Yeremiya 45:1 - Ala Wone Peenok Peebi Mbanak

¹ At Yotiya aput Yoyakim nogo it Yekura mendek inowe endagembogut a'nuk, wone lengganogo yorage kagak, tahun kenagan eeppunuk, ambi eeke paga aap Neriya aput Mbaruk nogo Ala yoge kagak yoraga Yeremiya nen yoge kagak abok aret mbuku pirik-perek aago paga liiru mbangge mbareegi, aap Yeremiya nen aap Mbaruk yoreegerak nogo yi aret.

Yeremiya 45:1 ပူးပေါင်းရင်းမြစ်များ

2 Endagembogut 24:1

At Yoyakim nogo Yekura endagembogut logonet, wone lengganogo yorage kagak, it Mbaben inowe endagembogut Nebukanetat nogo, o Yekura tebenggola wage nagagerik, at Yoyakim nogo at abu'me punuk, wonage kagak, tahun kenagan eeke mbareegi, at Yoyakim iniki koombunuk, “Aap yi, wone lengganogo yo'nirage logorak neebi,” mbareegerak.

2 Mbinineegwaarak 36:5

At Yoyakim nogo ndarak kagak tahun 25 age paga endagembogut a'nuk, o Yerutalem logonet, wone lengganogo yorage kagak, tahun 11 eereegerak. At ogoba Aliku ALA enegen kagak, maluk mban eeke nagagerak.

Yeremiya 25:1

Aap Nebukanetat it Mbaben mendek inowe endagembogut a'nuk, tahun aa'nduk paga wone lengganogo yorage, at Yotiya aput Yoyakim nogo it Yekura mendek inowe endagembogut a'nuk wonage kagak tahun kenagan eeppunuk, ambi age paga wone lengganogo yorage, eekwi iigak, Ala nen it aakumi Yekura mendek abok aret eeppiyoorak wone at Yeremiya yoreegerak.

Yeremiya 26:1

At Yotiya aput Yoyakim nogo it Yekura inowe endagembogut a'nuk awo wone lengganogo yorage kagak, Aliku ALA nen at Yeremiya yoge logonet,

Yeremiya 32:12

noreeluk Kanamen inom, neenggi amburu pege me, “Abet aret kunggwi iigoorak o,” yinuk, inom ineenggi amburu pereegwaarak nogo inom, it aakumi Yakuri mendek apit aret aap endagembogut awi arum waka inawoore'nggam taati kwi'ndak wonogwe inom, it abok inenggaanom paga liiru mbanak nogo aap Mateya ombooluk Neriya aput Mbaruk nogo wogoreegirak.

Yeremiya 32:16

Nggween onggo pugu liiru mbanak nogo at Neriya aput Mbaruk wogoge nagagirik, Aliku ALA yoge logonet,

Yeremiya 36:1

At Yotiya aput Yoyakim nogo it Yekura inowe endagembogut a'nuk, wone lengganogo yorage kagak, tahun kenagan eeppunuk, ambi age paga Aliku ALA nen at Yeremiya wone yoreegerak nogo yi aret.

Yeremiya 36:2

“It aakumi Iterali inom, Yekura inom, aakumi inanebunu lombok abok aret inom, nen eeko logorak wone at Yotiya endagembogut logonet wone lengganogo yorage kagak yokkege nagagirak nen nok, yogondak kuli yokkege nogo abok aret mbuku pirik-perek aago wagangge logomenggendik, ti paga liiru mbanogo pu o.

Yeremiya 36:26

At aap endagembogut nogo nen it yogwi, nogo inoone konembunuk, puk ariyak op kwe, kagak aret, at aput endage warak Yera'meen nogo inom, Atiriyen aput Teraya inom, Aberen aput Telemiya inom, nen aap liiru mbangga Mbaruk kunduk, Ala yoge kagak yoraga Yeremiya kunduk, imbirak piginabi nawak nduk, yoragagerak kwe, Aliku ALA nen it aap ti, ineebe kumaappiyareegerak me, kwaariyoolik aret.

Yeremiya 36:32

Yoge mbareegi, at Yeremiya nogo nen mbuku pirik-perek aago ambi waganogo at Neriya aput liiru mbangga Mbaruk nogo wogo'nuk, yoge kagak at Mbaruk nen it Yekura inowe endagembogut Yoyakim wone yugu mbuku pirik-perek aago paga liiru mbanak kani kuneegerak nogo ndak-ndak liiru mbanogo pege, ndi, wone ti mendek alik ambi inom aret liiru mbanogo pege, eereegerak.

Yeremiya 36:4

Yoge mbareegi, at Yeremiya nen aap Neriya aput Mbaruk wiige nagagerik, Aliku ALA nen wone at yoreegerak nogo abok aret at yoge kagak mbuku pirik-perek aago nogo paga liiru mbanogo pereegerak.

Yeremiya 45:2

“Mbaruk wae. At Iterali inogoba Aliku Ala nen yokkege nogo yi o.

Yeremiya 46:2

It o Metit mendek eeppiyoorak yereegerak nogo ti, Aap Yotiya aput Yoyakim nogo it Yekura mendek inowe endagembogut a'nuk, wone lengganogo yorage kagak tahun kenagan eeppunuk, ambi eeke paga, aap Mbaben mendek inowe endagembogut Nebukanetat nen it aakumi o Metit mendek inowe endagembogut Pirawun Neko awuri ineegin warak inom o Karekemit niyo Eparat aa'nggi paga taati wonogwe me, tebenogo piyareegerak Pirawun awuri inom eeppiyoorak wone yoragagerak nogo yi aret.

Yeremiya 51:59

At aap Terekiya nogo Yekura inowe endagembogut logonet, wone lengganogo yorage kagak tahun kenagan eeppunuk, ambi age ti paga, aap Mateya ombooluk Neriya aput aap endagembogut eebe wonok nega Teraya nogo, Terekiya imbirak o Mbaben nogwe me, at Ala yoge kagak yoraga Yeremiya nen yoreegerak nogo yi aret.

Ndaniyen 1:1

Aap Yoyakim aakumi Yekura mendek inowe endagembogut a'nuk, wone lengganogo yorage kagak, tahun mbere eeppunuk ambi eeke paga it aakumi Mbaben mendek inowe endagembogut Nebukanetat nogo, o Yerutalem nage nagagerik, yagaragi kumbiinok, oonda mbani unggwagagerak.