Yeremiya 50:11 - Ala Wone Peenok Peebi Mbanak

¹¹ “It an neyate kwak niniki kundugu nogo maluk eerogo piigwi nen inale'nggen mbakwi, Ale'nggen inikime nggelok ari logonet, noone-koone agan nugwi, Tapi aagalogwe iri'ngga mili nenet nugu logonet, ineeruwak anen pera eerogo piige kwak eerak nugwi, Kuda ngguunok inoone ku agan nugwi kwak eekwi, Eerit nugwi me,

Yeremiya 50:11 ပူးပေါင်းရင်းမြစ်များ

Ndawi 22:12

Lembu ngguunok kwak Ninom wim mbanak apit nen wangge'nakwi, Tapi ngguunok inigen mbolokwi O Mbatan mendek kwak nen wanggeppaninuk wonogwe,

Kini Wuppiige 17:5

Aap ambi nen aap ineenggi lek mendek nogo miyuk-meya eerogo piige kenok, at ogobakkigirogo piyareegerak nogo aret meek eerogo pege menggerak. Aap ambi nen aakumi maluk inoba aremenggerak me, “Op togon eeki,” yinuk, ale'nggen mbake kenok, at yemenggerak onggo oba arigin lek ti lek, oba arigin aret o.

Yetaya 47:6

It an napuri nanini inoba piige, Yate kwak niniki kundugu kwe, maluk eerogo piige, Eeke logonet, waganogo keenggime piige mbareegi, kat nen inabuwa mbaka'lek aaninggin inoba piige, Aap inanggok kunduk, eyo mbanak tapi enggaanok me kwippogo mengga kwak, aaninggin mondok iya inoba kwippiige, Eereegindak o.

Yetaya 47:8

Togop me, kale'nggen kaanok nduk eekko'net nage, Niniki ugun tayenak wonage mbake, An iya aret o. Ndi, an kwak ambi wonage lek me, an kwe nanu age, Naagalogwe lek ogwe iinok, niniki wakkolage, Eerigin lek aret o, yinuk, yikkolage, Eeke kat yi, Wone an yokkege yi, karuk konengge logot o.

Yeremiya 12:14

Aliku ALA nen ari logonet, “It aakumi Iterali inom koorok menggaarak inobaabut maluk nogo nen an napuri Iterali yate kwak inanggween wogoragagim tebenggologwe nogo, eyo kinogo wunako mengga kwak it wonogo menggam inanggween paga nen nggiginogo wumbiige, it Yekura paga wiganak inenggela'me wonogwe nogo kunduk, togop aret yabonogo wumbiige, eerigin o.

Yeremiya 46:20

O Metit ti, lembu awo ngget ndarak eeruwak amuni mbanak kwak wonage kwe, Ti'neebon ambi o omarip paga pa'nggwe nen at owagam woraagin o.

Yeremiya 46:21

Wage kenok, it Metit mendek inawuri aap ineegin warak onggo kolaga inom wonogwe ti, lembu aagalogwe inamok ambik mengga kwak wonogwe me, It onggo eeppiyoorak eyom panggoni wage, Aaninggin inoba piyoorak ne nogo ari wage, eerigin me, It ko wappunuk puk arugun lek ambugwi aret kole mbaganit nagun o.

Yeremiya 5:28

Abe mban nunggwi paga ineebe kole inamburu tene yogwe wonogwe, Eeko menggaarak. Maluk mban eerit nogo logonet, Ti kuli aret o, yogwe, Elege moono inawone amburu mbanggo logonet, it eeppiyoorak koonggwi, It aakumi ineenggi lek op eeppiyoorak koonak nogo eeppiyoorak inaana'le mbanggwi, Eekulik aret o.

Yeremiya 5:8

Kuda wali eebe piirik aganggen eeke kenok, kooli kwaarinabit nege menggi kwak, Inoreewi inakuwi kagak iniki nengge kenok ugun aret eeginabit nugu menggaarak.

Yeremiya 50:17

“Singa nen ndomba mappiigaatak inalitak mak aago nugu mengga kwak, Iterali togop aret mappiigo logonet, Aa'nduk it Atiyut mendek inowe endagembogut nen ambeme yonggorinake, Ti'nuk, yogondak yi, it Mbaben mendek inowe endagembogut Nebukanetat nen inowak nenenogo nengge, Eereegwaarak,” yegerak o.

Yeremiya 50:27

Ndi, tapi ngguunok inili yaga'lek inenggaanok mbanuwak nduk wonok nogo mengga kwak, Inawuri ineegin warak wakaa'ngget nogo teppiyoorak lek tigitogon inoorogo piigwi, Eeruwak o. It aakumi Mbaben mendek eeppiyoorak eyom ari wage, Eereegwaarak onggo inoba kwippiyoorak eyom muk panggoni wage, Eekerak me, inabuwa o!

Leendawi 1:21

An nen, Ai-ao, ari nogo, aakumi inaruk konenggwi kwe, it ambi nen niniki eyak wappanega'lek aret agaarik o. An noba agaarak nogo, nawim abok aret nen nabok konenggo nagaarik, kat eerogo paneegindak paga inale'nggen mbakwi me, An aago wonage kwak it ndak-ndak aago logowak nduk, eeppiyoorak yoragagindak nogo mbet-mbet eeppiya mok o.

Yetikiyen 36:5

At Aliku Itok Menggerak ALA nen ari logonet, It an nanggween nogo ndinggologo nogogwaarik, unde eeppatinuk, inale'nggen mbakwi, inanini mbako logonet, meek eerogo pugwi, eeko logonet, yi mendek ndi mendek tigippit unggwogo nogogwaarak me, nanini kani kunik negen eeke logonet, Ndogop eekkinabigin o, yinuk, it Erom mendek inom, yi aakumi ndi aakumi ando abok aret inom, yoragagirak o.

Oteya 10:11

It Eparayim mendek ti, aa'nduk tapi ndugum yabu eeriyak mamunik me, Gandum anggen mbelaniyak inikilom wonagagi kwak wonogwe me, It inabuwa nen eyo aaninggin inuum paga piiga'lek wonagagirak kwe, Yogondak perak, yabu aaninggin mendek eeruwak nduk, eyo aaninggin inuum paga kwippiige, It Yekura mendek nggween kabunuwak nduk yoraminggirak kabunggwi iigak, it Yakup mendek nen nggween kabunik nogo amini mbanuwak nduk yorage, Eerigin o.

Amot 4:1

Tapi amok ambik puut Tamariya o Mbatan mendek mengga kwak kit kumi o puut Tamariya mendek kinaanogum anggen yi wae. Kit nen aakumi ineenggi lek wi-wi eerogo piigwi, It aakumi tebenak mendek meek inombako logonet, yeenggwaaraga'lek mbo piigwi, “Anggur amburu nawok nen wo'nira wa'nip o,” yinuk, kinogonggelomini yorogwe, Eeko monggotak yi, Wone yokkirage yi, kinaruk konenggo logonip o.

Obaya 1:12

Inawuri Yakup mendek maluk eerogo piigwi ne ti paga, it Erom mendek nen, Kayik a! inombakwi, It Yekura mendek ineebe lek eerogo piigwi ne ti paga, iniki ale'nggen mbakwi, Aaninggin inoba kwi'nage ne ti paga, Nit eeppinanega'lek me, nit iya, yinuk, tiyappakwi,

Abakuk 1:15

It aakumi eerogo piyareegindak ti, Yikwe niyo nggwok yenggenak laut paga ambik wonogwe nogo, mbuti eyak keele paga pugumbunuk niik eerogo wumbiya wogo mengga kwak, It aap Mbaben mendek nen togop eerogo piigwi, It yum yikwe wagangga nogo paga yonggo'naremenggaarak me, niik eerogo wumbiya wogwe, Yum yikwe wagangga nggorek lombok yugu paga kuwak eerogo yonggorinakwi, Eekwi iinok, Inale'nggen mbakwi, keekok yogwe, eeko menggaarak o.

Takariya 14:12

Aliku ALA nen it yi aakumi ndi aakumi abok aret o Yerutalem mendek inom wim namburiyak nduk unggwi woraagun nogo, kugilingga inoba piyaagin nogo yi aret. It awo ineenik nugwi iigak, inagabolo nggono-nggono wangge, inigen alome pili age, inamili pili a'nuk inambeme inobari ndi wuke, aganake logorak mendek inoba kwippiyaagin ti aret.

Pelaareegerak 32:15

Kendage Yetiyurun ti, li'lak eeka aret kwe, Keebe kole a'nuk, kiyok konden kambokan nen yigirogo pege, Ndonggok togon nenok, keebe piike logonet, Keeruwak loba eerogo pege, Eeke nagagindik, Kanebunu ambit mendek agago pagareegerak Ala nogo mbo punuk, mbagangge, Yugum nu'lek menggi kwak kagap ndaka nogo teppege, Eeppunuk,