Yeremiya 51:16 - Ala Wone Peenok Peebi Mbanak

¹⁶ At oone ngguurubu negen ari kenok, niyo mbogut paga narak wonage nogo kilak-tamok eeke, Ameraakot o ilin-unggut nen nippit wage, O yabok pindanogo nappege logonet, mayu wuppit wage, O wiya kuwak eerogo pege menggim nen nappit wage, Eeke menggerak o.

Yeremiya 51:16 ပူးပေါင်းရင်းမြစ်များ

Wakkagagerak 8:1

At Nu inom, yi mendek ndi mendek inigen mbolok kwi anebunu lombok inom, inigen mbolok lek anebunu lombok inom, abok aret yiiro paga wonogogwaarak nogo at Ala nen kobak eerogo piyoolik aberak aret wonagagerak me, wiya nggwok ambi o nggween paga yime nappi wage mbareegi, niyo nogo poro agan wambeegerak.

Ayup 38:22

Ndugu-ndugu inom, mayu anggen inom, ambi eeppiyoorak age kenok, inoba wuppit wage, Wim mbanak paga inom, oome ili paga inom, nambukwi iinok, inoba wurabit wage, Eerikit nduk, Ndugu-ndugu pege minggim unggwage, Mayu anggen pege minggim kenegen kage, Eereegindak ilik, lek a?

Ayup 40:9

An neenggi nogo ti, Ala eenggi omaawi ndak-ndak wonage mbake, Ndi, at Ala oone ngguurubu ari menggi kwak, An noone togop aret ari mbake, Eeke agandik ya?

Ndawi 104:7

Mberege mbareegin, niyo nogo wundi nage, Koone ngguurubu oone negen ari keenok, niyo agabiti nen kuwo-kuwo wungge,

Ndawi 135:7

At piirogo menggim nen Ndugwi o nggween irip-irip nen nippit wage, Mayu wage kagak o kimbik kilanogo nappit wage, O wiya warit woraawak nduk, wumbit wage, Eeke menggerak o.

Ndawi 147:18

At nen mayu anggen nogo, “Niyo aru o,” Yoge kenok, niyo aret age, O wiya at unde me, nappi wage kenok, niyo aret a'nuk nage, Eeke menggerak o.

Ndawi 18:13

Aliku ALA mbogut paga nen oone ngguurubu kwak ari, At Tiyanak Lombok nen oone eerogo nappit nage,

Ndawi 46:6

Yi aakumi ndi aakumi abok aret Inagabiti nen noone-koone agan nogwe, Aap inendagembogut inabu'me piinok menggam iniki a'nggan wo'nogwe, Eerugun o. Ndi, Ala oone nggwok ari kenok, O nggween yi, yigirik-noonom nagin o.

Ndawi 78:26

Oonegen lagi wage menggim pa'nggwe mbogut paga nen Wiya nabuninuk woraawak nduk teppege, At omaawi lombok paga wiya o ame pa'nggwe nen nappi wage,

Wundeegwaarak 10:13

Yoge mbareegi, at Muta nen waanggun paga o Metit time titik eerogo nippege mbareegi, at Aliku ALA nen o wiya oonegen lagi wage menggim pa'nggwe nen nappi wagagerak me, o liingge paga inom, oonikiya paga inom, oonebu ari tit kagak, o weege mbareegi, wurin apit aret wogoren piya wagagerak.

Wundeegwaarak 10:19

Aliku ALA nen o wiya oonegen kilu yi nage menggim pa'nggwe nen nappi wagagerak mondok omaawi nabuninuk warit wage logonet, wurin nogo apit aret kabereren niyo nggwok yenggenak Laut Merah inikime wuppiya nagagerak. Wuppiya nagagerak me, wurin nogo o Metit paga ambiriluk ambi logolik mondok lek aret ogogwaarak.

Wundeegwaarak 14:21

Togop eerak wonogwe iigak, at Muta nogo nen niyo nggwok Yenggenak laut nogo paga eenggi titik eeke mbareegi, at Aliku ALA nen o wiya oonegen lagi wage menggim pa'nggwe nen nappi wagagerak omaawi nabuninuk wage logonet, oonikiya ti paga niyo laut nogo oolo mogonogo nggween kin eeppunuk, woloonogo pereegerak.

Yetikiyen 10:5

eeke mbareegi, at Omaawi Lombok Menggerak Ala oone ari kenok konenggo mengga kwak, it kerub ina'naabit oone ari nogo oore'nggam endekem time konenggwi iyareegirak o.

Amot 9:7

“It Iterali mendek ti, an nggwok lombok liippiige, ndi, it Kuti mendek ti, mbuuluk negen liippiige, eeke minggirak mbakop? It Iterali mendek o Metit nen wogoren wundi wagagirak nogo kwak, it aakumi Pilitin mendek o Kereta nen wogoren wage, It Tiriya mendek o Kit nen wogoren piya wage, Eerulik mbakop? Eereegirak aret o,” yinuk, Aliku ALA nen aret yegerak o.

Yunut 1:4

Inom nogwe me, Aliku ALA nen o wiya nggwok wuppi wagagerak oone pu warit yiiro nogo punggagak eeke logonet, yigirik-noonom eerogo pikit nduk eeke kagak,

Yunut 4:8

Mbuk age kagak, oonegen lagi wage mbareegi, Ala nen kooneegerak paga o wiya oonegen lagi wage menggim pa'nggwe nen aganggen ambik lombok warit wage logonet, mo andiigwi lombok tele agan Yunut anobak paga kere-kere eeke logonet, eebe ndeyak a'nuk, “Kambikit aret,” mbake logonet, “An neenik logorak neebi me, kambuurak op aret o,” yinuk, yereegerak.