarip paga pa'nggwe nen o Mbaben oonda mbani unggwogwe, Anggween ti, kugun me eerogo pugwi, Eerugun o. O time aakumi inom, ndiimbu-nggwiya inom, abok aret kole ma'narit nagun me, Aakumi ambiriluk ambi o time logogun abu lek,” yegerak o.

Yeremiya 51:12

O Mbaben yugum pak wurik langgunogo puwak nduk, ndiimbu walok eekwi, Wim inoba wundi wogwe iyo, tum logowak nduk piigwi, Pen warit nawak nduk, inaa'nduk nappiigwi, Ku tebembunuk logowak nduk eerogo piigwi, Eeko logowak o. Naliku an ALA eeriyak kooneegirak nogo aret eeke, Ndi, it aakumi o Mbaben wonogwe nogo eeppiyoorak wone lengganogo yoragagirak nogo aret eeke, Eerigin me,

Yeremiya 51:14

Yibila kombogonak nogwe kwak, aakumi o Mbaben yagabit ari ungguwak nduk nappiya woraminggirak tebenogo punuk, Abu tebenogo pogo o, yinuk, keekok piyanggaagun o, yinuk, Nomaawi Lombok Minggirak Naliku ALA nendage kumbatinuk kumbuk mbanggi o,” yinuk, yegerak me, yokkiragi o.

Yeremiya 51:28

O Mbaben inom wim eeriyak nduk, aakumi inanebunu lombok abok aret pipuk eeke, It aap o Meriya mendek inom, o unde menggaarak inoweewi inom, inawuri inom eeka inengga warak inom, It inabu'me piinok menggam abok aret ineegin warak inom, pipuk eerogo piige, Eeko logowak o.

Yeremiya 6:1

Aliku ALA nen ari logonet, “It aap Mbeniyamin mendek ti, owunarok mbaganggwi, O Yerutalem teppunuk, mbaganggwi, Eeruwak o. O omarip paga pa'nggwe nen aaninggin inoba ari wage, Maluk mondok iya lombok inoba kwi'narikit nduk wage, Eeke me, O Tekowa paga nen oone nggwok eeka trompet oone pu eekwi, O Mbet-Kerem irimbaga nen kani ka'luk eekwi, Eeruwak o.

Yowen 3:9

Wone yi, yi aakumi ndi aakumi yoranet noorak nogo yi aret. Wim eeriyak nduk, li'luk eeppunuk wonogwe, It aap wim wakaa'ngget abok aret mi'nogwe, Eeko logonip o. It aap wim eeka abok aret panggo yi wa'nuk, wim eeri unggwogwe,

Amot 3:6

O kota ambime oone nggwok eeka trompet nogo oone pu eekwi iinok, aakumi inogut nggigik ari menggerak lek mbakop? Ndi, at Aliku ALA nen it aakumi o kota ambime menggaarak nogo, aaninggin inoba kwippiyoorak koongga'lek kagak Aaninggin inoba kwi'nage menggerak mbakop?

Takariya 14:2

Ne ti paga it o Yerutalem tebenogo puwak nduk, aakumi inanebunu lombok abok aret at nen kuwak eerogo piyamenggerak o kota ti paga kwi'nari unggwogo logonet, o wurik me unggwit nanuk, inamendek kabelogo kologwe, kumi kwa yogwe iigak eeginabit nogwe, eeko logomenggaarik, it kota time wonogwe ando nogo, kugun wogoren o nda piya nogo logonet, it ando o kota time logowak nduk, mbo piyaagun o.