Yeremiya 50:16 - Ala Wone Peenok Peebi Mbanak

¹⁶ It aap o Mbaben awi yumbungga inom, anggen mbaniyak eyom ari wage kenok anggen mbangga inom, lek eerogo piyaawak o. Aap inooka awooluwak ayuk nen inalitak lombok iniyokan inowe-inawot wonogwe me nogwe, Inalitak nen inawi alom paga kole mbaganit nogwe, Eeruwak o,” yinuk, yegerak me yokkiragi o.

Yeremiya 50:16 ပူးပေါင်းရင်းမြစ်များ

Yetaya 13:14

Ti eeke neenok, nggwiya muguren-magaren nugwi kwak, Ndomba ndegeninaka'lek inalik wonogwe kwak, It aakumi togop aret inalitak lombok inowe-inawot wonogwe me iniyokan iya wogwe, Inalitik-inalitak inawi alom paga mbaganit wogwe, Eerugun o.

Yeremiya 25:38

It tebenogo piiga nen wooluwak paga inoorit unggwogwe, Aliku ALA anini kani kunik negen inoba piinet nage, Eeremenggaarak paga Inanggween abu mbuk aremenggerak me, At singa wonage menggim nen mbo punuk, mbagangge menggi kwak, Aliku ALA nen togop aret eerigin o.

Yeremiya 46:16

It ineegin warak nogo iniyogobit lin-lin ngginnarit nogo logonet, Nit yogobi eeppinanit nage me, it tebenogo pinaniyak mbakwi nen inawooluwak paga ninookwi iyo, Ninagap ndakko'nok ninowe-ninawot wonogwe me, ninamulok paga nawok o, yinuk, yogo agaarik o.

Yeremiya 51:23

At paga aap ndomba ndegeninaka andomba inom inoorogo piige, At paga lembu nggween kabungga aap yabu eeka inom inoorogo piige, At paga it aap o unde waka inom, inom eeka inengga warak inom, inoorogo piige, Eeke minggirak o.

Yeremiya 51:9

At Mbaben tebembiinok wonogwe nogo nen yogo logonet, O Mbaben andi obeelom eerogo puwok mbakoorak kwe, at maluk eeke onggo oba puurak ti, Mbogut koorok piga lagangge, ndugwi koorok ari lagangge, Eekerak kenok, Obeelom ariyak meek me, Nit nggelenninabukwak, o yi teppunuk, niname lombok nawok o.

Yowen 1:11

Kit aap yabu eeka yi wae. Kiniki puru yogwe, Kit aap anggur awi yaka yi wae. Kinaleenggu maakwi, Eeko logonip o. Yarak anggen kole agaarak nogo, abu lek eerogo pegaarak me, gandum inom, waabuk kwak jelai inom, Lek agaarak paga kiniki wakkologo logonip o.

Amot 5:16

At Omaawi Lombok Menggerak nogoba Aliku Ala nen yegerak nogo yi aret. “It aakumi inawi kota-kota wonogwe nogo leenggu maarit nogwe. It aap tu paga tu paga wonogwe nogo nen le agan nogwe, Le yi woraanip o, yinuk, it aap yabu eeka wiirogwe, Ndi, it leendawi tiyangga nen leendawi tiyani woraawak nduk, inayonggo piigwi, Eerugun o.