Yeremiya 51:14 - Ala Wone Peenok Peebi Mbanak

¹⁴ Yibila kombogonak nogwe kwak, aakumi o Mbaben yagabit ari ungguwak nduk nappiya woraminggirak tebenogo punuk, Abu tebenogo pogo o, yinuk, keekok piyanggaagun o, yinuk, Nomaawi Lombok Minggirak Naliku ALA nendage kumbatinuk kumbuk mbanggi o,” yinuk, yegerak me, yokkiragi o.

Yeremiya 51:14 ပူးပေါင်းရင်းမြစ်များ

Ndawi 105:34

Aliku ALA nen ari kenok, wurin unggwit wogwe, Yibila ineenggi lingginiyak meek nogo ninggirit wogwe, Eeko nogogwaarik,

Yeremiya 44:26

kit aap Yakuri mendek o Metit wonogwe abok aret, at Aliku ALA nen yegerak yi, kinaruk konenggo logonip o. At Aliku ALA nen ari logonet, It aakumi Yekura mendek o Metit yi awi ndi awi wonogwe abok aret nen, Ndogop eerigin o, yinuk, an nendage kunggwi, At mondok eenik Aliku Itok Menggerak ALA owak o, yinuk, kumbuk mbanggwi, eekwi nogo ambinom eeko logogun lek o.

Yeremiya 46:23

At eyoongga ku'mbanak kagak muurogo pit unggwogwe, Eerugun, yegerak o. Inawuri ineegin warak wogwe nogo ti, aap ineenggi lingginiyak abu meek wurin aago kwak woraagun o.

Yeremiya 49:13

O kota Mbotara yigirogo piyamenggaarak paga, aakumi nen, Inamineeri ne agan noorak mendek aago yi o, yinuk, yogwe, mbelaappugwi, at endage kumbunuk pulunogo piigwi, eeko logogun o. Ndi, at enaagan-ambokan kota-kota abok aret kunduk yigirik-noonom aago aret mondok-mondok wonage logogin o, yinuk, nendage kumbatinuk, yagi o,” yinuk, Aliku ALA nen aret yegerak me, yokkiragi o.

Yeremiya 50:15

O Mbaben yendok-wandok mi'na'nuk, Nawim o, yinuk, keekok piyanggogo logonet, unggwogwe iinok, At eegin-omaale munogo punuk, Wim mage o, yinuk, eenggi nippege, Wim nggayo wurik nogo mi-mi wangge, Yugum pak wurik langgu-langgu wangge, Eeke agaarik o. Naliku ALA maluk eeppanege onggo eeppuurak yi aret me, eeppanege onggo eeppogo logonet, At nen aakumi eeppiige nagagi kwak at ndak-ndak eerogo pogo logowak o.

Yeremiya 51:27

“At aap inowe endagembogut o omarip paga pa'nggwe wonage nogo nen o nggween paga yi, ndiimbu walok eeke, Yi aakumi ndi aakumi inenggela'me oone nggwok eeka trompet oonebu eeke, Aakumi inanebunu lombok inenggela'me o Mbaben wim eeri ungguurak eyak maganake, O Ararat inom, Mini inom, Atekenak inom, nen o Mbaben tebenogo pi ungguwak nduk, inayonggo piige, Wim eeriyak ineegin warak inowe mippege, Wurin ninggirik mengga kwak kuda paga kwi'na'nuk inaa'nduk nappiige,

Yowen 2:25

Aliku ALA nen ari logonet, An nawuri wim eeka ambik aago inenggela'me nappiya woraminggirak yibila inom, wurin inom, lelembu inom, yalitom inom, nogo nen Inamindik-inamendek uwiirogo nenet nogwe iigak, yi tahun ndi tahun eereegerak nogo, an nen obaane'me awi yagiyaagin o.

Amot 6:8

At Aliku Itok Menggerak ALA owak mbanggolage logonet, Omaawi Lombok Menggerak Aliku Ala nen yegerak nogo yi aret. “It Yakup mendek iniki wogoppakwi nogo ogole mbake, Yugum pak wurik me, inarum logorak inawi wurik nogo neebi lombok mbake, Eeke me, O kota yi inom, yi mendek ndi mendek o kota wonage inom, abok aret inawim ineenggime piyaagin o,” yinuk, yegerak o.

Iberani 6:13

At Ala nen Abarakam abok yoge logonet, “An nen abet aret nale'nggen nggwok togon koba pagage logonet, kombowologwe apit wokkirigin o,” yinuk, yoreegerak nogo ti, at endage tiyanak kokwak, ambi wonage lek me, at endage aret kunogo yoreegerak.