Yeremiya 5:13 - Ala Wone Peenok Peebi Mbanak

¹³ It aap Ala nen yorage kagak yoraga nogo Ala wone inikime lek logonet, inoone we wiya warit nugwi me, Nit ninoba pinaniyak yugu nogo it inoba aret aruwak o,” yinuk, yogo menggaarak.

Yeremiya 5:13 ပူးပေါင်းရင်းမြစ်များ

2 Mbinineegwaarak 36:16

at nappiya wagagerak nogo miyuk-meya eerogo piigwi, “Ala wone ti, abe lek o,” yinuk, meek mbakwi, Ala wone yoraga nogo inagi'ndok kanggwi, eekwi paga Aliku ALA anini mi'nage logonet, “Aaninggin mondok alik negen inoba piyaakit o,” yinuk, nggaruk togon koonogo pereegerak me, it mbo noorak mondok meek aret agagerak.

Ayup 6:26

An ari nogo, kit nen koonogo paniyak nduk yogo ogotik? Iniki aaninggin ndugu agan unggwage nen ari kenok, O wiya pogom ari agaarik, mbako ogotik?

Ayup 8:2

“Kat ne mande paga koone togop mban ari logomunggun? Kat koone ari nogo ti, O wiya oone pu ari kwak aret ari agandik.

Kini Wuppiige 25:14

Aap ambi iniki tiyappake logonet, “Yogop wokkiriaagin o,” yinuk, yorage nagaatik, wogorageelik nogo ti, Ndugwi wage, o wiya wage, eeke kogwe kwe, mayu wageelik menggi kwak aret wonage menggerak.

Yetaya 41:29

Kit ambi eeppiyoorak lek we aret wonogwe, Eerit nogo monggotak ti, abe ageelik aanom warogo aret age, Ndi, o wiya wage kwe, mayu wonok wage lek we aret warit wage menggi kwak, kineebe togop aret eerak wonogwe, Eeko ogotik kiigi o,” yinuk, yegerak o.

Yeremiya 14:13

Yo'nege mbaki, an nen, “Kaliku Kitok Menggendak ALA wae. Ti kwe, it aap kat yorage keegak yoraga nen aakumi apit aret yorogo logonet, Wooluwak paga kinookwi, mbi noogelo kinoba kwi'nage, eerigin lek o. Ata, o yime kiniki ugun mondok-mondok tayenak aret logomunggup o, yinuk, yorogwe ti nonggop o?”

Yeremiya 14:15

It aap an nendage kumbunuk, Aliku ALA nen yogop yegerak o, agan nugwi ti, Naliku ALA nen nappiyoolik kwe, it nen, Wim paga, mbi noogelo paga, o yi, maluk arigin lek o, yinuk, yorogo menggaarak nogo it aret wooluwak paga, mbi noogelo paga kambugun o.

Yeremiya 18:18

Yorage mbareegi, it aap ineebi nombakwi nen yogo logonet, “It aap Ala unde nen eeko logorak wone mamunnirogwe nogo lek age, it aap iniki warak nen ninaruk wakwi nogo lek age, ndi, Ala nen yorage kagak yoraga nen nit yo'nirogwe nogo lek age, eerigin lek me, aap Yeremiya ari menggerak ti, lek eerogo puurak koonuwok nduk, woraanip o. At wone yo'nirage nogo aret abut laganogo at yogwi, ndi, at, Yogop eeriyak, ndogop eeriyak, yo'nirage liippega'lek mbo pugwi, eekwi paga oone lek arigin me, eeruwok aret o,” yinuk, yereegwaarak me,

Yeremiya 22:22

Alom at maluk mban eerit wundi wage nagaarak ti paga It aap at ndegenggwi nogo o wiya nggwok ambi wage logonet, wogoren mappiige, Ndi, it at inom a'nuk wim eekwi nogo keele maageren piya nogwe, Eekwi ti eyom paga At enggali age, endage maluk age, eerigin o.

Yeremiya 28:3

Aap Mbaben inowe endagembogut Nebukanetat nen, yi mendek ndi mendek eekak Naliku ALA nawi wurik me yime wonage me wonok, o Mbaben time pi nagagerak wonage nogo, tahun mbere age yoboni naga'lek kagak aret an nen wonok iyokan pi woraagin o.

Yeremiya 43:2

Kotaya aput Atariya inom, Kareya aput Yokanan inom, it aakumi iniki tiyappaka abok aret inom, nen Yeremiya yogo logonet, “Ninogoba Aliku Ala nen, It o Metit ye mbambatinuk logowak nduk, noorak mage, yora nak o, yinuk, yegerak, yo'niragandak ti, at yuulik kagak, yo'niragandak me, pilit aret ari agandik o.

Oteya 9:7

Aaninggin kinoba kwippinagarak eyom muk panggoni wage, Maluk eekwi onggo ndak-ndak eeppinagarak ne muk panggo yi wage, Eeke me, Kit Iterali kineenu eeppinagagi o. Kit maluk nggwok lombok eerit nugwi, At kineebi lombok ombakwi, Eekwi me, At nen yorage kagak yokkiraga nogo ti, “Wi nen aret ari,” mbakwi, Ndi, it aap iniki warak nen yokkiraga ti, “Iniki mbanak nen aret ari,” yogwe, Eeko ogotik.