Yeremiya 48:29 - Ala Wone Peenok Peebi Mbanak

²⁹ At Mowap iniki wogoppatit nege ti, Mondok iya lombok wogoppake, iniki tiyappake, An mban iya, mbake, Wi, niruwak agan nege, Iniki tiyappatit nege, eeke ti, konenggoorak o.

Yeremiya 48:29 ပူးပေါင်းရင်းမြစ်များ

Ndawi 138:6

Kat Kaliku ALA ti, Mondok tiyanak lombok menggendak kwe, Aap meek mendek nogo kenegen wugiya wage, It aap iniki wogoppako menggaarak nogo kat nda nen liippiige, Eeke menggendak o.

Kini Wuppiige 18:12

Aap ambi aa'nduk iniki tiyappatit nege kenok, peebi endage maluk age menggerak kwe, Ndi, aap ambi aa'nduk iniki tebeppake kenok perak, peebi ayuk wuko menggaarak.

Kini Wuppiige 21:24

Aap iniki tiyappatit nugwi, “An iya,” mbarit nugwi, eekwi inendage ti, Aap Meek Eeppiiga, aret me, It nogo nen, “An mban, Wi, niruwak,” mba'nuk wogoppatit nugu menggaarak.

Kini Wuppiige 30:13

It aap ando inapuri nen, “Nit iya,” mba'nuk inigen tiyanak nugu logonet, aakumi laakot inombarit nugwi,

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Yetaya 13:11

It aakumi o nggween paga maluk eeko menggaarak nogo onggo eeppiige, It aap maluk eeka mendek inomaluk onggo inoba kwippiige, Nit iya o, yinuk, wogoppatit nugwi nogo tebenogo piige, Iniki worokot logonet, agan nugwi nogo inomaawi lek eerogo piige, Eerigin o.

Yetaya 16:6

Nit mban iya o, yinuk, it aakumi Mowap iniki wogoppakwi nogo nit Yekura ninaruk konenggwi, Nit mban nineenu, mbakak iniki worokot linik agan nugwi nogo liippiigwi, Eekoorak nogo ti, We nineenu mbakak agan nugu nagaarak iigo o.

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Lukat 14:11

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Yakobut 4:6

Aberiniki iniki togop aret wakkolage kagak kwe, maluk mbo puwak nduk, Ala iniki kunik nen eeppinanegak mban eeke menggerak. Ti kenok, Ala nen ari logonet, “It aakumi iniki wogoppako menggaarak nogo, an nen tebenogo piige minggirak kwe, Iniki tebenak menggaarak nogo perak, niniki kunik nen eeppiige minggirak o,” yinuk, yereegerak Ala wone liiru mbanak wonage o.