Yeremiya 5:9 - Ala Wone Peenok Peebi Mbanak

⁹ It ti eerit nugwi iigak, an nen onggo eeppiiga'lek teppiyoorak op mbaken? It aakumi togop eekwi paga nanini mbake nogo tayo yuwak nduk, eeppiyoorak lek mbaken? Eeppiyaagin aret o.

Yeremiya 5:9 ပူးပေါင်းရင်းမြစ်များ

Kini Wuppiige 6:29

Aap ambi aap alik ambi akwe imbirak nogo yege ti, Ti ndak-ndak aret o. Aap ambi nen aap alik akwe nogo pigagangge kenok, At aaninggin oba arigin lek ti lek, oba arigin aret o.

Yetaya 1:24

Togop me, at Aliku Omaawi Lombok Menggerak Iterali Yeenggwaaraga inogoba Ala nen ari logonet, “A! It ineebi nombakwi nogo nini tayok togon eeppiige, Ninom ogoorak nogo nen eeppanugwi onggo eeppiige, Eerigin o, yinuk,

Yetaya 57:6

Inagugiwak ti, yugum eraabin ambik niyoome mendek waganggaarak ti, Yate kwak kolagaarak ti aret o. Ti aret koloorak mbakaarak me aret kolagaarak o. Inagugiwak yugum ti, oba amburu kilirogo pugwi, Gandum anggen yigirik nogo oba yumbunogo pugwi, Eekwi iigirak o. Ti eekwi iigak, an niniki yanggoppunuk nonggop togon puk logorak? Lek aret o!

Yeremiya 23:2

Iterali inogoba Aliku ALA nen it aap at apuri ndegeninaka yoroorak mbakerak nogo yi aret. Aliku ALA nen ari logonet, “It an nandomba liirogon ndegeninaka'lek wumbiigwi, mak eerogo piigwi, eekaarak me, maluk eekaarak onggo aaninggin inoba kwippiyaagin o,” yinuk, yegerak me, yokkiragi o.

Yeremiya 32:31

O kota yi, aa'nduk lombok wureegwaarak ne ti eyom paga nen nok, yogondak yi kuli, it aakumi yi, maluk mban eekwi paga nanini mi'naruwak nduk eekwi, nanini kani kunik negen wunduwak nduk eeppanugwi, eerit wundi wogogwaarak me, nenegen iyoorak neebi nen mondok lek eerogo piyaakit mbake agarik o.

Yeremiya 44:22

Kit maluk lombok eekwi, ogole warak mendek mban eerit nugwi, eekwi me, Aliku ALA nen ambinom puk ariyak meek age kenok, kinanggween ti pulunik aret wonage, ndi, aakumi lek o wogo aret wonage, eerak o yogondak kogwe ti aret.

Yeremiya 5:10

It inawim nogo nen napuri ineyabu anggur yarak me lagi nogo logomenggaarik, Maluk eerogo pit noorak op aret kwe, abu lek eerogo pugwaarik o. It aakumi yi, Naliku an ALA napuri lek negen iigirak me, Eno'mbak mbanogo mbo nappit nogo mengga kwak it togop aret eeppiinet nogo logowak o.

Yeremiya 5:29

Ti eerit nugwi iigak, an nen onggo eeppiiga'lek teppiyoorak op mbakop? It aakumi togop mban eekwi paga nanini mbake nogo tayo yuwak nduk, eeppiyoorak lek mbakop?

Yeremiya 6:11

Kat kanini it inoba piyoorak nogo an ninikime kani pogom kerek togon eerogo pani wage paga puk ariyak meek tit ee'nake agaarik o.” Yoge mbaki, at Aliku ALA nen, “Nanini kinikime wonage ti, Elege tu paga wonogwe nogo inoba piinet nage, It aap tawe kuwak aago nogo inoba piige, Eeke logot o. Eeppiinet nage keegak, kumi-aap inogonggelomini-inakuwi inom wogoren nogwe, Aap inanggok inom, it aakelo inom, abok piginakwi, Eerugun o.

Yeremiya 6:6

At Omaawi Lombok Menggerak Aliku ALA nen yegerak nogo yi aret. “Eyo muurogo pit nogwe, Iniyok punuk ungguurak nda'nggi pit laganggwi, Eeko logowak o. O kota aken time at ambi nen at ambi tebenogo pegak mban eerit nugwi me, Teppiyoorak lek it maluk eekwi onggo inoba kwippiigo logowak o.

Yeremiya 9:8

It inamili ti, wim komenggabili kwak wonage me, pilit mban agan nugu menggaarak. Inambe paga nen, Nimbirak niniki ambit o, agan nugu menggaarak kwe, inikime perak, Pagi wariyak ta'na pugu kwak, inoreewi maluk eeppiyoorak koonogo pogo menggaarak.

Yeremiya 9:9

It ti eerit nugwi nogo, onggo eeppiiga'lek teppiyoorak mbakop? It aakumi ti eerit nugwi paga nanini mbake nogo tayo yuwak nduk, maluk eeppiyoorak lek mbakop? Eeppiyaagin aret o,” yinuk, Aliku ALA nen aret yegerak o.

Leendawi 3:42

“Nit nen maluk eekwi, Eeriyak, yo'nirage nogo nineebi nen mbo pugwi, eekoorak me, Kat kunduk ninomaluk lek eerogo pinangga'lek aret agandik o.

Leendawi 4:22

O Tiyon Aagalukwe kat yi wae. Eereegindak onggo aaninggin koba pagagwi ti, lek aret age, Wokkeren mbo pagi nagagerak elaambirik logorak lek kuli pugume aret ari nage, Eerigin kwe, O Erom Aagalukwe kat perak, Aliku ALA nen maluk eekendak onggo eeppagage, Komaluk kin eerogo pagage, Eerigin o.

Yetikiyen 7:9

An nen inabuwa inombake, inarigi nen teppiige, eerigin lek ineraambe maluk wonogwe ti ndak-ndak aret onggo inoba piige, inenggela'me maluk ogole warak mendek eerit nugwi nogo, onggo eeppiige, eeke neenok, it nen Naliku ALA an nen aret ineebe lek eerogo piige ineenu arugun o.

Oteya 2:13

At nen obari abe kaga it kugi Mba'an inake kani kungge, Obaanggi-obaangge eeke logonet, iinggen enggaanok me yikkolage, aruk ayo eekkolage, Eeke nagaatik, It at iniki kunik eeko menggaarak nogo muguren nage logonet, ami eerogo mbo paneegerak me, An nen aaninggin at oba kwippigin o,” yinuk, at Aliku ALA nen aret yereegerak o.

Oteya 8:13

An nake pugu nogo, it nen warogo wo'nugwi, Nake warak nogo enggaanggum it nunggwi, Eeko menggaarak kwe, Naliku ALA nen ninikilom mbakeelik aret agarik o. It maluk eekwi ti, an niniki aberak logonet, onggo aaninggin inoba kwippiyoorak nogo ti, Iniyokan o Metit nappiyaagin ti aret!

Ala Unde 18:25

Maluk lombok eerit nugwi paga ineebe inom, inanggween inom, ti maluk agagerak me, maluk eekwi onggo inoba kwippiinet nage neenok, peyak wuko mengga kwak, inanggween nen peyak wurogo mbo piyareegerak.

Ala Unde 26:25

Inomaluk onggo inoba kwippiige logonet, wone ninom abuk nggaruk togon mbaneegurak nogo taganogo pemenggaarak paga inom wim mbanak nogo nen inoorit woraawak nduk yonggo piige, Ninoorukwak o kota pak wurik me unggwi nawok o, yinuk, unggwi namenggaarak kwe, kugi lengga ineebe paga iyak wurogo punuk inom wim mbanak nen inoori woraawak nduk, wogorage, eeke logogin o.

Nakum 1:2

Aliku ALA nen, “Nalik nalut eeruwak lak, it ando inalut eekwi yi, neebi a,” yinuk, mbake, At mbo pugwi iinok, onggo eeppiige, Aliku ALA mbo punuk, ugun eekwi iinok, onggo eeppiige, Anini lombok mi'nage logonet, maluk eeppiige, At Aliku ALA inom ogoorak nogo anini inoba kwippiige, At inom wim mbanak eeppiyoorak mbake nogo inikime tebenak wonage, Eeke menggerak o.

Pelaareegerak 32:43

Togop aret yereegerak me, Ala nen at ayeloman mini inamee'nggo wagangge, Inom wim mbanak nen eeppiyareegwaarak inikime aberak nogo onggo inooke, At apuri inom, inanggween inom, obeelom eerogo piige, Eerigin me, Kit aakumi kinanebunu lombok yi wae. Kiniki ale'nggen nen at apuri kinom keyage wako logonip o.” yinuk, ndawi pereegerak, nogo ti aret.