Yeremiya 51:1 - Ala Wone Peenok Peebi Mbanak

¹ Aliku ALA nen yegerak nogo yi aret. “O Mbaben tebenogo pege, it aakumi Mbaben mendek tebenogo piige, Eeruwak nduk, Aakumi maluk eerogo piiga mendek inikime limbege neyaagun o.

Yeremiya 51:1 ပူးပေါင်းရင်းမြစ်များ

2 Endagembogut 19:7

An ari yi, liirogon konengge logowak o. Aap Atiyut mendek endagembogut ti, wone ambi konembunuk, ame nawak nduk, inikime mambege neenok, yoremenggerak agabiti nen iyokan ame lombok nage kenok, aap ambi nen waruwak nduk eeppigin o,” yinuk, eerogo nappiya wagagerak.

Ndawi 137:8

O Mbaben Aagalukwe kwak kit o Mbaben mendek yi wae. Kit kunduk lek eerogo pinagarak koonak wonage me, Maluk lombok eeppinaneegutak onggo eeppinagago logonet,

Yetaya 13:13

Togop me, an Nomaawi Lombok Minggirak Naliku ALA nanini kani kunik negen eeppiyoorak eyom paga Nanini paga eeppiinet nage logonet, mbogut na'ndo-wa'ndo pege, Nggween obaane'me lombok wonage nogo akom ya langgok eerogo pege, Eerigin o.

Yetaya 14:14

An ndugwi irimbaga lombok lagi nage, At Mondok Tiyanak Menggerak nogo an ndak-ndak eekkola lagangge, Eerikit, mbakendak me,

Yetaya 21:1

Niyo Laut Aa'nggi Paga O Karume ariyak abinggaanggo paga Ala nen yoreegerak nogo yi aret. O ame pa'nggwe nen wiya nombok-kombok warit wage menggi kwak, O inamineeri nage menggim karume nogome nen aap ambi awuri inom aago wogo agaarik o.

Yetaya 47:1

At Ala nen ari logonet, “O Mbaben Aagalukwe Aap Kigin Waka'lek kat yi wae. Kat tiyarogon menggenom nen wambi nanuk, liirubu paga kwi'nage, It Mbaben mendek inaagaluk kat yi wae. Wone lengganogo yorage menggenom kwi'ndak logorak lek nggween paga aret kwi'nage, Eeke logot o. Kolaga abe kigirikwe agabolo anen pera aago yi wae, yinuk, ambinom yokkogo logogun lek me,

Yeremiya 23:19

O wiya anini ambik nombok-kombok eerit wage menggi kwak, Naliku ALA nanini togop aret kilak togon it aap maluk eeka inoba kwippiige neyaagun o.

Yeremiya 49:36

An nen aakumi Elam mendek wonogwe me o wiya agi-ogu nen, aru-ogwe nen, nappit woraminggirak paga Wogoren agi-ogu, aru-ogwe, mappiyaminggirak aakumi inanebunu lombok wonogwe me time unggwit nagun lek ti lek, abok aret inenggela'me unggwit nogo logogun o.

Yeremiya 50:21

“O Meratayim nanuk wim eeri unggwogwe, Aakumi o Pekot wonogwe nogo ineebe inoorogo piigwi, Eeruwak o. Inoorogo piigwi, ineebe lek eerogo piigwi, Yoragarak ndak-ndak aret eekwi, Eeko logowak o,” yinuk, Aliku ALA nen aret yegerak me yokkiragi o.

Yeremiya 50:24

At Mbaben ti, Naliku ALA tebenogo panegak eekerak paga Pagi enggaanok nggerok yuurak keele pogo mengga kwak An nen at eeppuurak keele pigirak kagak at kobak nage me, Enggaanok nggerok yegerak wonage me, pigaganggirak o.

Yeremiya 50:29

O Mbaben ti, iniki wogoppake logonet, An Kikak Nakeelik Nalik Leenak Iterali inogoba Naliku ALA nogo meek eerogo panegerak me, It aap ineenggi woloonak inom, ineegin warak inom, nen o Mbaben tebeni woraawak nduk, inayonggo piyaawak o. Wogo logomenggaarik, ambiriluk ambi inagap ndakko'nok mbaganukwak, O Mbaben yendok-wandok inawooliya wukkologwe, At eeke menggerak onggo ndak-ndak eeppugwi, At eeppinet nage nagagi kwak, at togop aret eeppugwi, Eeruwak o.

Yeremiya 50:33

At Omaawi Lombok Menggerak Aliku ALA nen ari logonet, “It aakumi Iterali mendek inom, Yekura mendek inom, tebenogo piinok, wonogo agaarik o. It wogoren piya nogogwaarak nen teppiyoorak ineebi mba'nuk, tebembiirogo agaarik o.

Yeremiya 51:53

“It aakumi Mbaben mendek nen aakumi tebenogo wuppiya woroobok me, mbogut paga lagi nanuk, O time wuppunuk, pak omaawi lombok wurogo pemenggaarak kwe, Tebenogo wuppiya woraawak nduk, it aap o maluk eerogo pega nogo time aret nappiya woraagin o,” yinuk, Aliku ALA nen aret yegerak.

Yeremiya 51:60

At Yeremiya nen aaninggin-paaninggin o Mbaben oba kwi'nariyak abok aret wone mbuku pirik-perek aago paga liiru mbaneegerak me,

Yetikiyen 19:12

Togop aret kwe, aakumi inanini nen kinogo nggween paga nggimbogo mbareegwa, O wiya oonegen wundi wage menggim pa'nggwe nen warit wage logonet, aganggen nen eyo nogo teebat eerogo pege kenok, Anggen yugu nogo mono-mono wambit nagagerak o. Ndi, eno'mbak omaawi nogo kalenak-pugunik nagagerak mbuk age mbareegi, kani nen tigitogon nenggegerak.

Oteya 13:15

It inowe-inawot inenggela'me logonet ineebe aberogon wonogwe kwe, Naliku ALA nen o wiya aganggen mendek oonegen lagi wage menggim pa'nggwe nen nappi woraminggirak karume time nen wage kenok, Inaniyo eneeri poro-poro nage, It inaniyo nggween kabunik me, amburu lek age, Eerigin o. Ndi, inamindik-inamendek onggo iya pogo menggam wonage nogo abok aret aakumi nen wonok ndi yugun o.

Amot 3:6

O kota ambime oone nggwok eeka trompet nogo oone pu eekwi iinok, aakumi inogut nggigik ari menggerak lek mbakop? Ndi, at Aliku ALA nen it aakumi o kota ambime menggaarak nogo, aaninggin inoba kwippiyoorak koongga'lek kagak Aaninggin inoba kwi'nage menggerak mbakop?

Takariya 2:8

At Omaawi Lombok Menggerak Aliku ALA nen yegerak nogo yi aret. “Aakumi nen it an napuri mbaaniigwi iinok, an nenegen aret ndaganggwi, yegerak me, at Abu Tiyanak Menggerak nogoba nen it yi aakumi ndi aakumi tebenogo pinagareegwaarak nogo, maluk eerogo piyaakit nduk, nappani wagaarak o.

Nappiigak 9:4

Wuppi wage mbareegi, at Tawulut nogo nggween paga enete wanduk ngginnagagerak kagak, oone ambi at yoge logonet, “Tawulut wae. Tawulut wae. Kat nonggop nduk keebi-keeba agago noorit nage menggendak o?” Yoge aruk konembege nagagerik,