Yeremiya 50:44 - Ala Wone Peenok Peebi Mbanak

⁴⁴ Singa niyo Yoreran ndirok eyoongga ku'mbanak me nen wundi woraanuk, Ndomba anggenogo omaawi wurik kagak obaga mbo unggwage menggi kwak, An pilak ari logonet, it o Mbaben wonogwe nogo yini-panip wumbiyaagin o. Wumbiige logominggirik, aap ambi leenogo mippiminggirak wone lengganogo yorage logogin me, Ta nen an nimbirak ndak-ndak me, nimbirak wakkage, Kat ti, nonggop nduk eekendak o? yinuk, ta nen an yo'nege, Ndi, it ndomba ndegeninaka ambi ta nen an eeriyak mbake nogo non mbanogo pege, Eerigin mbakop? Mondok lek aret,” yegerak o.

Yeremiya 50:44 ပူးပေါင်းရင်းမြစ်များ

Yetaya 46:11

It towe nen towe nengga kero, oonegen lagi wage menggim pa'nggwe nen woraawak nduk, wiige, An eeriyak koonggitak nogo a'me aret eeruwak nduk, aap o nda nen woraawak nduk ayonggo pege, Eeriyak yagatak nogo aret eeke, Ndi, eeriyak koonogo pigitak nogo a'me lik togon aret eeke, Eeke minggirak.

Yetaya 46:9

O aa'nduk lombok nen arit wagagerak nogo kiniki abeko logonip o. Alik ambi wonage lek an Ala nalik aret o. An kwak alik ambi wonage lek Ala nalik aret o.

Yetaya 43:10

Aliku ALA nen ari logonet, “It an napuri ti, an eeke inigen neenok yoraga it aret o. It an liippanugwi, abet nombakwi, ndi, an Ala nalik aret ineenu ogwe, Eeruwak nduk, An nen leenogo piyareegirak nayeloman mini aret agaarik o. An aa'nduk nalik nitok neegak, Ala alik ambi logolik o. Ndi, an peebi logogin lek kenok, Ala alik ambi wonage logogin lek mban.

Yetaya 41:25

O omarip paga pa'nggwe nen aap ambi woraawak nduk inikime eeppigirak me, at muk wage, Oonegen lagi wage menggim pa'nggwe nen nendage kunit wage, Eeke agaarik o. Aap nggabok paga togolowak ogobakkigika nen togolowak ogobakkigirikit nduk iyok paga nggabok amok mbangge menggi kwak, At aap nogo wage logonet, togop aret it inendagembogut nogo iyok paga aambirak-mbirak eerogo piige logogin o.

Yetaya 40:25

At Kikak Nakeelik Alik Leenak nen ari logonet, “Kit nen an ta kwak wakkogwe, Ndi, at ti, ta imbirak ndak-ndak, yogwe, Eeko ogotik o?” Yinuk, ari agaarik o.

Ndawi 89:6

It mbogut abu'me o oolo ya'i menggaarak nogo, Kaliku ALA kimbirak ndak-ndak ambi ta wonage mbaken? It mbogut paga wonogo menggaarak kunduk, Kaliku ALA kinom ndak-ndak ambi ta wonage mbaken?

Wundeegwaarak 15:11

Kat kikak nakeelik wonage keenok tiyappagagwi, Eerubok mendek eeke menggendak keenok, Wi, yinuk, kayuk wukwi, Eeko menggaarak me, Kat pogom ta wonage o? Yi kugi ndi kugi Kaliku ALA kat pogom ambi wonage abu lek aret o.

Yeremiya 25:38

It tebenogo piiga nen wooluwak paga inoorit unggwogwe, Aliku ALA anini kani kunik negen inoba piinet nage, Eeremenggaarak paga Inanggween abu mbuk aremenggerak me, At singa wonage menggim nen mbo punuk, mbagangge menggi kwak, Aliku ALA nen togop aret eerigin o.

Yetaya 40:18

Togop me, Ala ti, ta kwak wakkogwe, Ndi, at eebe ti, ngge ogut eerak kwak wakkogwe, Eeriyak mbakop?

Ndawi 89:8

Komaawi Lombok Menggendak Kaliku Ala wae. Kat ndak-ndak ambi ta wonage? Kaliku ALA wae. Kat mondok iya me, Yoraga'ndak li'luk eeppiiga aret wonage, Eeke menggendak o.

Linggineegwaarak 16:5

Ngginna'nuk, aap Kora it aakumi inom kuwak eereegwaarak nogo yorage logonet, “Kit Lewi mendek yi, kinoone yaga'lek puk aret a'nip o. Aliku ALA nen at apuri ake leenogo piige nogo at owagam koorok ka noorak op aret me, Aliku ALA nen ta miirogo pegerak owagam ka noorak op aret kin age kaamun liippuwok nduk, o ko'lu kuubondendok Aliku ALA nen yo'niraagin me, kat Kora inom, it aap apit kinom wagandak yi inom, o ko'lu kuubondendok togolowak kaninggen ndoongga nogo waganogo kani kunik punuk, obari abe kaga nogo obaga pogo logomonggotik, Aliku ALA owagam nogwe kiinok, Aap yi aret leenogo pigi o, ari kenok, aap ti aret Aliku ALA nen leenogo pegerak, mbaruwok o.”

Yeremiya 12:5

Yoge mbaki, at Aliku ALA nen, “Yeremiya wae. Ta nduk mbe agan ari namenggi? yinuk, koreewi kinom tu mbe agan nogo logonet, Kat wuppaganuk nogo menggaarak me, kuda kimbirak nonggoti wakkage, Ndi, kobappaga we negen noorak kwe, kiyogobit lik togon wangge kenok, niyo Yoreran aa'nggi paga iri'ngga ku'mbanak me nonggoti nage, Eeriyak mbaken?

Yeremiya 30:21

It inowe inarum logorak nogo it mendek aret mi'nage, Ndi, it inowe endagembogut nogo inenggela'me nen mi'nage, Eerigin o. Ta nen iniki mba'nuk agabiti mbaka'lek nowagam woroorak mbakop? Lek me, an nen at ti, eeppege neenok, nowagam wa'nuk, nimbirak kunik aret logogin o.

Yeremiya 50:15

O Mbaben yendok-wandok mi'na'nuk, Nawim o, yinuk, keekok piyanggogo logonet, unggwogwe iinok, At eegin-omaale munogo punuk, Wim mage o, yinuk, eenggi nippege, Wim nggayo wurik nogo mi-mi wangge, Yugum pak wurik langgu-langgu wangge, Eeke agaarik o. Naliku ALA maluk eeppanege onggo eeppuurak yi aret me, eeppanege onggo eeppogo logonet, At nen aakumi eeppiige nagagi kwak at ndak-ndak eerogo pogo logowak o.

Takariya 11:3

Inandomba inagari'ngga mili nenet nogo menggam abu lek agaarak kenok, it ndomba ndegeninaka nen le yogwe nogo kinaruk konenggwi, Niyo Yoraran ambet paga iri'ngga mili logonak lek eerogo pegaarak kenok, it singa inoone nggwok agan nugwi nogo kinaruk konenggwi, Eeko logonip o.

Yetaya 48:14

It apit aret kuwak ari woraawak o. Kuwak ari wogwe iinok, wone yorage neegak, inaruk konenggo logowak o. Wone an yorage yi, inagugi inenggela'me wonage nen ambi yoragaarak mbakop? Naliku an ALA nen aakumi Mbaben mendek eeppiyoorak kooneegirak nogo ndak-ndak eeruwak nduk, Aap an leenogo pereegirak nogo nen aret eerigin o. At eenggi omaawi paga aakumi Mbaben mendek eeppiyaagin o.