Yeremiya 42:2 - Ala Wone Peenok Peebi Mbanak

² Ala yoge kagak yoraga Yeremiya nogo ka wogo nogogwaarik, at yogo logonet, “Nit aa'nduk aakumi ambik aret wonogogurak kwe, nineebe we mbuuluk mban yumbunogo pinaneegwaarak wonogwe nogo kenegen abe nen niigendak me, nit yumbunik abok aret ninake nen kogoba Aliku Ala nggino yo'nok nduk, kat kowagam ari wogo o.

Yeremiya 42:2 ပူးပေါင်းရင်းမြစ်များ

1 Endagembogut 13:6

Ti eeke mbareegi, aap endagembogut nogo nen aap Ala wone liirogon eeka nogo yoge, “An neenggi wonage menggi kwak obeelom ee'nabuwak nduk, nake tamban eeke logonet, kabuwa warak nggo-nggo Aliku kogoba Ala yoru o.” Yoge mbareegi, abuwa warak nggo-nggo logonet Aliku ALA yoge mbareegi, eenggi wonage menggi kwak obeelom aret agagerak.

Ndawi 119:170

An nagap ndarenok nduk Nggino yokkege nogo karuk me unggwi woraawak o. Unggwi wage kenok, Eeppaniyak koonogo pereegindak nogo ndak-ndak An nagap ndarumunggun o.

Wundeegwaarak 8:28

Yogo mbareegwa, at Pirawun nen ari logonet, “O karume time at Aliku kinogoba Ala ake warogo wogori noorak op aret kwe, o nda time noorak perak, mondok mage o. Ndi, an nake aa'nduk tamban ee'nip o.”

Wundeegwaarak 9:28

o ngguurubu eeke, mayu kumulinggen wangge, eeke yi, yi kuli aret teppuwak nduk, Aliku ALA yo'nip o. Yogwi kiinok, kit o yime ambinom pinagago logorak lek mbet-mbet wundi namunggup nduk, teppinagagin o.”

Yetaya 1:15

It ineenggi paga aap inamiya wonage kagak eekwi me, Tamban eeko logonet, ineenggi nippunuk eekwi iinok, an nena nomok ari, Ko'lu-kii'me tamban eekak mban eeremenggaarak kwe, an naruk konengga'lek mbo pege, Eerigin o.

Yetaya 1:9

At Omaawi Lombok Menggerak Aliku ALA nen nit ambiriluk ambi yumbunogo pinaniyak mba'netak lek en O Torom inom, Nggomora inom, eerogo piyareegi kwak nit eerogo pinaninetak o.

Yetaya 37:4

aap endagembogut Atiyut mendek nen at aput aap wim eeka inowe ambi at eenik menggerak Ala nogo, meek eerogo puwak nduk, nappi wagaarak yi wone ndi wone agan nage nogo, Aliku kogoba Ala aruk konembunuk, wone agan nage onggo maluk eeppuurak mbakerak kero, it eegu pugu ineenik wonogwe nogo, inake tamban eeke logowak nduk, yori nanip o, yo'niragaarak kenok, yokkiri wogo o.”

Yetaya 42:20

Yi eekak ndi eekak arit wage ambik aret inigen kogo menggaarak kwe, liippega'lek wonogwe, Yi wone ndi wone inaruk ambik konenit wogo menggaarak kwe, inaruk logu negen eeppunuk wonogwe, Eeko agaarik o,” yinuk, yegerak me, yokkiragi o.

Yeremiya 15:11

At Aliku ALA nen ari logonet, “Kat obeelom eerit nage logorak mendek mban eeke logonok nduk, an kili ari, It kinom ogoorak aaninggin inoba age, andi-pandi eeginake, eeke kenok, Yeenggwa niret o, yinuk, yokkiruwak nduk, eeppiige, Eerigin aret o,” yinuk, yo'negerak.

Yeremiya 2:27

Eyo obate mbanak kagak, Kat an nogoba aret o, yogwi, Yugum kagak, Kat an nda'nabeegindak aret o, yogwi, Eeko logonet, It nen ina koonogo pe'neega'lek inambokan paneegwaarak kwe, Aaninggin inoba kwi'nari wage kenok perak, Pilak yinuk, Ninagap ndari mok ubi! yinuk, yo'nogo menggaarak.

Yeremiya 36:7

Aliku ALA anini mbake, iniki aagi kani kunik negen mi'nage, eeke nogo, it aakumi yi, inoba kwippiyoorak yoragagerak ti mondok iya lombok mbanak me, lunemenggendak inaruk konembunuk, inalitik-inalitak Aliku ALA yogo logonet, Nit maluk eeko o, yinuk, inomaluk mbo pugwi iigak eerukwak, it abok inenggaanom lunumunggun o,” yinuk, yoreegerak.

Yeremiya 37:20

Nogoba kendagembogut wae. An yokkirikit mbakirak yogondak yokkege yi, mbo puurak mage o. Ata, karuk liirogon konengge logot o. O apit inake liiru mbangga aap Yonatan ame niyokan nappanege keenok, kambigin aret me, time nappaniyak mage o.”

Yeremiya 37:3

Togop aret wonogogwaarak kwe, ne ambi paga aap endagembogut Terekiya nen aap Telemiya aput Yukan inom, Maateya aput Ala unde Tepaniya inom, imbirak Ala nen yoge kagak yoraga Yeremiya yori nawak nduk, nappiige mbareegi, nogo nogogwaarik, “Nit ninake ninogoba Aliku Ala yo'nok nduk, yokkiri wogo o,” yoreegwaarak.

Yeremiya 38:14

Ne ambi paga Terekiya nen Ala yoge kagak yoraga Yeremiya nogo wonok, Aliku ALA awi wurik me tungga mbere mbanak kagak ambi mbanak me nogome pi woraawak nduk, yoragagerak pi wogo mbareegwa, Yeremiya yoge logonet, “An wone ambi yokkege me, yokkege neenok, kinikime teppuurak mondok mage o.”

Yeremiya 40:15

Abet mbaka'lek mbareegi, aap Kareya aput Yokanan nogo nen aap Nggeraliya o Mitapa wonage me kote yoge logonet, “Kat koorogo pagage kenok, it aakumi Yakuri mendek abok aret kowagam kuwak ari wagaarak wonogwe nogo ma'nogwe, ndi, it Yekura mendek eegu yumbunik nogo lek ogwe, eerukwak me, an nen aakumi abu ineenggo'lek iigak, kote aret aap Netaniya aput Itimayen ti warogo pi naakit nduk yu o.”

Yeremiya 42:20

Kit nen, “Ninake at ninogoba Aliku Ala yoru o. Yoge keenok, yokkeremenggerak abok aret yo'nirage keenok, nit eerugun aret o,” yinuk, “Kogoba Aliku Ala yoru,” yo'nogotak nogo ti, kinogut punggolaawok nduk, yo'nogotak o.

Leendawi 1:1

O kota ti, aa'nduk aakumi ambik inale'nggen nen noone-koone agan nogo nogogwaarak kwe, Yogondak perak, yi oone ndi oone lek agaarak ti, iya! O aa'nduk nen yi aakumi ndi aakumi inenggela'me abu tiyanak wonagagerak kwe, Yogondak kwe nanu pugu kwak aret wonage, Aa'nduk yi kota ndi kota enggela'me kwe nggwok kwak aret wonagagerak kwe, Yogondak perak, aakumi inayeloman kwak agaarak wonage, Eerak aret agaarik o.

Yetikiyen 12:16

Yi aakumi ndi aakumi mbaganit namenggaarak inenggela'me logonet, Nit maluk ogole warak mendek eekoorak paga eeppinanigi o, yinuk, inomaluk paganogo yorogo logowak nduk, wooluwak paga nen, mbi noogelo paga nen, kugilingga paga nen, inooka'lek ando mbuuluk teppiyaagin o. Ti eeke neenok, Naliku ALA an aret ineenu arugun o,” yinuk, yo'nereegerak.

Oteya 8:10

It yi aakumi ndi aakumi inenggela'me mak eerak nugu logowak nduk eerogo pateegwaarak kwe, Yogondak nen an kuwak eerogo piige logominggirik, Aap endagembogut abu tiyanak abu'me piyaminggirak tebenak wonogwe iigak, Ineebe andi-pandi eerogo piinet unggwage logogin o.

Ala Unde 26:22

Ndi, an nen yi mendek ndi mendek inanini wulo penaame mendek nappiya woraminggirak paga it Iterali inapurilogwe ndiniren penaame nibinogo nunggwi, inaanggumi lek eerogo tigippiigwi, ineebe ambitak mban me, iname time aakumi nobek lek logowak nduk, inoorit unggwogwe, eeko logogun o.

Amot 7:2

Kuwak eerogo piyareegerak nogo, “Nenet nanip o,” yorage mbareegi, wurin ti nen iri'ngga o time wonage abok aret pup eerogo nenet nugwi iige nagagirik, “Kaliku Kitok Menggendak ALA wae. Kapuri inomaluk kami eerogo piyet o. It Yakup mendek ineebe mbuuluk me, inenggaawak lek arukwak nonggop togon eeko logogun o?”

Matiyut 24:22

Aaninggin-paaninggin inoba piyoorak eyom nogo ti, Ala nen kuli panggoppi woraagin lek kenok, aakumi inagap ndarigin lek abok aret inoorigin me, at Ala nen at apuri miirogo leeninabeegerak mendek nogo inookwi iyo, kuli pigin aret o.

Nappiigak 8:24

Yinuk, mberege mbareegi, at Timon nen, “Ai! Kit yogotak nogo an ee'nake kero, kinogoba Ala yogo logonip o,” yoragagerak.

Pelaareegerak 28:62

Kit aa'nduk kineebe ambik laaluguragan mbogut paga wonage ti ndak-ndak aret logomonggotak kwe, at Aliku kinogoba Ala oone kinaruk liirogon konembunuk, eeka'lek logomunggup kenok, aap kineebe we mbereeluk mban aret logomunggup o.

Pelaareegerak 28:63

At Aliku ALA nen, Kit obeelom mban eerit nogwe, kineebe ambik lombok wigannarit nogwe, eerumunggup nduk, inikilom paga eeppinagareegerak nogo ndak-ndak kit o unggwi nogo logomonggotik, unde a'nuk logowam time nen nggiginogo wumbinagage, kineebe mondok pup eerogo lek eeppinagage, eeppinagarak nogo ti, inikilom paga aret eeppinagagin o.

Pelaareegerak 4:27

At Aliku ALA nen aakumi inanebunu alik mendek inenggela'me logomunggup nduk, mak eerogo pinagamenggerak inenggela'me wonogo logonet, it ando kambit nogwe iigak, kit ando mbereeluk mban kineenik aret logomunggup o.

Yakobut 5:16

Togop kenok, kit maluk eeko monggotak nogo, at ambi enggaanom paga paganggwi, at ambi nen at ambi ake tamban eekwi, eeko logomonggotak paga kugi andi eekkinake kenok, obeelom eekkinake logogin o. Aap ambi maluk inikime lek logonet iniki abe koonak paga oone mondok nabek togon tamban eeke kenok, Ala nen mbo pigin lek o. Aruk konenigin aret o.

1 Tamuwen 12:19

Mbako nogogwaarik, it aakumi abok nen Tamuwen yogo logonet, “Nit ninomaluk aa'nduk eeko nogoorak wonage kagak, Aap ambi ninowe endagembogut logowak o, yinuk, nggino yokkogoorak nogo ti, maluk ambinom aret eekoorak me, nit kambukwak, kayeloman mini ninake at Aliku kogoba Ala yoru o.”

1 Tamuwen 12:23

Ndi, an nen perak, kit kinake Aliku ALA yoge lek neenok ti, Aliku ALA maluk eeppuurak aret me, kinake tamban eeke, ndi, obeelom eekkoloorak wone inom, tu koonak paga nogo logorak wone inom, mamungginake, eeke logogin aret kwe,

1 Tamuwen 7:8

Tamuwen yogo logonet, “At Aliku ninogoba Ala nen it Pilitin ineenggime nen ninagap ndaruwak nduk, kat puk aga'lek koone nggwok paga ninake tamban mban eeke logot o.”