Yeremiya 42:6 - Ala Wone Peenok Peebi Mbanak

⁶ Nit obeelom logowok nduk, Ninake nen kogoba Aliku Ala yoru o, yinuk, yokkogoorak nogo nen wone obeelom a, maluk a, yo'nirage ti, ninaruk konenggo logogun o. Ninogoba Aliku Ala oone konembunuk, liirogon aret eeko logogun o,” yinuk, yoreegwaarak.

Yeremiya 42:6 ပူးပေါင်းရင်းမြစ်များ

Ndawi 128:2

Kineenggi paga ta'liila yabu eeppunuk nunggwi, Kinale'nggen mban wonogwe, kineebe abe mban wonogwe, Eeko logomunggup o.

Ndawi 78:36

Iniki laakot logonet, Inoone paga nen mban, “Kat iya o,” yogwi, Inoone pilit-pilit at yogwi,

Wundeegwaarak 24:7

wone Ala inom eeko logorak abuk nggaruk togon yugu liiru mbanak nogo woppunuk, oone nggwok paga it aakumi Iterali inenggaanom mbininogo yorage mbareegi, it nen yogo logonet, “Aliku ALA nen yo'niragaarak abok aret konenggwi, eebe aret eekwi, eeko logowok o,” yereegwaarak.

Yetaya 3:10

“It aap iniki abe koonak perak, obeelom eerit nugwi paga obeelom anggen mbanogo nagun me, It obeelom enaani ndegenak aret logogun, yoret o.

Yeremiya 22:15

Eyo nggabina abe poorak awi akem nabenogo pit nagak eeremenggerak ti paga aap endagembogut ariyak mbake agaarik ya? At ogoba nano eeke nagagerak paga endagembogut kagak, yi tahun ndi tahun eereegerak? At ambi nengge, niyo nengge, eeke paga endagembogut logolik o. Ata, iniki abu koonak logonet, obeelom eeppiinet nage, Eekaatak a'me nggelok togon eeppiige, Eeke nagagerak paga Endage obeelom wonagagerak nogo lek a?

Yeremiya 43:4

Yogo nogogwaarik, at Kareya aput Yokanan inom, it aap ineegin warak inoweewi inom, aakumi abok aret inom, at Aliku ALA nen, “Kit o Yekura aret logonip o,” yinuk, yoragagerak kagak inaruk konengga'lek aret

Yeremiya 7:23

Ata, wone eeko logorak lengganogo yoragagirak nogo yi aret. An noone ari inaruk liirogon konembunuk eekwi iinok, an it inogoba age, ndi, it an napuri ogwe, eeko logogun o. Ndi, ineebe obeelom inale'nggen paga logowak nduk, an nen, Yogop ee'nu, ndogop ee'nu, yorage nogo ndak-ndak eerit nogo logowak o, yinuk, yoragagirak kwe,

Oroma 7:13

Ndi, noorogo negen paneegerak nogo ti, wone yugu obeelom nogo nen an noorogo negen paneegerak mbakop? Abu lek o, noreewi. Ata, an maluk eeriyak ee'nake nogo ti, maluk aret yelok kaakit nduk, wone obeelom yugu nogo nen, “Kit maluk eekwi kiinok kambumunggup o,” yinuk, yereegerak nogo paga kambigin neenu agagirak me, “Eeriyak mage,” wone yugu nogo ti paga, “Maluk eekwi ti, abu maluk aret me, kambigin aret kagi,” mbarikit nduk, yo'nirage menggerak kogo o.

Oroma 7:7

Ti kenok, nit wone nonggop yuwok mbakop? Ala wone yugu Muta liiru mbaneegerak nogo ti, maluk aret mbakop? Mondok lek o. Wone Muta yo'netak lek en, an maluk eeke minggirak neenu a'netak lek o. Wone yugu ti paga nen, “Uugwe-uugwe eerugup o,” yenetak lek nen, an uugwe-uugwe mbake ti, neenu a'netak lek o.

Pelaareegerak 5:27

Lek aret me, kat Muta mban at Aliku ninogoba Ala oone ari abok aret konengge logomenggendik, yokkege nogo nit yo'nirage kenok, nit konenggwi, eebe aret eekwi, eerugun me, kat kalik aret at owagam nage logot o, yinuk, an yo'nereegutak nogo o.

Pelaareegerak 5:29

It ineebe inom, inapuri inom, yi wone ndi wone inoba aga'lek ineebe mondok obeelom logowak nduk, inagabiti nombakwi, Yogop ee'nu ndogop ee'nu, wone yugu apit aret liirogon porogo wonogwe, eeko logowak lak, ai, mbake agarik o.

Pelaareegerak 5:33

O kit unde a'nuk logowam time logonet, yi wone ndi wone ambi kinoba aga'lek kineebe kineenik ambinom logomonggotik, li a'nuk kanggo logomunggup nduk, at Aliku kinogoba Ala nen wone lengganogo yokkiragagerak ti, abok aret mugurok nogo logomunggup o,” yinuk, yoragagerak.

Yotuwa 24:24

Yorage mbareegi, it nen Yotuwa yogo logonet, “At Aliku ninogoba Ala mban mugurok nogwe, at oone mban konembunuk eekwi, eeko logowok o,” yoreegwaarak.