Yeremiya 43:3 - Ala Wone Peenok Peebi Mbanak

³ Nit aap Mbaben mendek ineenggime pinanege keenok, it nen ninoorogo pinanugwi ilik, wo'niren o Mbaben mbo pinani nogwe a, eeruwak nduk, at Neriya aput Mbaruk nen kinikime nggaganogo pagagerak paga yo'nirage keego o,” yinuk, yoreegwaarak.

Yeremiya 43:3 ပူးပေါင်းရင်းမြစ်များ

Ndawi 109:4

Niniki kunik eeginake onggo negen inoone liirit yo'nugwi, Eekwi iigak kwe, An nen inake tamban eeke minggirak o.

Yeremiya 32:12

noreeluk Kanamen inom, neenggi amburu pege me, “Abet aret kunggwi iigoorak o,” yinuk, inom ineenggi amburu pereegwaarak nogo inom, it aakumi Yakuri mendek apit aret aap endagembogut awi arum waka inawoore'nggam taati kwi'ndak wonogwe inom, it abok inenggaanom paga liiru mbanak nogo aap Mateya ombooluk Neriya aput Mbaruk nogo wogoreegirak.

Yeremiya 36:10

at Yeremiya nen Mbaruk yoge kagak mbuku pirik-perek aago paga liiru mbaneegerak nogo, it aakumi abok aret Aliku ALA awi wurik me kuwak eerak wonogwe nogo, at o apit inake liiru mbangga Tapan aput Nggemariya ago ogoorak tu pak ambe Ngget Mbanak yogo menggam Ala awi wurik oore'nggam unggwi wogo menggam pa'nggwe irimbaga taati nen luneegerak.

Yeremiya 36:26

At aap endagembogut nogo nen it yogwi, nogo inoone konembunuk, puk ariyak op kwe, kagak aret, at aput endage warak Yera'meen nogo inom, Atiriyen aput Teraya inom, Aberen aput Telemiya inom, nen aap liiru mbangga Mbaruk kunduk, Ala yoge kagak yoraga Yeremiya kunduk, imbirak piginabi nawak nduk, yoragagerak kwe, Aliku ALA nen it aap ti, ineebe kumaappiyareegerak me, kwaariyoolik aret.

Yeremiya 36:4

Yoge mbareegi, at Yeremiya nen aap Neriya aput Mbaruk wiige nagagerik, Aliku ALA nen wone at yoreegerak nogo abok aret at yoge kagak mbuku pirik-perek aago nogo paga liiru mbanogo pereegerak.

Yeremiya 38:4

Inaruk konembunuk, it aap inoweewi inengga warak ti nen aap endagembogut Terekiya yogo logonet, “At aap ti, it ineegin warak o kota yime awo wonogwe inom, aakumi abok aret inom, yoranet nage paga inomanggen tayenogo piige, iniki ugun tayenak logowak nduk, agan nege lek maluk eekkolaawak nduk agan nege me, at enggaawak mondok lek eeppuurak o.”

Yeremiya 43:6

it aap endagembogut eebe wonok nega inowe Nebutararan nen aap Tapan ombooluk Akikam aput Nggeraliya inarum logowak nduk mippereegerak ineebe aap inom, kumi inom, inapurilogwe inom, aap endagembogut apurilogwe komologwe inom, wogoren nogwe, ndi, Ala yoge kagak yoraga Yeremiya kunduk, Neriya aput Mbaruk kunduk, wogoren nogwe,

Lukat 6:26

It aakumi yi, inombomini nen aap pilit wone yorogwe iigak kwe, tiyappiigo nogogwaarak nogo ndak-ndak, it aap abok nen kinendage tiyappinagagwi iinok, kinabuwa o,” yinuk, yoragagerak.