Yeremiya 45:3 - Ala Wone Peenok Peebi Mbanak

³ Kat nen ari logonet, An niniki wakko'net unggwage neegak, Aliku ALA nen, Abunuk iniki wakkolaawak, nomba'nuk, aaninggin ambinom noba panege paga, niniki aaninggin nen koonit nage logonet, nomaawi lek age, niniki tayok ari lek piirik mban wonage, eeke me nabuwa o, yinuk, yagandak o.

Yeremiya 45:3 ပူးပေါင်းရင်းမြစ်များ

Ayup 23:2

“Ti yagandak kwe, O yogondak ee'nabit unggwage an neebi lombok mbake yi, Niniki andi eerogo panege me, Neebi, lombok mbake agarik o. Andi nen niniki oone ari neegak kwe, Ala nen eeppanegak mban eeke agaarik o.

Ndawi 120:5

An aap o Metek wonogo menggam nugwi kwak nege, It aap o Kerat inawooliyana inom mengga kwak wonage, Eeke me, nabuwa o!

Ndawi 27:13

O nggween paga aakumi ineenik wonogo menggam yime At Aliku ALA nen Aakumi obeelom eeppiinet nage menggerak nogo An togon togop ee'nabigin abet aret mbake agarik o.

Ndawi 42:7

Yi taakut wurabit wagagindak oone wo-wo ari ti, Niyo kole yenggenak ambi inikime nen Niyo kole yenggenak ambi inikime yoge, Yi nggwok kilaarak-mogonik eerogo wunabit nage menggendak nogo, An aret tebenogo panit wage, Eeke agaarik o.

Ndawi 6:6

Niniki wakko'net unggwage paga neebe ndeyak ee'nake, Oonikiya kuli nen an nogo yege minggim nale amburu niyo negen yenggenogo pege, Nanobak anep mbanak nale amburu paga miin eerogo pege, Eeke kagak, O aret weege agaarik o.

Ndawi 6:7

Niniki puru ari logonet, Le ari paga nenegen agap piirogo panege, Ninom wim mbanak wogwe iyo, nenegen wonage neegak, Nenegen yumaak eerogo panege, Eeke agaarik o.

Ndawi 69:3

Togop ee'nake kenok, yeenggwa niruwak nduk, an noone nggwok mban ari neegak, Neebe ndeyak eerogo panege, Namili mbuk eerogo panege, Yeenggwa nirenok nduk, nogoba Ala pekkeegak mban eeke neegak, Nenegen andi eerogo panege, Eeke agaarik o.

Kini Wuppiige 24:10

Aaninggin koba age paga kiniki yungguppegak eeke keenok, komaawi mbuuluk mban wonage keyaagun o.

Yeremiya 45:2

“Mbaruk wae. At Iterali inogoba Aliku Ala nen yokkege nogo yi o.

Yeremiya 8:18

An niniki abu puru aago wonage, Neebe andi negen ee'nabit unggwage, eeke me, Obeelom ee'naburak meek aret o.

Yeremiya 9:1

Nanobak me niyo yenggenak kwak wonage, Ndi, niyo kila-kila wundi wage menggi kwak, nenegen me nen wundi wage, Eeke logowak lak, ao! Togop aret logonetak en, it aakumi an nowe-nawot inoorak nogo liingge-oonikiya inale ari logonetak o.

Leendawi 1:13

Agi nen kani wuppi wagaarak paga nowak enoona nenet unggwage, Niyok yiluk yuwak nduk, towe pigagangga yum yugu nenaame mbiganogo nappi wage mbaki, nakom niruk ari, Mbo paneegerak nalik logonet, o kubondendok nen nok, oonikiya niniki lek ee'nake, Eeke agaarik o.

Leendawi 1:22

It maluk eerit nogo nogogwaarak abok aret kat abeke, Ndi, an maluk eeke paga eeppaneegindak ndak-ndak it togop aret eeppiige, Eeke logot o. Niniki andi negen logonet, ai-ao ari, Niniki lek-lek ee'nabit unggwage, Eeke kenok yokkigi o,” Yinuk, yoreegerak.

Leendawi 3:32

At Aliku ALA ninabuwa nen iniki kunik ee'ninake nogo, lek aga'lek itok kunik aret menggerak me, Inikilom ninombake logonet, nit aakumi nen ndarak nogo aaninggin eeppinanege, Nit niniki puru yuwak nduk eeppinanege, Eekeelik o. Ata, niniki puru yuwak nduk eeppinanege nagaatik, ti'nuk, ninabuwa mbake menggerak o.

2 Korindut 4:1

Nit wone ti, yorogo logowok nduk, Ala nen ninabuwa mbake logonet, unde eeppinaneegerak me, wagangga'lek iinok, niniki maluk ageelik o.

2 Korindut 4:16

Togop kenok, aaninggin ninoba pinanugwi kwe, niniki lek-lek ee'ninakeelik o. Eerit nogo logonet, ninagabolo lebenak arit unggwage paga kambuurak kwe, niniki perak, ko'lu-kii'me nineenik ngget mendek eeppinanit unggwage menggerak.

Nggalatiya 6:9

Togop me, nit yi obeelom ndi obeelom eerit nogo logonet, anggon-panggon ee'ninake kagak, mbo pega'lek mondok aret eerit nogwe niinok, anggen yugu obeelom mbanggologwe nogo kokwak, nit onggo wo'niroorak nineenu me, ta'liila ee'ninake kenok mbo puurak mage o. Kagak aret eerit nogo logowok o.

2 Tetalonika 3:13

Ndi, ninoreewi o. Kit perak, obeelom eeppiinet nogwe paga anggon eekkinake kenok, “Nineebi,” mbarugup o.