Yeremiya 5:21 - Ala Wone Peenok Peebi Mbanak

²¹ It inigen wonage kwe, inigen kaga'lek wonogwe, Ndi, inaruk wonage kwe, inaruk konengga'lek wonogwe, Eekwi iniki lek wi-wa ti, Wone inaruk konenggo logorak nogo yi aret.

Yeremiya 5:21 ပူးပေါင်းရင်းမြစ်များ

Ndawi 94:8

Kiniki yuundurak aakumi inenggela'me monggotak yi wae. Kit kiniki liippugwi, Kit aap kiniki lek wi negen yi wae. Mandenom nen kiniki warak ogwe, Eerumunggup o?

Kini Wuppiige 17:16

Aap wi nogo nen Iniki warak ariyak uugwe mbaka'lek logonet, Wu eenggime porogo wonage nogo ti, Aanom warogo aret porogo wonage menggerak.

Yetaya 27:11

Ndi, eyo eno'mbak ti mbuk age kenok, it kumi nen wogo logomenggaarik, Kalembunuk, wonok nanuk, kani kunggo logogun o. It aakumi yi ti, iniki lek kobak aret wonogwe me, at ogobakkigirogo piiga nen inabuwa mbake, At ogobakkigirinaka nen obeelom eeppiige, Eerigin lek aret o.

Yetaya 43:8

It aap inigen wonage kwe, inigen mbuk pogom wonogwe, Inaruk wonage kwe, inaruk logu negen wonogwe, Eekwi nogo Kin paga piya wa'nip o.

Yetaya 44:18

It aap ti, ineenu ogwe, liippugwi, eekulik kobak aret wonogwe, Inigen purok lenggenak kwak me, kaga'lek wonogwe, Iniki apit kwak me, liippega'lek wonogwe, Eeko agaarik o.

Yeremiya 10:8

Kugi ogut eyo paga ogobakkigirik aanom warogo alut eekwi ti nen wone mamunirogo menggaarak me, It aakumi ti, iniki apit wi negen aret wonogo agaarik o.

Yeremiya 4:22

At Aliku ALA nen ari logonet, “An napuri ti, wi negen aret wonogwe, it an liippanega'lek wonogwe, Elege iniki lek pogom wonogwe, op ariyak maluk ariyak ineenggo'lek kobak aret wonogwe, Obeelom eeriyak mendek kobak logonet kwe, maluk eeriyak kenok perak, Iniki penenak logonet, aganggen kerek togon eerit nugwi, Eeko menggaarak,” yegerak o.

Yeremiya 5:20

Aliku ALA nen ari logonet, “Wone it Yakup paga wiganak yorage, It o Yekura wonogwe me yoranet nage, Eeke logorak nogo yi aret.

Yeremiya 5:4

An nen mbake logonet, “It ti, ambi eekkoloorak lek wi negen wonogwe me, Aliku ALA eeke menggerak liippega'lek wonogwe, Inogoba Ala yereegerak wone yugu nogo kobak wonogwe, Eekwi iigak,

Yeremiya 6:10

“Wone yi taani yorage, ta mini kurumbi yorage, eeriyak mbaken? Ndi, yorage neenok, taani nen liippugun mbaken? It aakumi ti, inaruk paarak lek me inaruk koneniyak meek aret o. Kaliku ALA ari menggendak nogo inikilom mbaka'lek miyuk-meya eerogo pugwi me,

Yeremiya 7:13

It maluk eekak mban eekwi iinok, Naliku ALA nen, Kinomaluk mbo pinip o, yoragak mban eekitak kwe, inaruk konenggwi, wiiragatak kwe, onggo yo'nugwi, eeka'lek iinok,

Yeremiya 8:7

Towe wiga agan nege menggerak lu nogo, o mayu wage menggim eyom ari wage kenok, kibi wonage me ari nage, Ti'nuk, o kibi age kenok, iyokan ari wage, eeriyak eyom eenu wonage, Ndi, towe puume inom, wuni'nuk inom, uuni inom, nen o kibi menggim nogwe, ti'nuk, iniyokan wogwe, eeriyak eyom liippugwi, Eeko menggaarak kwe, It an napuri perak, eeko logorak Naliku ALA nen yoragagirak nogo liippugulik kobak aret menggaarak o.

Yetikiyen 12:2

“Aakumi nen ndarak yi wae. It an noone eeriyak ineebi mbaka inenggela'me aret menggendak o. It an noone eeriyak ineebi mbakwi me, inigen wonogwe kwe, inigen kaga'lek aret wonogwe, inaruk wonage kwe, inaruk konengga'lek aret wonogwe, eeko agaarik o.

Oteya 7:11

It Metit mendek nen yeenggwa nira woraawak o, yinuk, yora nogwe, Ti'nuk, it Atiyut mendek nen yeenggwa nira woraawak o, yinuk, inowagam nogwe, Eekwi me, It Iterali ti, towe puume iniki lek we negen wi-wi eeppuurak kwak wonogo agaarik o.

Takariya 7:11

Yoragagirak kwe, wone ti, liippunuk nineebi mbakwi, inogogumbuk logonet, wone ti, inambokan mbo punuk, inaruk nakkologwe, eereegwaarak o.

Marakut 4:12

It aakumi ti, iniki liippatinuk, yunggup-melak eekwi iinok, An nen inomaluk lek eerogo piige neyo, Inigen kagak mban eeremenggaarak kwe, yelok kogwe, Inaruk konenggak mban eeremenggaarak kwe, liippugwi, Eeko logokwak, an nen wone eegu laarogo mban yorage agarik o,” yoragagerak.

Marakut 8:18

Kit kinigen wonage kwe, kaga'lek negen logonet, yogo ogotik? Ndi, kinaruk wonage kwe, konengga'lek logonet, yogo ogotik? Roti 5 paga it aap ambik lima ribu aret kareriragagirak nogo kiniki abeka'lek logonet, yogo ogotik? Roti karerak ndiinogo pereegwaarak nogo kuwak agago mbirim yum mande eno korok togon yonggoleegutak?” Yorage mbareegi, it nogo, “Lek o. Yum 12 aret yonggoleegurak o.”

Nappiigak 28:26

“It aakumi yi, inigen kogwe, inaruk konenggwi, Iniki liippatinuk yunggup-melak eekwi, Eekwi iinok, An nen obeelom eeginake neyo, Ninogogumbuk ogwe, ninaruk logu ogwe, Ninigen kubuk nogwe, Eeruwok o, Yinuk, miikkolagaarak me, Inaruk konenggak mban eeremenggaarak kwe, liippatugun lek o. Ndi, inigen kagak mban eeremenggaarak kwe, yelok kaagun lek o, Yinuk, yora nak o, yinuk, kit kinombomini konenuwak nduk, Aberiniki nen Yetaya yoge kagak yoragagerak nogo ti, abet aret yoreegerak o.

Oroma 1:20

Ala eebe nonggoti menggerak ti, maan o yi wakkagagerak kuli paga nen, yi mendek ndi mendek wakkagagerak nogo paga, at eebe omaawi ambik mondok itok menggerak Ala aret kin koorak wonagagerak kwe, it aakumi nen liippega'lek wonogogwaarak me, inaana'le mbanggolaawok nduk, wone onggo yuurak lek aret o.

Oroma 11:8

At ambi nen ari logonet, “Ala nen iniki apit eerogo piige, Inigen kogo logukwak, inigen mbuk eerogo piige, Inaruk konenggo logukwak, inaruk logu negen eerogo piige, Eereegerak kuli nen nok, yogondak togop aret wonogwe o,” yinuk, yereegerak liiru mbangge, ndi, at Ndawut ari logonet, “Ta'na pogo mengga kwak, keele pogo mengga kwak, laago lappunuk, inoone yanggik-yanggok yorenok, inooko logowak nduk eeppiige, Aaninggin-paaninggin inoba luurik-maarak eerogo piinok, yigeebu wuppiige, Yi mendek ndi mendek inigen kogwe iyo, inigen mbuk eerogo piige, Inamborowak yomo aago nugu logowak nduk, eeppiige, Eeru o,” yinuk, Ala yoge, eereegwaarak nogo ndak-ndak iniki omaawi agago piyareegerak wonogo agaarik o.

Pelaareegerak 29:3

it inabut mbanikit nduk wakkagak eeke logonet, ineenu agak inagabiti warak mendek inom, eerubok mendek inom, mondok iya lombok eeke nogo kinigen abe nen aret kogwe, eereegutak o.

Pelaareegerak 29:4

Kinigen kogogutak kwe, at Aliku ALA nen kit yelok kaamunggup nduk, kiniki ngget wokkirage, kinigen lik togon kaamunggup nduk, kinigen obeelom eeppinagage, liirogon konenggo logomunggup nduk, kinaruk abe eerogo pinagage, eeka'lek o yogondak yi kuli aret wonogo ogotik o.

Pelaareegerak 32:6

Kit aakumi kiniki lek wi-wa yi wae. Ala nen obeelom eeppinagit wage onggo nogo togop eeriyak op mbakop? At Ala ti, kinogoba a'nuk, kinonggo mbanogo pinagage, Kinanebunu ambit mendek agago pinagage, Eereegerak ti lek mbakop?