Yeremiya 5:31 - Ala Wone Peenok Peebi Mbanak

³¹ It aap an nen wone yorage neegak yoraga nogo nen, Ndogop eeke kaamunggup o, yinuk, we pilit pugunit nugwi, It aap an neebe unde nogo nen it iniki mbakwi mban mamuninabit nugwi, Ndi, it ti eekwi nogo it an napuri kunduk, inikilom mbako logonet konenggwi, Eekwi ti aret me, O age yobok panggoni wage kenok it nano eerugun o?” yinuk, yegerak me, yokkiragi o.

Yeremiya 5:31 ပူးပေါင်းရင်းမြစ်များ

1 Endagembogut 22:6

Yoge mbareegi, aap Iterali inowe endagembogut nen it aap peebi eeriyak wone yoraga ineebe empat ratus negen kuwak eeppiige nagagerik, yorage logonet, “An o Aramot-Nggileyat time wim eeri noorak op aret ilik, puk ari a?” Yorage mbareegi, it nogo nen, “At kogoba nen kendagembogut keenggime pigin me, wim eeri noorak op aret o,” yinuk, yoreegwaarak.

Kini Wuppiige 17:4

Aap maluk mendek nen inoone maluk yogwe nogo inaruk konenggwi, Aap pilit pugungga nen aakumi maluk eeppiyoorak yogwe nogo liippugwi, Eeko menggaarak.

Yetaya 10:3

Togop eekwi me, eekotak onggo aaninggin kinoba ari wage, Kineebe lek eerogo pinagarak nduk, o nda nen wogwe, Eeriyak eyom paga nano eeriyak mbakop? “Yeenggwa niret o,” yinuk, mbe agan aap ta yori nogwe, Kinamendek ambik aago nogo o nggeeme punuk mbaganggwi, Eeriyak mbakop?

Yetaya 20:6

Ne ti eyom paga it aakumi inawi niyo laut aa'nggi paga menggaarak nogo nen yogo logonet, Aap endagembogut Atiyut mendek nen nit ninooke kero, niniki panggonak wonogwe, yeenggwa niraawak nduk, mbe agan yora nogwe, ninagap ndaruwak nduk wiirogwe, eekoorak nogo yi eeppiigaarak iyaanip o. Togop me, nit ninagap ndakko'nok mbaganiyak abu meek aret kogo o, yinuk, yogo logogun o,” yinuk, yereegerak o.

Yetaya 33:14

It aakumi maluk eeka o Tiyon wonogwe nogo iniki ma'nage, It aap Ala mugurok noorak ineebi mbaka nogo nen inaganak ngginuk ari, Eeko logonet, “Wologwe wae. Kani nen ineebe lek eerogo nengge me aap ta nen unggwage mbakop? Ndi, aap ta nen kani mondok wunuk mban ari menggim op logorak mbakop? Lek aret o,” yinuk, yugun o.

Yetaya 43:27

It inombo aa'nduk mendek nen maluk eeke, Ti'nuk, noone wonok yoraga nen kunduk, Oone nineebi o, yinuk, yo'nugwi, Eereegwaarak me,

Yetaya 47:7

Kat nen, An kwe nggwok wonage nogo lek aga'lek mondok-mondok aret logogin, yagandak kwe, Eeppagarak yagarak yi, kiniki liippege, Ti eeke neenok, ndogop eeppanigin, mbake, Eeka'lek aret keegi o.

Yeremiya 12:4

It aakumi o yime wonogo menggaarak nogo nen inobaabut maluk aret wonogwe, Ndiimbu-nggwiya inom, yi towe ndi towe inom, abok lek aret ogwe, Ndi, it aakumi nen kunduk, “Nit eerit nugwi nogo at enegen niiga'lek,” mba'nuk eerit nugwi, Eekwi paga O nggween yi mbuk age logonet, ka'let-ndi'nduk eeke, Yi yabu ndi yabu yarak me iri'ngga-kale'ngga teebat neyo-neyo nage, Eeke kagak ne mande ari nagin o.

Yeremiya 14:14

Yoge mbaki, Aliku ALA nen onggo an yo'nege logonet, “It aap an yorage neegak yoraga ti, an yoraga'lek neegak nendage kumbunuk pilit pugunogo yorogo agaarik o. An nen nappiige, yorogo logowak nduk mippiige, Togop yoraanip o, yinuk, yorage, eeka'lek neegak, iniki mba'nuk, Nabinggaanggo ndogop kagarak o, yinuk, yorogwe, tili paganggo logonet ugun-ugun yoranet nugwi, inikime nen pilit pugunogo ugun agan nugwi, eeko agaarik o.

Yeremiya 26:7

Yorage mbareegi, at Yeremiya nogo Aliku ALA awi wurik me logonet yoragagerak ti, aap Ala unde inom, Ala nen yorage kagak yoraga inom, aakumi apit aret inom, inaruk koneneegwaarak.

Leendawi 1:9

Omaluk nogo ayum irip paga lenggenak wonage, “Peebi ndogop eeppaniyak,” iniki liippega'lek wonage, Eereegerak me, At tebenogo pereegwaarak nogo ti, mondok iya aret o! It ambi nen iniki eyak wappega'lek aret wonogogwaarak me, “Kaliku ALA wae. Nawim ineegin tiyak yegerak paga eerogo panugwi yi, kenegen pe'neyet o,” yinuk, yoge agaarik o.

Leendawi 2:14

“Ndogop arigin o,” yinuk, yokkega nen yokkogo nogogwaarak nogo ti, pilit aret yokkugwi, Ambi eeppagarak lek kagak yokkugwi, Keele maakkeren pagi nookwak, “Maluk ndogop eeke agandik o,” yinuk, kin paga yokkega'lek kat eeke nogo kagaarogo pugwi, “Ala nen yegerak me, yokkogo o,” yinuk, yokkogo nogogwaarak nogo ti, pilit-pilit yokkugwi, Tu abe kagak alik paga nomonggeren nogwe, Eeko nogogwaarak o.

Leendawi 4:13

Ti unggwogogwaarak nogo ti, it Ala yorage kagak yoraga nen maluk eekwi, Ndi, it aap iniki abe koonak kagak inamiya kilirogo piyareegwaarak Ala unde nen kunduk maluk eerit nugwi, Eereegwaarak kenok unggwogogwaarak o.

Leendawi 4:18

Tu nugwi niinok, ninom ogoorak nen inigen wo'niren nugu nogogwaarak me, Ninawoore'nggam nen wundi naga'lek puk aret wonogogurak o. Nit nda'nogogurak eyom abu aret lek arit nage, Nineenik logorak kuli abu aret ari nage, Ndi, nit kambuurak eyom panggoni wage, Eereegerak me,

Yetikiyen 13:10

It pilit yaga nen napuri tu kobak eerogo piigo logonet, iniki ugun tayenak lek iigak kwe, Kiniki ugun tayenak logonip o, yinuk, yorogwe, it napuri yugum yagat maluk-maluk wukwi iinok, it pilit yaga nen abe eeka'lek nggabok anggup paga mbenenogo pugwi kwak eekwi, eekwi me,

Yetikiyen 13:6

It aap piliret, Nabinggaanggo ndogop kagarak o, yorogwe, piliret, Ndogop arigin o, yinuk, tili paganggwi, it Naliku ALA nen nappiyoolik kagak, Aliku ALA nen yegerak o, yinuk, yoragaatak nogo, a'me nggelok yuwak nduk mbakwi kwe, a'me nggelok yaga'lek aret wonage, eeko agaarik o.

Yetikiyen 22:14

An nen at maluk onggo eeppuurak eyom paga at mondok nu'lek eeppunuk wonage, eenggi omaawi lombok eeppunuk wonage, eeke kaamunggun mbaken? Mondok lek aret o. Naliku an ALA nen yagarak me, an nen aret eerigin o.

Oteya 4:9

It aakumi eeppiyaagin nogo ndak-ndak, it an neebe unde ti kunduk, togop aret eeppiyaagin o. It imbirak eerit nugwi paga aaninggin inoba kwippiige, Imbirak mban maluk eekwi onggo ndak-ndak eeppiige, Eerigin o.

Oteya 6:10

It Iterali wonogwe inenggela'me time ogole warak mendek eekwi iyareegirak nogo ti, It Eparayim mendek nen kumi ya wuginakak eerit nugu mengga kwak, an mbo paninuk maluk eerit nugwi, Ndi, it Iterali inalik nen aret maluk eerogo pakwi, Eekwi ti aret o.

Oteya 9:5

Togop me, “Ndi eyom paga laago lariyak o,” yugu nogo paga lakwi, Ndi, Aliku ALA alut eeko logonet, kinale'nggen paga lariyak wone yugu nogo paga lakwi, Eeko logonet Nonggop eeko logomunggup o?

Mika 2:11

Aap pilit pugunogo inambokan lagangga ambi nen wage logomenggerik, ari logonet, An perak, anggur amburu inom, kumili aganaka amburu inom, ndonggok togon nonggo logorak yokkirage logogin o, yinuk, yoraga nogo mendek it inobam aret me, inenggela'me logonet yoragak yuurak op aret o,” yinuk, yegerak me, yokkiragi o.

Mika 2:6

“Nit ninenggali eerogo pinaniyak lek me, Ndogop eerigin o, yinuk, it yoraga nen, Ala ndogop yegerak o, yinuk, yo'nirage, Ala nen, Ndogop eeppinagagin, yegerak o, yinuk, yo'nirage, Eeriyak mage o,” Yinuk, yogo menggaarak.

Mika 3:11

Wu kolaawok nduk, maluk eekaarak nogo yiluk-yiluk inowak loonggwi, Onggo wokkiraawak nduk, Ala unde nen wone mamunirogwe, Wu waawok nduk, Nabinggaanggo paga, Ndogop eekkinake kagaarak o, yinuk, yorogwe, Eeko monggotak kwe, Aliku ALA endage kumbunuk kinoone yogo logonet, “Aliku ALA ninenggela'me wonage nogo lek a? Wonage aret me, Maluk eeppinanigin mondok lek aret o,” yinuk, yogo monggotak o.

Tepaniya 3:4

At enggela'me it Ala nen yorage kagak yoraga nogo ti, liirogon yoraga'lek ugun-ugun yorogwe me, “Yi abet aret yo'nirogwe,” mbaka'lek wonogwe, At enggela'me it aap Ala unde nogo nen Ala ake leenogo pugu nogo, maluk eerogo pugwi, Ala wone Muta nen liiru mbaneegerak nogo, taganogo punuk, it mbakwi nogo mban mugurok nogwe, Eeko menggaarak o.

Pelaareegerak 32:20

ari logonet, It aakumi nda'nogogwaarak ti, Li'lak eekulik ineraambe nggolo menggaarak me, Eerit age yubuni nogwe nenegen iyaakit nduk, nambot iinok, logokit o.

Pelaareegerak 32:29

Iniki warak wonogwe, liippunuk ineenu ogwe, Eeppunuk, Nit irip paga togop aret eeppinanugun, kogo, Mba'nuk, ineenu aruwak lak, ao, mbake menggerak o.