Yeremiya 48:26 - Ala Wone Peenok Peebi Mbanak

²⁶ “At Mowap ti, Naliku ALA meek nombake logonet, iniki wogoppateegerak me, Niyo kumili aganaka nenok peyak wurogo pogo mengga kwak, At kumili negen aruwak nduk, eerogo puwak o. Ti eerak logonet, peyak wurogo pemenggerak paga lagak-mbagak ari kenok, Aakumi nen at agi'ndok kanggo logowak o.

Yeremiya 48:26 ပူးပေါင်းရင်းမြစ်များ

Ayup 9:4

At Ala ti, yi wone ndi wone eenu wonage, At mondok omaawi aret wonage, Eeke menggerak me, At eerit nage kagak it ambi nen inogogumbuk a'nuk Non mbanogo pege kenok, teppiyaagin mbaken?

Ndawi 2:4

At wone lengganogo yorage menggim mbogut paga nen inagi'ndok kangge, Ala nen it miyuk-meya eerogo piige,

Ndawi 59:8

Togop aret agan nugwi kwe, Kaliku ALA nen inagi'ndok kangge, Yi aakumi ndi aakumi abok ti, meek eerogo piige, Eeke menggendak o.

Ndawi 60:3

Nit kat kapuri nogo Aaninggin mondok iya lombok kaawok nduk eeppinanege, Anggur amburu omaawi mendek neenok, Inambuluk piige menggi kwak, Nit togop aret eerogo pinanege, Eekendak o.

Ndawi 75:8

Niyo toolak kwak, Aliku ALA anini nogo, Togolowa'na toolak at eenggime porogo wonage, Anggur amburu eyak-nggweyak obari abe eeka inom nenggelak-kenggelak eerogo toolak kwak wonage me, At nen kilirogo nappi wage kenok, It aap maluk eeka nggween paga wonogwe nogo abok aret Amburu ti, mondok porok togon nonggo logogun o.

Wundeegwaarak 5:2

Yogo mbareegwa, Pirawun nen ari logonet, “Aliku ALA ti, ta me nduk at oone konembunuk it Iterali ti nappiyoorak yogop? Aliku ALA ti, an abu neenggo'lek o. Ndi, aakumi Iterali nawak nen teppiyaagin mondok lek mban.”

Wundeegwaarak 9:17

At iniki ogogumbuk a'nuk, an napuri nawak nduk, teppiiga'lek pippiirogo wonage me,

Yetaya 10:15

Aap ambi aye paga eyo muuke kagak, ye ti nen, “At aap yi, iya lek o. An perak iya o,” yinuk, wogoppake, Ndi, aap ambi anggege paga eyo mbangge kagak, nggege nogo nen, “At yi lek o. An mban iya o,” yinuk, tiyappake, Eeko menggaarak mbakop? Aap ambi owaanggun wagangge kenok, waanggun nogo nen, “An nen kat wokkabi o,” yinuk, yoge, Ndi, yawi mbanak nen, “Yogop eeru,” yinuk, aap nogo yoge, Eekulik o.

Yetaya 19:14

At Aliku ALA nen iniki wi eerogo piiga inikime mambiyareegerak kenok, Naalop-kaalop koonit nogwe paga Aap ambi kumili aganaka amburu nenok, peyak wuke nagaatik, peyak wurik paga lagak-mbagak ari menggi kwak, It aap ti nogo nen it o Metit mendek togop eeko logowak nduk, eerogo pigaarak me,

Yetaya 28:8

Mbi nonggo menggaarak eyo ndoonak paga abok aret peyak wurogo pegaatak me, Peyak wurik mban ndak warak wonage agaarik o.

Yetaya 29:9

At Aliku ALA nen nogo nggaruk togon yuurak eerogo pinagareegerak o. It Ala yorage kagak yoraga nogo inigen nobarogo piige, Inabinggaanggo kaga abe yogwe lek, mbaruwak nduk, inabut wurogo piige, Eereegerak me, Yi mendek ndi mendek kinigen kaga'lek kinigen mbuk eerogo pakwi, Anggur amburu noolik kwe, kumili kunggwi, Niyo omaawi mendek noolik kwe, neyak-kweyak agan nugwi, Eeko logonet, Kiniki ma'nage, “Wi!” yogwe, eekwi ti, kinombaalombok eekkologo logonip o.

Yetaya 51:17

Kat kota Yerutalem yi wae. Pilak yu o. Pilak yu o! Yi toolak nunggwi kwak Aliku ALA anini alik negen koba pagarak toolak nogo nengge, Amburu toolak nunggwi iinok, neyak-kweyak agan nogo mengga kwak anini toolak nogo ameneno inom porok togon nengge, Eekendak kat Yerutalem yi, mi'naru o.

Yeremiya 48:39

Niyoowak telenak-mbelenak aago kwak o Mowap abu alik negen yigirik-noonom aago me iya o! It leenggu maakwi ti mondok iya! It Mowap mendek inenggali nen inete kumaappatinuk wonogwe me, iya! Aakumi nen it o Mowap mendek inagi'ndok kanggwi, Enaagan-ambokan wonogwe nogo, Ninamineeri ne agan nage yi aret o, yinuk, yogwe, Eeko agaarik o,” yinuk, at Aliku ALA nen aret yegerak o.

Yeremiya 48:42

Naliku ALA meek nombake logonet, iniki tiyappateegerak ti paga It aakumi Mowap mendek pup eerogo piyaagin o.

Yeremiya 50:29

O Mbaben ti, iniki wogoppake logonet, An Kikak Nakeelik Nalik Leenak Iterali inogoba Naliku ALA nogo meek eerogo panegerak me, It aap ineenggi woloonak inom, ineegin warak inom, nen o Mbaben tebeni woraawak nduk, inayonggo piyaawak o. Wogo logomenggaarik, ambiriluk ambi inagap ndakko'nok mbaganukwak, O Mbaben yendok-wandok inawooliya wukkologwe, At eeke menggerak onggo ndak-ndak eeppugwi, At eeppinet nage nagagi kwak, at togop aret eeppugwi, Eeruwak o.

Yeremiya 51:39

Ineenik aga'lek inale'nggen paga nogo nggaruk togon yuwak nduk, mbi larogo wogorage, Niyo kumili aganaka toologo wogorage, Eerigin o.

Yeremiya 51:57

It o Mbaben inoweewi inengga warak inom, inoweewi iniki warak inom, it o Mbaben unde menggaarak inom, Inawuri inom eeka inom, inawuri aap wim eeka inom, abok aret Niyo kumili aganaka wogoraminggirak nenok ineenik aga'lek mondok-mondok nogo nggaruk togon yogo logogun o,” yinuk, at endagembogut endage ti, Omaawi Lombok Menggerak Aliku ALA nen aret yegerak o.

Yeremiya 51:7

O Mbaben nogo ti, niyoowak emas paga ogobakkigirik kwak Nalik Ku ALA neenggime logonet eeriyak yoge neegak, Aakumi nggween paga abok kumili kunuwak nduk anggur amburu wogorage nagagerak. Anggur amburu toologo pereegerak nogo yi aakumi ndi aakumi nunggo nagaarik, kumili kunik aret agaarik o.

Leendawi 1:21

An nen, Ai-ao, ari nogo, aakumi inaruk konenggwi kwe, it ambi nen niniki eyak wappanega'lek aret agaarik o. An noba agaarak nogo, nawim abok aret nen nabok konenggo nagaarik, kat eerogo paneegindak paga inale'nggen mbakwi me, An aago wonage kwak it ndak-ndak aago logowak nduk, eeppiyoorak yoragagindak nogo mbet-mbet eeppiya mok o.

Leendawi 3:15

Eyoonggen ale mendek ndonggorogon naakit nduk wo'nege, Wam ambiki kwak amburu naakit nduk wo'nege, Eereegerak o.

Leendawi 4:21

O Erom Aagalukwe o Uyut paga wonage menggendak kat yi wae. I'ndok kangge, kale'nggen mbake, eeriyak mbake kenok ari logot o. Kat kunduk amburu toolak wokkeremenggerak nengge keenok, kumili kumbunuk wonage keegak, Kayum nggoorogo kagabolo kin eerogo pagagun o.

Ndaniyen 11:36

At aap endagembogut ti nen eeriyak iniki mbake nogo mban eerit nage logonet, iniki wogoppake, Kugi abok tebenak iigak, an abu iya, mban mbake, it aakumi nen alut eeko menggaarak abok aret inogoba Ala meek mbake logonet, oone ari kogolik mendek ari, eerigin o. At Ala eeriyak koonogo pereegerak nogo a'me nggelok yi nagin me, Ala anini eeppiinet nage logorak eyom awo age yubuni naga'lek kagak, aap ti, oone ugun-ugun agan nage logowak nduk teppigin o.

Ndaniyen 5:23

Tebeppatiyak op kagak kwe, at mbogut unde menggerak enggaanom paga kat nogoba kiniki tiyappake logonet, niyo toologo nenggak abe Ala awi wurik me menggerak kugun wogo nogo, Wonok woraanip o, yoragandak wonok kiri wogo mbaka, kat inom, kawuri nagawan-nagawan inom, kakuwi abe wogo inom, luulu wogo inom, niyoowak ti paga anggur amburu toologo nonggotak o. Nonggo logonet, kat keenik logorak a, kambuurak a, yinuk, koonogo pagage, kat eerit nage logorak nogo, Op eeriyak o, Eeriyak lek o, yinuk, yokkege, eeke menggerak Ala nogo, ayuk wurogo alut eeriyak op kwe, eeka'lek logonet, kat kagugi mbuti perak paga, emas paga, tembaga paga, mbuti owak paga, eyo paga, yugum paga, ogut aago nogo nen inigen kogwe, inaruk konenggwi, yi wone ndi wone liippugwi, eekulik kagak inalut eeke menggendak o.

Ndaniyen 8:10

Eyak ti, mondok nggwok arit it mbogut paga ineegin warak menggam ari laganuk, it laaluguragan negen mbogut paga menggaarak ando nogo ti, nggween paga mbo wuppiya wa'nuk, iyok paga aan mbiranogo piinet nage kagagirak.

Nakum 3:11

Kat kunduk niyo amburu nenok kumili kunggo mengga kwak kumbunuk, It kinom wim mbanak nen kwaakkeyokwak, kumaa'nari nage, Kagap ndakko'nok kole mbagangge, Eerumunggun o.

Abakuk 2:16

At ayuk wuko logomenggaarak nogo obaane'me at aret enggali warogo pugun me, At aret nenok, agabolo kin kenok, enggali aruwak o. Amburu toolak kwak, at aaninggin oba kwippuurak Naliku ALA neenggi abe'nggan paga wonage nogo, At oba ari wage kenok, wogoriminggirak nagin me, endage tiyanak wonage nogo lek age logonet, enggali mban oba lenggenak aret logogin o.

2 Tetalonika 2:4

It aakumi nen yi mendek ndi mendek mippunuk, “Ninogoba Ala aret o,” yinuk, ayuk wukwi, kugiwak ogobakkigirogo punuk, alut eekwi, eeko menggaarak abok aret, at mondok maluk lombok eeka nogo nen tebenogo piinok, at alik tiyappake logonet, Ala awi wurik me mi'nari unggwage logomenggerik, “Kinogoba Ala an aret o,” yinuk, yorage logogin o.

Wayu 16:19

Ti eeke kage nagarik, wonage me, o kota nggwok nogo nggween mondok nggoguk ari logonet, kenaga'ndak mogonnage, ndi, yi awi ndi awi nggween paga kota-kota nogo abok aret yigirik-noonom arit nage, eeke kagak, at Ala nen, “O kota nggwok Mbaben nogo perak, at maluk eeke onggo anggur amburu toolak kwak an nanini lombok ombake minggirak toolak nogo, yogondak aret oba kilirogo wuppigi o,” yinuk, kilirogo wuppege kagarak.