Yeremiya 5:1 - Ala Wone Peenok Peebi Mbanak

¹ Aliku ALA nen ari logonet, “Kat o kota Yerutalem yiru-ndiru yime pekkanet nage, Pekkanet nage logonet, kenegen li'lak yambonit nage, Wone mbanggo menggam nggween aagome abok aret yambik-yambek eeke, Eerit nage logot o. Eerit nage logonet, aap ambi iniki abe koonak a'me nggelok mban eeke menggerak ambi wonage kage kenok, Aakumi o kota yime menggaarak ineebe lek eerogo piyaagin lek, inomaluk lek eerogo piyaagin kwe, lek me meek o.

Yeremiya 5:1 ပူးပေါင်းရင်းမြစ်များ

1 Endagembogut 19:10

Yoge mbareegi, at Eliya nogo nen wone onggo yoge logonet, “Nogoba o. Kaliku Komaawi Lombok Menggendak Ala kake nanggena luk togon eerit nage minggirak kwe, it kapuri Iterali nogo nen wone kinom koonogo pereegindak nogo mbo punuk, kake warogo wokkegak ogobakkigirik nogo minogo pugwi, inobaloowi paga it kat yorage keegak yoraga nogo inookwi, eeko logonet, nalik aret mbo panggaarak me, yogondak an inom aret nooriyak nduk eeko mbaka, yime agarik o.”

2 Mbinineegwaarak 16:9

Yi aap ndi aap iniki abet aret Ala oba panggonak wonogwe iyo, omaawi paga yeenggwaaraakit nduk, o nggween paga yime Aliku ALA enegen yomboninabit nage menggerak o. Kat wi negen eekendak me, o yogondak yi kuli nen aakumi kinom wim eeke logomunggun o,” yinuk, yoreegerak.

Ndawi 12:1

Kaliku ALA wae. It aap mukkeren nogwe nogo ineebe lek ogwe, It aap koone liirogon mugurok nogo menggaarak nogo Aakumi inenggela'me nen inenggaawak lek ogwe, Eekaarak me, kat nen aret yeenggwa niret o.

Ndawi 14:2

At Aliku ALA mbogut paga nen Aakumi abok aret nggween paga wonogwe yi, Enegen wugiya wage logonet, “It ambi iniki warak a'nuk eerit nugwi, An mu'neren wogwe, Eekwi iyaamun ilik?”

Ndawi 14:3

Mbaketak kwe, lek aret iige menggerak o. It abok aret tu abe paga naga'lek Nomoninuk alik paga nogwe, It abok ndak-ndak ineraambe maluk lombok ogwe, Eeko logonet, It ambi obeelom eeriyak mbakwi, Ambiriluk ambi nen obeelom eeriyak mbake, Eekulik aret iige menggerak.

Ndawi 94:16

Ta nen it aap maluk mendek inoone taganogo piinok, an naana'le mbangge, Aap ta nen nimbirak a'nuk, it aap maluk eeka inoone lek eerogo piinok, nawone mbangge, Eerigin mbakop? Lek me,

Kini Wuppiige 20:6

Aakumi apit nen, “Nit mbo pinagagun lek o. Niniki mondok kunik eekkinako logogun o,” yogo menggaarak kwe, Aap ambiriluk ambi nen oreeluk mbo pegeelik iniki kundugu lombok eeke menggerak kenok ti, iya aret me, aap ti mendek ta nen kwaakkoorak op mbakop?

Kini Wuppiige 23:23

Wone pilit lek abet yogwe nogo kunggolage logomenggendik, aap ambi inoba kuniyak mage o. Iniki warak ariyak wone inom, inaruk wariyak wone inom, ineenu ariyak wone inom, mugurok nage logot o.

Kini Wuppiige 8:3

O kota unggwi wogo menggam paga, Tu unggwogo menggam ambe mbanak paga, At oone nggwok ari, Eeke logonet,

Ndawi Iya 3:2

Waga'lek kenok, an nen mbake logonet, “An mi'nage logominggirik, o kota yengget-wangget tu nggwok paga inom, wone mbanggo menggam tinime inom, kwaarit wundi nage, At niniki kunik nogo wonage kero, kwaarit nage, Eerikit o,” Yinuk, mi'na'nuk, kwaari wunggirak kwe, eebe lek aret kagarak o.

Yetaya 59:4

Inowak loonggo logonet, “Eekerak ndak-ndak aret owak loonuwok o,” yinuk, yogwe, “Alom eekerak yi aret o,” yinuk, owak loonggwi, Eeka'lek ugun-ugun eeko ogotik o. Maluk eerulik kagak, “Abet aret eekerak o,” yinuk, pilit pugunogo yogwe, Kwe elege logombunuk ndake menggi kwak, kinoone paga aganggen kereembu eerogo owak loonggo logonet, irip paga maluk aret ndakwi, Eeko monggotak.

Yeremiya 2:29

It abok nen, At oone eeriyak nineebi o, yinuk, yogo logonet, At maluk eerogo pinanege agaarik o, yinuk, nonggop nduk, an yo'nogo agaarik?

Yeremiya 44:15

Yorage mbareegi, it aap Yekura mendek inakuwi Ala ake lek it inagugi ake obari abe kaga kani kunggwi ineenu nogo inom, it kumi ambik kuwak ari nogogwaarak taati wonogwe nogo inom, it aakumi o Metit niyo Nin eneeri-ambut wonogwe ineebe apit aago inom, nen Yeremiya yogo logonet,

Yeremiya 8:6

It aakumi yi, yogwe nogo naruk liirogon konengge nagagirak kwe, abe koonak yogwe ambi naruk konengge, An maluk nonggop eeki? mba'nuk, Mbo pi o, yogwe ambi konengge, Eeka'lek aret agarik o. It aap wim namburiyak kuda paga kwi'ndak mbe agan nogo mengga kwak, It yungguninuk waga'lek eeriyak mbakwi nogo mban mugurok nogo menggaarak.

Yeremiya 9:2

Aakumi tu paga wogwe nogo, nogo yegak inake o karume nawi wurik wonage logowak lak, ao! Togop wonage nen, it aakumi nowe-nawot abok aret ti, Kumi ugun-ugun eeginabit nugwi, Wone yugu liippunuk, eekwi lek taganogo mbo pugwi, Eeko menggaarak me, Time mbo piinok, nalik o karume tayorogon time ari nanetak o,” Yinuk, yagarak o.

Yeremiya 9:7

Togop me, at Omaawi Lombok Menggerak Aliku ALA nen yegerak nogo yi aret. “An napuri ti, maluk mban eerit nogwe paga an nonggop eeri? Mili leennaruwak nduk, mbuti worako mengga kwak, napuri ti, togop aret eeginake, inabut mbangge, Eerogo piyaakit mbake agarik o.

Yetikiyen 22:30

An nen o ti lek eerogo pege neyo, yugum yagat obaane'me pak wurogo pege, ndi, wurik eno mbanak me ti paga nen inoori unggwage neyo, o ti ake eno mbanak me arum wake, eeruwak nduk, aap ambi kwaareegirak mendek, eebe lek aret kagagirak o.

Yetikiyen 9:9

Yoge mbareegi, at nen onggo an yo'nege logonet, “It Iterali mendek inom, Yekura mendek inom, maluk ambik lombok eekwi paga o nggween yi paga aap inamiya mban ndak warogo pege, o kota yi paga eekaarak onggo a'me nggelok eeka'lek yiluk-yiluk inowak loonggwi, eeko logonet, Aliku ALA nen nggween yi abu mbo pegerak o, yogwe, Aliku ALA nen enegen niiga'lek aret agaarik o, yogwe, eekwi me,

Ndaniyen 12:4

Togop aret eeko logogun kwe, kat Ndaniyen perak, wone an yokkigirak mbuku pirik-perek aago paga liiru mbanemenggendak abok aret ti, lambunogo amburu nabenogo punuk, aakumi yoraga'lek keegak, o age yobok kuli aret ari woraagin o. Wone ti, kiraarak kagak, it aakumi apit aret, Yi age yi, nineenu aruwok lak, yinuk, yi awi ndi awi kwaarit namenggaarak kagak kwe, kiraarak mban logowak o,” yinuk, yo'nereegerak.

Yowen 2:9

Aberak lek me, o kota oba kwi'nogwe, Yugum pak wurik paga lagit nanuk ambime wanggak eerit inawi wurik me unggwit nogwe, Aap kote kiraaka kwak tu pugagi mbanak me nen unggwit nogwe, Eeko agaarik o.

Amot 8:12

Aliku ALA oone konenuwok lak, ao, yinuk, niyo nggwok laut aru-ogwe yenggenak paga kwaarit nogwe, Niyo ambut pa'nggwe nen niyo eneeri pa'nggwe nogwe, Eerugun kwe, Ambit iluk ambi kwaakkaagun mondok lek aret o.

Takariya 2:4

at yoge logonet, “O kota Yerutalem ti, aakumi ineebe inom, inaanggumi inom, ambik lombok wigannarit nogo logogun me, o kota yagat wurik lek we tene wonage logogin o.

Lukat 14:21

Eereegwaarak nogo ayeloman nen ogoba mbininogo yori wage mbareegi, ogoba anini nen ayeloman yoge logonet, O kota yime tu andogon-andogon apit aret nage logomenggendik, aap ineenggi lek kenok, ineenggi-iniyok peenok warak peenok lek kenok, inigen mbuk kenok, endop maluk kenok, mbet-mbet wogoret wa'nu o.