Yeremiya 42:7 - Ala Wone Peenok Peebi Mbanak

⁷ Yogo mbareegwa, nogo 9 yippunuk, ambi yugwi paga Aliku ALA nen wone Yeremiya yoreegerak.

Yeremiya 42:7 ပူးပေါင်းရင်းမြစ်များ

Ndawi 27:14

Togop aret me, Kit nogo Aliku ALA tokkogwe, Kinogogumbuk eekkologwe, Kiniki nu'lek eeppatinuk wonogwe, Eeko logomonggotik, At Aliku ALA tokkogo logonip o.

Yetaya 28:16

At Aliku Itok Menggerak ALA nen yegerak yi aret. “An nen ogowa pugu mondok nu'lek logowak nduk, Yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, iniki yungguppegak eeke logogin lek o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yeremiya 40:1

Aap endagembogut eebe wonok nega inowe Nebutararan nen at Yeremiya o Arama keele maarak wonage me, piinogo wumbi wagagerak kagak, Aliku ALA nen aap Yeremiya wone yoreegerak nogo yi aret. Aap Nebutararan nen aakumi Yerutalem mendek inom, Yekura mendek inom, kugun wogoren o Mbaben mbo piya naakit nduk eeke logonet, at Yeremiya nogo inenggela'me mbutigeele maarak wonage kagagerak.

Yeremiya 42:8

Yoge mbareegi, at Yeremiya nen Kareya aput Yokanan inom, aap ineegin warak inoweewi at inom wonage nogo inom, aakumi inendage warak inendage lek inom, abok aret wiiragagerak kuwak ari wogo mbareegwa,

Yetikiyen 3:16

Nogo 7 abu aret yege mbareegi, Aliku ALA nen an yo'nege logonet,

Abakuk 2:3

Kabinggaanggo kagandak ti, eeriyak eyom koonak nogo awo ari waga'lek kwe, Woraagin nogo ti, pilit lek abet aret woraagin o. Eeri woroorak nogo puk arigin lek abet aret woraagin me, Elaambirik woraagin, mbarugun o. Ata, kagak tokkage logot o.