Yeremiya 48:1 - Ala Wone Peenok Peebi Mbanak

¹ O Mowap eeppuurak wone nogo yi aret. At Omaawi Lombok Menggerak Iterali inogoba Aliku Ala nen ari logonet, “O kota Nebo nogo ti, lek eerogo pugun me, inabuwa o! O Kiriyatayim tebenggolaagun me, inenggali ogwe, Kota yugum pak omaawi wurik nogo langgunogo pugun me, inenggali ogwe, Eerugun o.

Yeremiya 48:1 ပူးပေါင်းရင်းမြစ်များ

Wakkagagerak 14:5

Tiyak yereegerak wonogwe iigak, tahun 14 ari nage paga it tebenogo piyareegwaarak Keroralawomet awuri inom mi'nogo logonet, it inendagembogut inom kunik wonogwe nogo inom lambumbunuk unggwogo logonet, it aap ineebe yu'mbin-ku'mbin mondok iya lombok ndarak Erepayim mendek o Atiterot-Karanayim kobappaga wonogwe nogo inookwi, aakumi Tutim mendek o Kam wonogwe nogo inookwi, aakumi Emim mendek o Tiyawe-Kiriyatayim wonogwe nogo inookwi,

Wakkagagerak 19:37

Inabila ogo nogogwaarik, at kolaga oweeluk nogo aagaluk wulaga ndareegerak endage Mowap tooneegerak. It Mowap mendek wigannogogwaarak yogondak wonogwe nogo it inombo at Mowap aret o.

2 Mbinineegwaarak 20:10

Yokkereegwaarak me, ninombomini o Metit nen wogoren wundi wage logonet, it aakumi Amon mendek inom, Mowap mendek inom, puut Teyit mendek inom, wonogwe me iname time, Unggwi nanuk, tebenogo piyoorak mage o, yorage mbareegin, inoorulik nomoppiigak wogogwaarak nogo inapuri wiganak nen o yogondak eeppinaniyak eekwi yi, iyet o.

Yetaya 25:10

At Aliku ALA nen puut Tiyon yi, eenggi omaawi paga pipporogo logogin kwe, It aakumi Mowap mendek perak, Wam inambi larak nunggo logonet, it inaan wurik iniyok aambiranogo pako mengga kwak togop aret eerogo piyaagin o.

Yetaya 25:12

Yugum pak tiyarogon wurogo pereegwaarak nogo langgunogo wuppege, Yanggunik-panggunik eerogo o nggween paga wuppunuk, liirubu aa'ngga eerogo pege, Eerigin o.

Yetaya 27:3

Anggur anggen abe mendek yaremenggerak nogo ti, Naliku ALA an aret unde wake, Kulinik-kalinik niyo kilirogo pit nage, Aap ambi nen maluk eeppege kero, ko'lu-kii'me arum wonage, Eeke logogin o.

Yeremiya 25:21

it aakumi Erom mendek inom, Mowap mendek inom, Amon mendek inom,

Yeremiya 27:3

Pake logomenggendik, inawuri aap Yekura inowe endagembogut Terekiya o Yerutalem wonage me, ka wogogwaarak nogo nen wone wonok it inoweewi lombok inendagembogut Erom mendek inom, Mowap mendek inom, Amon mendek inom, Tirut mendek inom, Tiron mendek inom, wonogwe me yora nawak nduk, wone tugunogo nappiyet o.

Linggineegwaarak 24:17

At eebe kage kwe, yogondak lek o. Eebe liippege kwe, nda lombok wonage o. Yakup ombowologwe wiganak inenggela'me nen ndowan ambi wundi wage, Iterali inenggela'me nen ineenu agak muun mbanak ambi kin age, Eeke logomenggerik, Aakumi Mowap inoweewi inenggaawak yigirogo piige, Aap Tet ombowologwe abok aret inanobak aan lebenogo piige, Eerit nage logonet,

Linggineegwaarak 32:3

“Nggween o Atarot inom, Ndibon inom, Yayetet inom, Nimara inom, Ketibon inom, Eleyale inom, Tebam inom, Nebo inom, Mbeyon inom,

Linggineegwaarak 33:47

o Alomon-Ndibalatayim nen wo'narok, o Nebo korok-korok puut nggelok-nggobo'me Abarim time woraanuk, inawooliya wurogo patinuk, logonuk, wogwe, eerit wogogwaarak.

Yotuwa 13:19

kota Kiriyat-Ayim inom, Tibama inom, kobak nabunogo pereegim irimbaga puurom paga kota Teret-Katakat inom,