Yeremiya 48:11 - Ala Wone Peenok Peebi Mbanak

¹¹ Anggur amburu niyoowa'na toolak nogo kilirogo niyoowak ambi me tooka'lek kenok, ombat abe menggi kwak, At Mowap ti, tawe paga nen kugun wonok ambime pi naga'lek ame ugun ale'nggen mban wonage kenok, Maluk aga'lek abe mban wonage kwe,

Yeremiya 48:11 ပူးပေါင်းရင်းမြစ်များ

Ndawi 55:19

It aap ti, iniki yunggup-melak eekwi, Ala inagabiti mbakwi, Eekulik me, “Togop eeppiyet o,” yinuk, At wone lengganogo yorage menggim mondok-mondok menggerak nogo yoge neenok, At nen it tebenogo piige logogin aret o.

Kini Wuppiige 1:32

It aap iniki yuundurak nogo nen tu abe mbo punuk nomo agan nogwe paga it aret ineebe wakkologwe, Ndi, aap iniki wi nen eeriyak kagak eeka'lek paga it ineebe aret lek eerogo pakwi, Eeko menggaarak kwe,

Yetaya 16:6

Nit mban iya o, yinuk, it aakumi Mowap iniki wogoppakwi nogo nit Yekura ninaruk konenggwi, Nit mban nineenu, mbakak iniki worokot linik agan nugwi nogo liippiigwi, Eekoorak nogo ti, We nineenu mbakak agan nugu nagaarak iigo o.

Yetaya 24:3

O nggween yi, abu maluk eerogo pege, Iri'ngga-kale'ngga mondok lek eerogo pege, Eerigin o,” yinuk, at Aliku ALA nen wone ti yegerak me yagi o.

Yetaya 25:6

“Puut yi paga Nomaawi Lombok Minggirak Naliku ALA nen yi aakumi ndi aakumi abok aret Inake yi mendek ndi mendek ombat abe lombok anggur kole agaarak amburu toolak inom, Amok enggaanggum ta'mbanak inom, Anggur amburu at mendek mban toolak inom, Pipuk eerogo pege,

Yeremiya 22:21

At eebe op ale'nggen mbake kagak, kurumbi yoge nagagirak kwe, At oone naruk koneniyak neebi o, ari nagagerak nogo o! Awo tawe paga obaabut togop aret logonet, noone yoge nogo eeka'lek mbo pege nagagerak nogo o!

Yeremiya 48:12

Aap amburu niyoowa'na toolak kilirogo pega nappiya woroorak eyom panggoni wage agaarik o. Panggoni wage kenok, it wogo logomenggaarik, amburu toolak kilirogo pugwi kwak, it o Mowap togop aret eerogo piigwi, Aniyoowak abok aret telenogo pit nogwe, Eerugun o.

Yeremiya 48:29

At Mowap iniki wogoppatit nege ti, Mondok iya lombok wogoppake, iniki tiyappake, An mban iya, mbake, Wi, niruwak agan nege, Iniki tiyappatit nege, eeke ti, konenggoorak o.

Yeremiya 51:34

Aakumi Mbaben mendek inowe endagembogut Nebukanetat nen ambeme yonggo'ninake, Mak eerogo pinanege, Niyo toolak porok togon nunggwi kwak eerogo pinanege, Waalo tinambe nen yonggorinake menggi kwak, nit yonggo'ninake, Waalo ombat abe kenok ndonggorogon nenok, kilirogo pege menggi kwak togop aret eerogo pinanege, Eereegerak me,

Nakum 2:10

O Niniwe amindik-amendek abe pugu nogo waganggwi, O wogo eerogo pugwi, Yarak alom kinogo nappit nogwe, Eekwi iinok, Iniki ma'nage, iniyok yandek-yandek eekwi, Inaganak wake, Inagap nggilaame nik togon eerogo piige, Eekwi iigirak o.

Nakum 2:2

Eyo anggur anggen yenenak-menenak eerogo mbanggwi, Eno'mbak kalenak-pugunik eerogo pugwi, Eeko mengga kwak Aap maluk eerogo pega nen it Yakup mendek wonogo menggam togop eerogo pogo nogogwaarak kwe, It Iterali wonogo menggam aa'nduk iya lombok iinok, “Wi!” irogo nogogwa pogom It Yakup mendek wonogo menggam togop aret eerogo pigin o.

Tepaniya 1:12

Ne ti eyom paga an nen ndi wuninik wonok o Yerutalem maleninabit nage logonet, Anggur amburu abe tookwi iigak, ogogwe o'luwam linogo pege menggi kwak, it aap togop aago wonogo logonet, Aliku ALA nen obeelom eeppinanege, maluk eerogo pinanege, Eerigin lek, mba'nuk, Iniki ugun kobak aago wonogwe nogo, kwaappiinok, aaninggin inoba kwippiyaagin o

Takariya 1:15

it yi aakumi ndi aakumi nen, Nit ugun obeelom aret wonogwe, mbakwi nogo, an nanini lombok inoba kwippiyoorak mbake agaarik o. Aa'nduk nanini mbuuluk eeppiyoorak mbareegirak kwe, eerit nugwi ti paga nanini nggwok lombok inoba kwippiyoorak mbake agarik, yegerak o.