Yeremiya 49:16 - Ala Wone Peenok Peebi Mbanak

¹⁶ Aakumi inaganak waruwak nduk eerogo piige, Iniki wogoppatit nage, eeke nagagerak paga, at aret ambokan lagambatinuk, Yugum eraanu-eraanu me time wonage, puut-puut tiyarogon time unde eeppatinuk wonage, eeke menggerak ti, Towe pen ware kwak at awi tiyarogon wurit wonage kwe, An nen minogo wuppi woraagin o,” yinuk, yegerak me, yokkiragi o.

Yeremiya 49:16 ပူးပေါင်းရင်းမြစ်များ

2 Endagembogut 14:7

Ti'nuk, ne ambi paga at Amatiya nogo, aap ineegin warak Erom mendek inom wim eeke logonet, o Mayu Ogop Menggim kobappaga time aap sepuluh ribu inoorogo piinok, o Tela tebenggolage nagagerik, endage Yoketen toonogo pereegerak o yogondak yogwe wonogwe aret o.

Ayup 39:27

Towe nggindooni wone lengganogo yorage menggendak paga Tiyarogon wiga agan nogwe, Inawi agi tiyarogon mbambunuk wonogwe, Eeko menggaarak mbaken?

Kini Wuppiige 16:18

Aa'nduk iniki tiyappatit nogo nagaatik, irip paga eebe aret lek eerogo pakwi, Aa'nduk, “Wi!” niraawak nugu nagaatik, irip paga yigeebu aret wambi nogwe, Eeko menggaarak.

Kini Wuppiige 18:21

Inoone agan nugwi ti nen aakumi ineenik eerogo piige, inoorogo piige, eeke menggerak me, It aap inoone agan nugwi inikilom mbakwi ti, irip paga inoone yemenggaarak onggo ndak-ndak aret kologo logogun o.

Kini Wuppiige 29:23

Aap iniki tiyappatit nage nogo aap nen tebenogo pogo menggaarak kwe, Aap iniki tebenak wonage kenok perak, endage tiyappogo menggaarak.

Ndawi Iya 2:14

Yugum ambe nggaganak puut eegwa'me narowe puume kumaarak wonage me, Kat kenete abu kigirikwe me, keyaakit nen kin age, Koone abu abe me, konenikit nduk, koone ari, Eeke logot o.

Yetaya 10:14

Aap ambi nen towe awina kagak eenggi mambege menggi kwak, aakumi inanebunu lombok inamendek kolage, Towe ako awina teppunuk wunggetak kagak aap nen ako kabulogo wagangge menggi kwak, yi aakumi ndi aakumi inanggween tebenggolage, Eeke neenok, Towe a'naabit lambu-lambu eeke menggi kwak, it ambi nen ndelenak-welenak yogwe, Towe oone nggek-nggek ari menggi kwak, inoone ya-mba yogwe, Eerulik o, Yinuk, yegerak me, aaninggin oba kwippigin o,” yinuk, yigin o.

Yetaya 2:21

Aliku ALA nen nggween yi, na'ndo-wa'ndo eerikit nduk mi'na'nuk, Abu tiyanak pi wakugak obaanggi-obaangge li'luk ee'nuk wage, Aakumi inamineeri ne agan noorak mendek eeppiige, Eeke kenok, Aakumi nen yugum ndoome unggwit nogwe, Yugum ambe nggaganak tiyarogon me lagit nogwe, Eerugun o.

Yetaya 49:25

Meek aret kwe, at Aliku ALA nen yegerak nogo yi aret. “It aap wim eeka nen aakumi keele maageren nogwe me, inagap ndake, Ndi, it aap inogogun ambik nen aakumi inagugun wonok nogwe iinok, ndinogo obaane'me pi wage, Eerigin mbake logot o. It aakumi kat tebenogo pagagwi iinok, an nen it tebenogo piige, Ndi, kat kaagalogwe inagap ndake, eeke logogin o.

Yeremiya 48:14

“It nen yogo logonet, Nit aap wakaa'ngget wim iyagalo mban aret me, wim namburiyak ti ninobam o, Yinuk, yogwe ti, nonggop togon yogo agaarik o?

Yeremiya 49:15

Togop me, Aliku ALA nen ari logonet, “An nen aakumi inanebunu lombok inenggela'me at endage abu lek logowak nduk eerogo pege, Aakumi nen at meek eerogo pogo logowak nduk eeppiige, Eerigin o.

Yeremiya 50:29

O Mbaben ti, iniki wogoppake logonet, An Kikak Nakeelik Nalik Leenak Iterali inogoba Naliku ALA nogo meek eerogo panegerak me, It aap ineenggi woloonak inom, ineegin warak inom, nen o Mbaben tebeni woraawak nduk, inayonggo piyaawak o. Wogo logomenggaarik, ambiriluk ambi inagap ndakko'nok mbaganukwak, O Mbaben yendok-wandok inawooliya wukkologwe, At eeke menggerak onggo ndak-ndak eeppugwi, At eeppinet nage nagagi kwak, at togop aret eeppugwi, Eeruwak o.

Yeremiya 51:53

“It aakumi Mbaben mendek nen aakumi tebenogo wuppiya woroobok me, mbogut paga lagi nanuk, O time wuppunuk, pak omaawi lombok wurogo pemenggaarak kwe, Tebenogo wuppiya woraawak nduk, it aap o maluk eerogo pega nogo time aret nappiya woraagin o,” yinuk, Aliku ALA nen aret yegerak.

Amot 9:2

It kole aakumi kambunuk nogo menggam nggween ogu kabunit wambi nanuk wonogwe iigak kwe, time nen aret an neenggi omaawi paga yabonogo nippiya wage, It kole mbogut paga lagi namenggaarak kwe, time nen aret yabonogo nggween paga wuppiya wage,

Abakuk 2:9

Neebe op logokit nduk, nawi tiyarogon wurogo patikit o, mba'nuk, Aakumi wi-wi aganake logonet, inamendek wamenggerak paga at paga wiganak ineenggi warak eerogo piige nogo, abuwa o!

Maleyaki 1:3

ndi, Etawu perak, neebi lombok mbake, eereegirak me, at Etawu wonage menggim puut nggelok-nggobok time karume aakumi logorak lek eerogo pege logonet, yate anggween nogo karume nugu menggaarak mba'ngge nogo inawi logowak nduk, eerogo pereegirak o,” yinuk, Aliku ALA nen aret yegerak o.