Yeremiya 5:22 - Ala Wone Peenok Peebi Mbanak

²² It an nayuk wukwi, an paga inaganak wake, eeriyak ti, maluk mbakop?” Yinuk, yegerak o. “Niyo nggwok yenggenak laut nogo endekem kilak togon wundi waga'lek mondok-mondok kuli mbanak logowak nduk, mbini pereegirak nogo lek a? Niyo kilaarak-mogonik eeke kwe, endekem kilak togon wungge, Oone, Wo! eerogo wunabi wage kwe, kuli mbanak kagak wungge, Eeka'lek aret menggerak o.

Yeremiya 5:22 ပူးပေါင်းရင်းမြစ်များ

Wakkagagerak 1:9

Ti age mbareegi, at Ala nen niyo mogonogo o oolo yime nenaarak abu'me pereegerak nogo, nggween kenom aruwak nduk, “Ambit me kuwak aruwak o,” ari mbareegi, aret agagerak.

1 Endagembogut 13:28

keledai amborowak paga kwi'na'nuk, wage nagagerik, aap nogo warak tu paga mbo pugu wonage kagak singa nen aap warak nogo nengge, keledai nogo eyak nibinogo nengge, eeka'lek keledai imbirak taati mi'ndak we arum wonogwe negen iyareegerak.

Ayup 26:10

O eya inom, o apit inom, Yi yenggenak laut mbogut imbirak inetenggen ambit kunik me time kuli mogonak logowak nduk eeppege,

Ayup 37:24

Ndi, aakumi nen, Nit niniki warak aret o, yinuk, yogwe nogo at liippiigeelik me, Aakumi abok at mban ayuk wuko menggaarak o,” yinuk, yoreegerak.

Ayup 38:8

Elege agalo inikime nen perak togon wungge kwak, Niyo laut kiluk togon wundeegerak nogo ugun-ugun nage kero, Ta nen tu narogo pit nage,

Ndawi 104:9

Time nen kuwo-kuwo wundit nogwe iyo, kuli mbanogo pereegindak kagak wunggwi, O nggween yi, tebenogo pit nogwe, Eerugun mondok lek aret o.

Ndawi 119:120

Kat keebe paga nagabiti nen naganak wake, Eekaatak ndak-ndak eeppiigo logorak koone yugu nogo paga Nagabiti nen neenggi neyak tikkolage, Eeke minggirak o.

Ndawi 33:7

Yi nggwok yenggenak laut nogo Togolowa'na negen yenggenogo pege, Ndi, laut nogo yenggenak logowak nduk, O'luwam nggween nenaarogo punuk, yenggenogo pege, Eereegerak o.

Ndawi 99:1

At Aliku ALA endagembogut aret o. Endagembogut aret me, Yi aakumi ndi aakumi inaganak wake, Malayikat negen kerub aru-ogwe iigak, Oolo at wone lengganogo yorage menggim wonage kenok, O nggween yi, nuk-nuk ari, Eeruwak o.

Kini Wuppiige 8:29

“Kuli yi o,” yoreegerak kagak niyo kole laut ugun-ugun nage logokwak, non mbanogo pege, Nggween alom ndoonogo pit nage, Eereegerak.

Yetaya 50:2

An wagarak kwe, aap ineebe lek aret iige, An i'mbanggirak kwe, aap ambi oone yo'nega'lek wonage, Eekaarak ti nonggop nduk? Wondet eerogo pagarak neenggi kuwagaluk mbake, Ndi, kagap ndariyak nomaawi lek mbake, Eeke agandik ya? Niyo laut yenggenak, Porok yu o, yoge neenok porok ari, Niyo wage menggim niyo lek karume aruwak o, yoge neenok, age, Eeke kenok, Niyo lek me, niyo abu nen ikan niyoome wonogwe nogo abok kanggwi, inobari alik negen aret ndi wukwi, Eeko menggaarak.

Yetaya 64:2

Kani kumbunuk omoonuk paga niyo lakaatak kila-kila eeke menggi kwak kat kinom wim mbanak nen kendage ineenu ogwe, Ndi, kat kenggaanom paga yi aakumi ndi aakumi inaganak wake, Eeruwak nduk, Wambi mok o!

Yetaya 66:5

Aliku ALA nen ari kenok kinaganak waka kit yi wae. At yegerak yi, kinaruk liirogon konenggo logonip o. It kinoreewi nen ineebi kinombakwi, An nayuk wukwi kiinok mbo pinagagwi, Eekwi nogo nen yogo logonet, Kit ale'nggen mbako monggotak kiyaawok nduk, Aliku ALA eeke paga endage tiyak ari nogo, Nit ambi eeke kaawok o, yinuk, Yagaarak kwe, eeka'lek kenok, inenggali kaagun o.

Yeremiya 10:7

It yi aakumi ndi aakumi inowe endagembogut yi wae. Taani nen kat kayuk wuriyak lek mbako agaarik? It aakumi inanebunu lombok inom, it inoweewi aap inendagembogut inom, apit aret inenggela'me Kat kokwak aap iniki warak ambi lek aret me, Kat mban kayuk wuko logorak ti op aret o.

Yeremiya 2:19

It maluk eekwi nen aret maluk eeginake, It an noone ineebi mbakwi nen aret ineebe andi-pandi eerogo piige, Eerigin o. Togop me, it nen, Ninogoba Aliku Ala mbo pugwi, At ayuk wukwi, eeka'lek niinok, Abu maluk aret eekwi, niniki andi eekkoloorak mendek eekwi, eeko ogoorik kogo o, yinuk, Ineenu ogwe, iniki liippugwi, eeko logowak o,” yinuk, at ninogoba Omaawi Lombok Menggerak Aliku ALA nen yegerak me, yokkiragi o.

Yeremiya 31:35

Aliku ALA nen yegerak nogo yi aret. “O liingge eya eeke logot o,” yinuk, oonegen yoge, “Oonikiya eya eeko logonip o,” yinuk, tut laaluguragan imbirak wone lengganogo yorage, Niyo nggwok yenggenak laut kilaarak-mogonik eeke logonet, oonebu ari logowak nduk, eerogo pege, Eeke menggerak endage Omaawi Lombok Menggerak Aliku ALA nen ari logonet,

Ndaniyen 6:26

At Ala ti, kanggeelik mondok-mondok eenik wonage, At abu'me piinok menggim lek ageelik mondok wonage, At wone lengganogo yorage menggim kuli pugu lek itok wonage, Eerak aret agaarik o. At nen wondet eerogo piige, inagap ndarogo piige, Mbogut paga inom, nggween paga inom, ineenu agak eeke, Eerubok mendek iya tit eeke, Eeke menggerak o. At Ndaniyen singa inambeme yonggoliyak nduk aago me, agap ndakerak o. Togop me, an wone lengganogo yokkirage yi, kit yi o ndi o an nabu'me pinaganuk minggim wonogwe abok aret nen at Ndaniyen ogoba Ala kinagabiti mbakwi, at mban ayuk wukwi, eeko logomunggup nduk, wone yi liiru mbanogo wumbigi o,” yinuk, liiru mbanogo wumbereegerak.

Amot 4:12

“Iterali mendek ti, an togop aret eerogo piyaagin o. It Iterali ti, inogoba an Ala ninom lambunugun me, it ti, pipuk eeko logowak o, yinuk, Aliku ALA nen wone yi abok aret yegerak me, yokkiragi o,” yoragagirak.

Amot 9:6

At o mbogut oolo ya'i awi wurogo pege, At awi wurik eyak o nggween paga yime yinogo pi wambi wage, Niyo nggwok yenggenak laut nogo wiiremenggerak owagam wage kenok, o nggween paga yime kilirogo pit nage, Eeke menggerak endage ti, Aliku ALA aret o.

Yunut 1:16

Lek age mbareegi, it aap ti nen Aliku ALA inagabiti ambik mbako nogogwaarik, Aliku ALA ake warogo wogogo logonet, “Nit kat mban kayuk wuko logonet, Yogop aret eerit nogo logogun o,” yinuk, kumbuk mbaneegwaarak.

Nakum 1:4

At nen niyo nggwok yenggenak laut nogo porok yuwak nduk, mberege, Niyo abok poro-poro nawak nduk, eerogo pege, Eeke menggerak o. At wage kagak, o Mbatiyan inom, Karemen inom, nggween mbuk arit nage, O Libanon iri'ngga ambiki warak nogo teebat neyo-neyo nage,

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Marakut 4:39

Yogo mbareegwa, eenik a'nuk wiya nogo mberege nagagerik, niyo nogo, “Kabolok lek puk aru o,” yoge mbareegi, o wiya nogo abolok lek age, niyo nogo puk age, eereegerak.

Lukat 12:5

Kit kinagabiti mbarumunggup nduk, an kurumbi yokkira o. At kinagabolo mondok kinooppunuk, kani omoonuk wunuk mban ari menggim nappinagarak unde menggerak ti perak, kinagabiti mbako logonip o. At mondok kinagabiti mbako logonip o, yinuk, yokkirage agarik o.

Pelaareegerak 28:58

Ndi, kit nen eeko logorak wone yugu mbuku paga liiru mbanak wonage yi apit aret, kiniki liippunuk mugurok nogwe, at Aliku kinogoba Ala endage abu tiyanak aakumi iya mbakwi yi, ayuk wukwi, eeka'lek aret logomunggup kenok,

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.