Yeremiya 51:24 - Ala Wone Peenok Peebi Mbanak

²⁴ Togop me, it Mbaben mendek nen it o Tiyon wonogwe nogo maluk eeppiinet nogogwaarak paga onggo at enegen kagak o Mbaben eeppege, it aakumi o Mbaben wonogwe nogo eeppiige, eerigin o,” yinuk, Aliku ALA nen yegerak me, yokkigi o.

Yeremiya 51:24 ပူးပေါင်းရင်းမြစ်များ

Ndawi 79:10

It yi aakumi ndi aakumi alik mendek nen Ninabok mbininggo logonet, “It aakumi ti, inogoba Ala nggeeme wonage o?” Yinuk, yogwe ti, nonggop nduk yogo agaarik o? Nit kayeloman mini ninookwi iinok, Ninane'me wagangge it aakumi ti, ineenu aruwak nduk, Nit ninigen niigak, ninookaarak onggo eeppiiyet o.

Yetaya 48:14

It apit aret kuwak ari woraawak o. Kuwak ari wogwe iinok, wone yorage neegak, inaruk konenggo logowak o. Wone an yorage yi, inagugi inenggela'me wonage nen ambi yoragaarak mbakop? Naliku an ALA nen aakumi Mbaben mendek eeppiyoorak kooneegirak nogo ndak-ndak eeruwak nduk, Aap an leenogo pereegirak nogo nen aret eerigin o. At eenggi omaawi paga aakumi Mbaben mendek eeppiyaagin o.

Yetaya 66:6

O kota time nen noone-koone agan nogwe, Ala awi wurik me nen oone agan wage, Eekwi ti, kinaruk logonip o! Aliku ALA inom ogoorak nogo eekaarak onggo ndak-ndak eeppiige logonet, oone ari ti aret o.

Yeremiya 25:14

Ndi, it aakumi time menggaarak kunduk, aakumi inanebunu apit aret inom, aap inoweewi inendagembogut inom, nen inayeloman mini eeppiinok logowak nduk, eerogo piige logonet, it eeko nogogwaarak inom, ineenggi paga eeppiinet nogo nogogwaarak inom, onggo ndak-ndak eeppiige logogin o,” yinuk, yegerak o.

Yeremiya 50:10

O Mbaben ti, yi mendek ndi mendek abok aret kugun waagun me, Kugun wogo nogo tumbukkologo logonet, iniki ndonggo yigin o,” yinuk, Aliku ALA nen aret yegerak o.

Yeremiya 50:15

O Mbaben yendok-wandok mi'na'nuk, Nawim o, yinuk, keekok piyanggogo logonet, unggwogwe iinok, At eegin-omaale munogo punuk, Wim mage o, yinuk, eenggi nippege, Wim nggayo wurik nogo mi-mi wangge, Yugum pak wurik langgu-langgu wangge, Eeke agaarik o. Naliku ALA maluk eeppanege onggo eeppuurak yi aret me, eeppanege onggo eeppogo logonet, At nen aakumi eeppiige nagagi kwak at ndak-ndak eerogo pogo logowak o.

Yeremiya 51:11

“Naliku an ALA nen it Mbaben mendek eereegwaarak nogo onggo eeppiige, Ndi, an nawi wurik maluk eerogo pereegwaarak nogo onggo eeppiige, Eeriyak koonogo pereegirak nogo eeppiige logonet, o Mbaben pup eerogo piyaawak nduk, It Meriya mendek inoweewi inendagembogut kini wuppiige logonet, Inawuri wim nambuka nen inomaale ngget mbulunggwi, inarin pipuk eerogo pakwi,

Yeremiya 51:23

At paga aap ndomba ndegeninaka andomba inom inoorogo piige, At paga lembu nggween kabungga aap yabu eeka inom inoorogo piige, At paga it aap o unde waka inom, inom eeka inengga warak inom, inoorogo piige, Eeke minggirak o.

Yeremiya 51:35

Ninapuri ninom maluk eerogo pinanugwi ti, it Mbaben mendek inoba aruwak o, yinuk, it Tiyon mendek nen yogwe, Ninoorogo pinanugwi ninamiya it o Mbaben wonogwe nogo inoba aret aruwak o, yinuk, it Yerutalem nen yogwe, Eeko agaarik o,” yinuk, yegerak o.

Yeremiya 51:49

“Aa'nduk it aap Mbaben mendek nen eeppiinet nogo nogogwaarak paga aakumi o nggween paga wonogwe abok aret inenggaawak lek arit nogo nogogwaarak nogo ndak-ndak, It Iterali mendek inoorogo piigo nogogwaarak paga it aret inenggaawak lek eerogo piyaagun me,

Yeremiya 51:56

Naliku ALA ti, eekaatak ndak-ndak onggo eeppiige minggirak an Ala aret o. An nen o Mbaben eekerak ndak-ndak onggo oba kwippigin me, It o maluk eerogo pega nogo o Mbaben wogo logomenggaarik, maluk eerogo pogo logonet, At awuri wim eeka nogo piginakwi, ineegin kalenogo pugwi, Eerugun o.

Leendawi 3:64

Kaliku ALA wae. It ineenggi eereegwaarak mugurok onggo ndak-ndak eeppiige,

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.

Wayu 6:10

It nogo nen inoone nggwok yogo logonet, “Ninogoba Kaliku Ala wae. Kat kalik mondok nggwok alik leenak menggendak me, it aakumi o nggween paga wonogwe nen ninooreegwaarak ninamiya wambit nagagerak nogo, inowak loonogo ninane'me inooka'lek keegak, ne mande arigin o,” yinuk, yogo mbaka,