Yeremiya 48:27 - Ala Wone Peenok Peebi Mbanak

²⁷ At nen it Iterali mendek inagi'ndok kangge, It Iterali aap yogoot kiraaka inenggela'me inom wonogwe iinok, Mbelaappege logonet, anobak yelo-walo mban ari, Eeke logolik a?

Yeremiya 48:27 ပူးပေါင်းရင်းမြစ်များ

Ayup 16:4

An ee'nake kwak, kit togop eekkinake logonetak nen Kit yogwe ti ndak-ndak an ari, Noone abe koonogo kit kinoba pinagage, Pekkiige logonet neenggi neyak mbanggolage, Eeke logonetak kwe,

Ndawi 44:13

It aap ninom koorok wonogwe nen, “It yi maluk aret iigo o,” Ninombaruwak nduk eeppiige, It ninaagan-ninambokan wonogwe nen Meek eerogo pinanogo logonet, “Ha!” yo'niruwak nduk eeppiige, Eekendak o.

Ndawi 64:8

Aap maluk eeppiyoorak inoone paga koonogo pegaarak nogo, Yungguk togon it aret inoba kwippiige, It aret ineebe lek eerogo patuwak nduk eeppiige, Eeke kenok, Aakumi nen inigen iigo logomenggaarik, “Ia!” yinuk, pi wako logogun o.

Ndawi 79:4

Togop aago wonogwe iinok, Aakumi ninom korotok wonogwe nen ninagi'ndok kanggwi, Ninaagan-ambokan menggaarak nen, “Op eeppiiga,” yinuk, Miyuk-meya eerogo pinanugwi, Eeko agaarik o.

Yeremiya 18:16

O time maluk eerogo pemenggerak aakumi abok aret nen inigen kogo logonet, Ogole o, yinuk, inamineeri ne agan nage, Aakumi tu ti paga nogo logonet, inigen kenok, O yi eerogo pegerak iya! yinuk, ineenggi ineyak tikkologwe, Eeko logogun o.

Yeremiya 2:26

“Aap ambi kote kiraake me pigaganggwi iinok, enggali age menggi kwak, It Iterali paga wiganak abok aret inom, inoweewi aap inendagembogut inom, aap inendagembogut inawuri nagawan-nagawan inom, Inake eeka an neebe unde inom, inoweewi an nen yorage neegak yoraga inom, abok aret inenggali agaarak wonogo agaarik o.

Leendawi 1:12

“Kit aakumi tu an paga wogwe yi wae. An noba agaarak yi, meek aret nombako ogotik ya? At Aliku ALA anini kani kunik negen eeppaniyak eyom agaarak paga eeppanege kenok, yagan wake yi, It ambi nen it ambi eeppiigwi iigak, yagan wakwi ti kwak ambi wonogwe ilik, lek a? Wonogwe iyo, kinaagan-ambokan time pegiinet nugu logonet, liippiinet nugu logonip o.

Leendawi 1:7

O kota Yerutalem nogo aaninggin-paaninggin oba kwi'nage, andi nen yagan wake, eeke ti eyom paga O maan aa'nduk amendek obeelom mban iniki kundugu wonagagerak nogo iniki abe'nage menggerak o. Aagalogwe awim ineenggime agagerak me, it ambi nen at yeenggwaaga'lek aret wonogogwaarak o. At yigirik-noonom eerak awim nen inigen kenok, agi'ndok kanggo nogogwaarak.

Yetikiyen 25:8

At Aliku Itok Menggerak ALA nen yegerak nogo yi aret. “O Mowap inom, Teyit inom, nen yogo logonet, It Yekura mendek ti, yi aakumi ndi aakumi ndak-ndak aret agaarak o, yinuk, yagaarak me,

Yetikiyen 36:2

At Aliku Itok Menggerak ALA nen yegerak nogo yi aret. It inom wim mbanak nen puut-puut eekwi nogo abok mbanggo logonet, Puut-puut mondok itok tiyarogon menggerak nogo, nit muk unde eekkologogurak me, kayik a! yinuk, yogwe me,

Yetikiyen 36:4

it Iterali wonogo menggam puut-puut ti, Naliku Nitok Minggirak an ALA nen yorage yi, konenggo logowak o. Puut-puut nggorek inom, puut-puut teberogon inom, o nggelok-nggobok me niyo nage menggim inom, o kobappaga abok aret inom, o langgu-langgu aago yi oone lek ndi oone lek eerak wonage inom, o kugun punuk mbaganggwi, yi aakumi ndi aakumi ando inaagan-ambokan wonogwe nogo nen miyuk-meya eerogo pugwi, eeko menggam o kota-kota inom, at Aliku Itok Menggerak ALA nen wone yoroorak yegerak nogo yi aret.

Tepaniya 2:10

It aakumi Mowap mendek inom, Amon mendek inom, iniki, “Nit abu iya lombok,” mbako logonet, At Omaawi Lombok Menggerak Aliku ALA apuri nogo, meek eerogo piigwi, inagi'ndok kanggwi, Eeko nogogwaarak onggo it togop aret eerogo piyaagin o.

Tepaniya 2:8

At Aliku ALA nen ari logonet, “It aakumi Mowap mendek nen an napuri meek eerogo piigwi, It Amon mendek nen an napuri mbelaappiigo logonet, inagi'ndok kanggwi, Eekwi nogo An muk naruk konenggirak o. It nen an napuri meek eerogo piigwi, Nit iya me, kinanggween tebenggologwe niinok, kit nonggop eerumunggup o? yinuk, yorogwe, Eekwi me,

Matiyut 26:55

Yoge nagagerik, ne ti paga at Yetut nen it aap wogogwaarak nogo yorage logonet, “Aap yogoot wagangga piginabi nogo mengga kwak, an togop aret pi'nabuwok nduk, tege wooluwak inom, yawi mbanak inom, wonok wogotak ya? Ko'lu-kii'me Ala awi wurik me mamunggirage neegak, pi'naka'lek wonogotak kwe,

Matiyut 27:38

Ndi, aap yogoot iyagalo mbere Yetut eebe peenok-peenok eyo alik paga nabenogo piyareegwaarak.

Matiyut 7:2

3 Kit maluk eekotak o, yinuk, kinoone omaawi paga perak togon yorogwe kiinok, Ala nen kit togop aret yokkirage kaamunggup o. Wakkagak nogo paga wakkaanuk aakumi wogorogo monggotak nogo ndak-ndak wakkaanuk wokkirage kaamunggup o.