Yeremiya 5:23 - Ala Wone Peenok Peebi Mbanak

²³ Togop eeke menggerak kwe, it yi perak, inogogumbuk logonet, an yorage nogo, Eeriyak nineebi, mban mbakwi, Tu abe kagak alik paga nomo agan kobak ari nogwe, Eeko agaarik o.

Yeremiya 5:23 ပူးပေါင်းရင်းမြစ်များ

Ndawi 95:10

It ti eyom ndarak nogo anini nen mberirage kagak Tahun 40 aret eereegwaarak. Mberirage logonet, “An yokkirage eeka'lek logonet, Kiniki mondok worokot-linik monggotak yi, Neebi a! yinuk, An yonggonggolage minggim Kit ninom yonggonggola ungguurak abu lek o, yinuk, Nanini nen nowak mbanogo wone ti abu aret yagi o,” Yinuk, yereegerak o.

Yetaya 1:5

Kinanobak paga abok aret kinawin kunik mban wonogwe, Kinooke kagak, kiniki lek-lek eekkinake, Kiniyok ogut kuli nen nok kinanobak kuli, obeelom ambi wonogwe lek piirik-kunik aago mban wonogwe, Kinawinde-kinobaande aago wonogwe, Kinoba pirikut-parakut eerak wonogwe, Eerak nogo lek aruwak nduk, tubunogo wumbakwi, Wip amburu mburunogo punuk, nggerenggologwe, Eeka'lek aret wonogwe kiigak kwe, At nen ambinom kinoorikit nduk eeke, At nen yokkirage nogo, “Eeriyak nineebi,” mban mbakwi, Eekwi ti, Nonggop nduk eeko ogotik?

Yetaya 31:6

Kit aakumi Iterali mendek yi wae. Maluk lombok eeko logonet, kineenggi paga nen mbuti perak paga, mbuti emas paga, kinagugiwak ogobakkigirogo pereegutak nogo, Ne ti eyom paga kinalitak lombok nen mbo pumunggup me, at Ala mbo punuk kiniki o nda ari nagaarak nogo yogondak aret yungguninuk kiniyokan at owagam wa'nip o.

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

Yeremiya 5:5

Inoweewi perak, Aliku ALA eeke menggerak liippugwi, Inogoba Ala yereegerak wone yugu nogo ineenu ogwe, Eekwi nogo abet aret ineenu me, Iya nage logominggirik, yoraagin o,” Mbake nagarik, yora nagarak kwe, “Yum aaninggin kwak, Ala wone yugu aaninggin me ambinom eeriyak nineebi o, yinuk, nggoorogo mbo pugwi, Wone yugu paga nit keele maarak negen wonogwe nogo mbanogo mbo pugwi, Eeruwok o,” yinuk, Iniki ambit eeppunuk, muk mbo pegaarak iigirak o.

Yeremiya 6:28

It napuri abok ti, inogogumbuk an ari eeriyak ineebi mbaka wonogwe, Aakumi meek eerogo piinet nugwi, Mbuti tembaga inom, abe mbuti inom, omaawi menggi kwak, iniki omaawi togop aret wonogwe, Eerak wonogo logonet, Eeriyak lek mendek kagak eerit nugu menggaarak.

Oteya 11:7

It an napuri nen an abu mbo paniyak kooneegwaarak me, An Tiyanak Lombok Minggirak nendage kumbunuk, Yeenggwa niret o, yinuk, yo'nirimenggaarak kwe, Noone onggo ambi yoraga'lek puk aret arigin o.

Oteya 4:8

It an napuri maluk eekwi paga inambi nuurogo nonggo menggaarak me, It an napuri maluk eekwi iinok, inale'nggen mbako menggaarak o.

Tepaniya 3:1

Aakumi tebenogo piigwi, Ala nen yorage nogo eeriyak ineebi mbakwi, O kota enete maluk eerogo pugwi, Eeko menggam o kota Yerutalem ti, abuwa o!

Pelaareegerak 21:18

Yorage nagagerik, ambi yorage logonet, “Aap ambi apuluk wulaga me, agalo-ogoba yogaatak, Eeriyak, eebi mbake, aruk waremenggaarak kwe, inoone liirogon konengge, eeka'lek anobak yugum negen kumbunuk wonage kenok,

Pelaareegerak 31:27

It aakumi yi, wone yugu tagangga inanobak yugum an abu neenu aret o. An neenik neegak togon Aliku ALA oone taganggwi iige nagarak me, an kambiminggirak neegak ti, abunuk aret eeko logogun o.

Iberani 3:12

Togop aret yereegerak me, noreewi o. Kit togon Ala mondok eenik menggerak kagak, nomonogo mbo punuk, abet mbaka'lek kiniki maluk koonit nugwi kiyo, tum wakkologo logonip o.