Yeremiya 5:28 - Ala Wone Peenok Peebi Mbanak

²⁸ Abe mban nunggwi paga ineebe kole inamburu tene yogwe wonogwe, Eeko menggaarak. Maluk mban eerit nogo logonet, Ti kuli aret o, yogwe, Elege moono inawone amburu mbanggo logonet, it eeppiyoorak koonggwi, It aakumi ineenggi lek op eeppiyoorak koonak nogo eeppiyoorak inaana'le mbanggwi, Eekulik aret o.

Yeremiya 5:28 ပူးပေါင်းရင်းမြစ်များ

Ayup 12:6

It aap o piyangga nogo iname op aret wonage, Inagugi yonggolak wonok nugwi nen Ala anini wunduwak nduk eeppugwi nogo, Iniki ugun tayenak aret wonogwe, Eeko agaarik o.

Ndawi 119:70

Inamok me inookaatak andi lek menggi kwak, It aap ti, iniki togop aret menggaarak kwe, An perak, koone yugu Muta liiru mbaneegerak nogo An ninikilom minggirak o.

Ndawi 72:4

It aakumi inenggela'me tebenak wonogwe nogo, Aap endagembogut nen inawone liirogon mban mbangge, Ineenggi lek inapuri nogo yeenggwaarage, Eeke logogin kwe, It aap tebenogo piiga nogo perak, Aan lebenogo piige logogin o.

Ndawi 73:12

It aap maluk eeka ti, togop aret logonet, Inamendek ambinom mban kuwak eerogo pako nagaatik, Inale'nggen mbakak wonogo menggaarak o.

Ndawi 73:4

It aap ti, ineebe andi ambi eeginaka'lek obeelom inomaawi mban wonogwe,

Kini Wuppiige 15:25

Aap iniki tiyappake awi wurik ti, Aliku ALA nen minogo pege menggerak kwe, Kwe nanu anggween mbanak kuli ogoorak nogo ya langgok eerogo pukwak, arum menggerak.

Yetaya 1:23

Aap karum wonogwe nogo noone ineebi yogwe, It aap kiraaka inom nugwi, It apit aret wone mage yugu kagak wu wogorogwe iinok waganggwi, Wu inambe nggi-nggi agan nugwi, Elege moono inaana'le mbangga'lek mbo piigwi, Kumi togwe inawone liirogon koongga'lek teppiigwi, Eeko agaarik o.

Yeremiya 12:1

Kaliku ALA wae. An wone noba agaatak yokkiri wage neenok, nawone abu abe amburu mbanogo mban yo'nege menggendak kwe, Kat a'me nggelok eeppiige menggendak wone mbuura'luk ambi yokkiriyak mbakirak nogo yi aret. It maluk eeka ineebe obeelom logonet, inale'nggen mban wonogwe, Ndi, it kat koone liirogon eeka'lek nogo nen inambi abe mban nunggwi, Eekwi nogo ti, nonggop nduk?

Yeremiya 2:33

Kwe mbabilu obaabut abu maluk nen, Ee'nabuwak, mba'nuk, eerit nage nogo ti, eenu nggwok aret kwe, it an napuri perak, It iniki kunik logorak mbakwi iniki amok mbaniyak nogo ti, abunuk nggwok ineenu me, it nen at mamuniriyak op aret o.

Yeremiya 22:3

Naliku ALA nen abe koonak a'me nggelok eekwi, it aap tebenogo piinok, inamendek kolamenggaarak ineenggime wonage nogo ndinggologwe, it aap nggiru inom, elege moono inom, it kumi togwe inom, inoone omaawi paga yorogwe, maluk eeppiinet nugwi, ndi, o yime aakumi maluk eeka'lek iigak inookwi, eerugwaarik o.

Yeremiya 7:6

aap nggiru inenggela'me wonogwe inom, elege moono inom, kumi togwe inom, tebenogo piigo logonet, wi-wi aganaka'lek obeelom mban eeppiigwi, o yime it aap maluk eeka'lek iigak, inamiya wunaka'lek teppiigwi, kugi eerit nugwi paga maluk inoba paka'lek an mban mu'neren wogwe, eekwi iinok,

Amot 4:1

Tapi amok ambik puut Tamariya o Mbatan mendek mengga kwak kit kumi o puut Tamariya mendek kinaanogum anggen yi wae. Kit nen aakumi ineenggi lek wi-wi eerogo piigwi, It aakumi tebenak mendek meek inombako logonet, yeenggwaaraga'lek mbo piigwi, “Anggur amburu nawok nen wo'nira wa'nip o,” yinuk, kinogonggelomini yorogwe, Eeko monggotak yi, Wone yokkirage yi, kinaruk konenggo logonip o.

Takariya 7:10

Kumi nanu inom, elege moono inom, aakumi nggiru inom, ineenggi lek inom, tebenogo piigwi, it mban-mban at ambi maluk eeppegak eeriyak koonogo pugwi, eerugwaarik, yegerak me, yokkiragi o,” yinuk, yoragagirak o.

1 Korindut 5:1

Noreewi o. Kit kinenggela'me time kumi ugun eeginabit nogwe konenggirak me, ambi yokkira o. Aap ambi nen at ogoba akwe kagak, “Ndinggerak,” konengge nagarik, yokkiragi. Wologo wae. It aakumi Ala wone konenggulik mendek nen kit eekotak ti, it ndak-ndak abu eekulik kagak, eekotak o.

Pelaareegerak 32:15

Kendage Yetiyurun ti, li'lak eeka aret kwe, Keebe kole a'nuk, kiyok konden kambokan nen yigirogo pege, Ndonggok togon nenok, keebe piike logonet, Keeruwak loba eerogo pege, Eeke nagagindik, Kanebunu ambit mendek agago pagareegerak Ala nogo mbo punuk, mbagangge, Yugum nu'lek menggi kwak kagap ndaka nogo teppege, Eeppunuk,