Yeremiya 48:16 - Ala Wone Peenok Peebi Mbanak

¹⁶ “O Mowap maluk eerogo puurak eyom abu panggoni wagaarak wonage me, At aaninggin eeppuurak koonak nogo yini-panik oba kwi'narigin o.

Yeremiya 48:16 ပူးပေါင်းရင်းမြစ်များ

Kini Wuppiige 7:23

Towe keele pugume nggelok yi nage menggi kwak, Wulaga ti, “Eerit nage paga kambigin,” mbaka'lek yini-panip kwe ti mugurok nage kagarak o.

Yetaya 13:22

Mbaben owa'nagat wurik inikime mba'ngge yagu-ndagu agan nugwi, Ndi, aap inowe endagembogut awi abe nggwok wurik inikime time yi nggeewo ndi nggeewo ya'lo-ngga'lo agan nugwi, Eeko logogun o. O Mbaben eeppuurak eyom abu panggo yi wagaarak wonage me, O ti logorak eyom ya langgok eerogo pigin lek aret o,” yinuk, ari kagarak o.

Yeremiya 1:12

Yoge mbareegi, Aliku ALA nen, “Eeppiyoorak wone yagarak nogo, a'me lik yi nawak nduk, nenegen wogoren nege me, kenegen kagandak ti, abu op lombok kagandak o,” yinuk, yo'nereegerak.

Yetikiyen 12:23

Aliku Itok Menggerak ALA nen yegerak yoroorak nogo yi aret. It yogwe ti, an nen lek eerogo pigin me, it Iterali wonogwe me time ambinom yogo logogun lek aret, yegerak yoret o. It nogo yorage logonet, Inabinggaanggo kagaatak a'me nggelok yagak eeke eyom abu koorok ari wage me,

Yetikiyen 12:28

It togop aret yogwe me, At Aliku Itok Menggerak ALA nen yegerak yoroorak nogo yi aret o. An nen eeriyak ari ti, ambit iluk ambi yalanggok aga'lek mbet-mbet aret age, ndi, yiminggirak nogo ti, mbeyok ariilik a'me nggelok ari, eerigin o, yinuk, Naliku Nitok Minggirak an ALA nen aret yagi o,” yinuk, yo'nereegerak.

2 Peterut 2:3

It aap mamuniraga ti nen ambi kolaawok nduk, kinambokan laganggo logonet, inoone ugun pilit pugunogo yokkirogo logogun o. Togop yokkirogo logomenggaarak kwe, it eekwi paga at inowak loombunuk maluk inoba piyoorak maan koonogo pereegerak Ala nogo ti, we ugun maanggo yugu logonet nogo lumok ari wonage lek o. Ata, ineebe lek eerogo piyoorak nduk abu li'luk eerak aret wonage agaarik o.