Yeremiya 48:18 - Ala Wone Peenok Peebi Mbanak

¹⁸ At Mowap tebenogo pega nen o Ndibon tebenogo pege, Ayugum pak wurik langgunogo pege, Eerikit nduk wage me, O Ndibon Aagalukwe kwak, it o Ndibon menggaarak ti, Inendage tiyanak menggam nen liirubu paga kwi'nari wambi woraawak o.

Yeremiya 48:18 ပူးပေါင်းရင်းမြစ်များ

Wakkagagerak 21:16

Teppege nagagerik, “An naagaluk nenegen neegak kambuurak ti neebi o,” mba'nuk, tayorogon maale namburik wobok yi nage menggim ndak-ndak kwi'nari nagagerak. Kwi'nage nagagerik, le nggwok yereegerak.

Wundeegwaarak 17:3

Yoragagerak kwe, it aakumi nogo niyo abu lombok eeginabeegerak me, Muta ineebi-ineeba yogo logonet, “Ninapurilogwe inom, ninaanggumi inom, niyo abu nen aret kambuurak kagak, nonggop nduk o Metit nen wo'niren wundi wagandak?”

Yetaya 15:2

It kota Ndibon mendek nen puut-puut warogo wogogo menggam time le yuwok nduk, lagi nogwe, Ndi, o Nebo inom, o Mereba inom, eekaarak paga it Mowap mendek nen leenggu maakwi, Eeko agaarik o. Ineeruwak puluk ko aago mbanak wonogwe, Inamboro tabo eerogo mbanak wonogwe, Eerak agaarik o.

Yetaya 47:1

At Ala nen ari logonet, “O Mbaben Aagalukwe Aap Kigin Waka'lek kat yi wae. Kat tiyarogon menggenom nen wambi nanuk, liirubu paga kwi'nage, It Mbaben mendek inaagaluk kat yi wae. Wone lengganogo yorage menggenom kwi'ndak logorak lek nggween paga aret kwi'nage, Eeke logot o. Kolaga abe kigirikwe agabolo anen pera aago yi wae, yinuk, ambinom yokkogo logogun lek me,

Yetaya 5:13

Togop aret me, It an napuri iniki abu liippugwi lek kobak wonogwe me, Aakumi keele maageren piya nogo menggam piya nogwe, It aap inendage warak nogo mbi abu nen kambit nogwe, Inapuri ambik aago nogo logonet, niyo abu nen yagan yobak-nggolak warit nogwe, Eerugun o.

Yetikiyen 19:13

O yogondak eyo nogo ti, nggween mbuk niyo yawenogo pegeelik me karume yarak aret agaarik o.

Linggineegwaarak 32:3

“Nggween o Atarot inom, Ndibon inom, Yayetet inom, Nimara inom, Ketibon inom, Eleyale inom, Tebam inom, Nebo inom, Mbeyon inom,

Yotuwa 13:17

Inanggween wogoragagerak nogo ti, o Ketibon inom, o kobak nabunogo pereegim kota Ndibon inom, kota Mbamot-Mba'an inom, kota Mbet-Mba'an-Meyon inom,

Yotuwa 13:9

It inanggween kologogwaarak kuli ti, niyo Aronon nggelo'me nage irimbaga kobappaga o Arowet panggombunuk, nggelo'me irimbaga oolo kota wonage nogo paga nen nok, o Mereba koorok puut kobappaga nen nok, o Ndibon nen nok,

Owak Loongga 15:18

Ndi, at Timoton nogo niyo abu eeke mbareegi, at oone nggwok paga Aliku ALA yoge logonet, “Kat komaawi an kayeloman wo'negendak paga aap apit aret inookirak kwe, yogondak an yi abu nen kangge neenok, it aakumi inagabolo mbana'lek mendek ineenggime arigin ti op mbaken?”