Yeremiya 41:1 - Ala Wone Peenok Peebi Mbanak

¹ Tut 6 penembunuk, ambi penenak ti paga aap endagembogut at paga wiganak ineegin warak inowe endage tiyanak aap Elitama ombooluk Netaniya aput Itimayen nogo, aap ineebe 10 inom nen Akikam aput Nggeraliya o Mitipa wonage me, ka wogo mbareegwa, inom mbi awo nunggo logonet,

Yeremiya 41:1 ပူးပေါင်းရင်းမြစ်များ

2 Tamuwen 3:27

Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

2 Endagembogut 11:1

Aap Akatiya agalo kwe Ataliya nogo nen, “Naagaluk kanggerak, kagi,” mbake nagagerik, aap endagembogut Akatiya apuri wiganak abok aret inoorogo piyaakit nduk eereegerak.

2 Endagembogut 25:22

Ti abu aret eeppunuk, it Mbaben inowe endagembogut Nebukanetat nogo nen it aakumi o Yekura yumbunogo piinok nagagerak nogo, inarum logowak nduk, aap Tapan ombooluk Akikam aput Nggeraliya mippereegerak.

2 Endagembogut 25:25

Togop aret yoragagerak kwe, tut 6 penembunuk, ambi penenak ti paga aap endagembogut ombowologwe paga wiganak aap Netaniya aput Itamayen nogo, aap ineebe 10 inom wogo nogogwaarik, aap Nggeraliya inom, it aap o Mitapa inom wonagagerak Yekura mendek inom, it Mbaben mendek inom, inoorogo piyareegwaarak.

2 Mbinineegwaarak 22:10

Aap Akatiya agalo kwe Ataliya nogo nen, “Naagaluk kanggerak kagi,” mbake nagagerik, it Yekura mendek inowe endagembogut Akatiya apuri wiganak abok aret inoorogo piyaakit nduk eereegerak.

Ndawi 109:5

An nen obeelom eeppiige neegak, onggo negen it nen an maluk eeppanugwi, Niniki kunik eeginake neegak, Onggo negen it nen ineebi lombok nombakwi, Eeko agaarik o.

Ndawi 41:9

An nore niniki kunik abet aret mbake, Nimbirak mbi nengge, Eeke minggirak nogo nen kunduk, Nimbirak logorak, “Neebi o,” yinuk, mbo panegerak o.

Kini Wuppiige 13:10

Aap iniki tiyappakwi paga nen ndugwi ineenggime piigo menggaarak kwe, Inaruk wakwi konenggo menggaarak nogo perak, iniki warak aret iigo menggaarak.

Kini Wuppiige 27:4

Aap anini ambik nogo nen op neebi, maluk neebi, eerit nage, Anini wungge nogo ti, niyo wurik nage logonet, yi mendek ndi mendek yigirit nage menggi kwak, eerogo pit nage, eeke nogo ti, iya negen kwe, Aap ambi nen ore ambi eeke paga, “An togon eerikit lak at mban eeke yi, ao,” yinuk, anini lombok ombake ti perak, mondok iya lombok menggerak.

Yeremiya 36:12

wambi wa'nuk, it aap inengga warak, o abok inake liiru mbangga Elitama inom, at Temaya aput Ndelaya inom, Akobot aput Elanatan inom, Tapan aput Nggemariya inom, Kananiya aput Terekiya inom, aap inengga warak eegu alik abok aret inom, aap endagembogut awi o nggwok wurik me at o abok inake liiru mbangga ago ogoorak me nogome kwi'ndak wonogwe me, iya nagagerak.

Yeremiya 36:20

Yogo nogogwaarik, mbuku pirik-perek aago liiru mbanak nogo aap liiru mbangga Elitama ago ogoorak me pogo nogogwaarik, aap endagembogut awoore'nggam nanuk, wone ti abok aret aap endagembogut mbininogo yoreegwaarak.

Yeremiya 39:14

aap endagembogut awi wurik arum waka inawoore'nggam wonage me time nen piinogo wumbuwak nduk, yorogogwaarak piinogo punuk, aap Tapan ombooluk Akikam aput Nggeraliya nen at Yeremiya ame lombok pi nawak nduk, wogori wogogwaarak at nen wonok ame pi nage mbareegi, owe-awot inenggela'me ugun aret wonagagerak.

Yeremiya 40:13

Ne ambi paga aap Kareya aput Yokanan inom, it endekem ari nogogwaarak ineegin warak inoweewi abok aret inom, nen at Nggeraliya o Mitipa wonage me ka wogo nogogwaarik,

Yeremiya 40:5

Yoge mbareegi, at Yeremiya nogo naakit nduk, ena logu ari me, aap Nebutararan nen ambinom yoge logonet, “Aap it Mbaben mendek inowe endagembogut nen o Yekura kota-kota arum logowak nduk, aap Tapan ombooluk Akikam aput Nggeraliya mippereegerak wonage me, kiyokan ka nak o. Ka nage logomenggendik, kimbirak aakumi inom wonage time logorak kenok, time aret wonage, ndi, lek kenok, noorak mbaremenggenom nogome aret nage, eeke logomunggun o,” yinuk, yoreegerak. Yoge nagagerik, aap inowe ti nen mbi kambu wogoge, amendek ambi we wogoge, eeppunuk, nawak nduk nappereegerak.

Yeremiya 40:6

Nappege mbareegi, at Yeremiya nogo aap Akikam aput Nggeraliya o Mitipa wonage me, ka nanuk, imbirak it aakumi o time mbo piinok nogogwaarak nogo inom aret wonogogwaarak.

Yeremiya 40:7

Aap Mbaben mendek inowe endagembogut nen aap Akikam aput Nggeraliya nogo, o Yekura arum logowak nduk mippege, ndi, it aap inom, kumi inom, wologwe-komologwe inom, ambi eekkoloorak abu meek iinok, o Mbaben wogoren noolik mbo piyareegwaarak inarum logowak nduk mippege, eereegerak yogwe nogo, it Yekura ineegin warak inoweewi inom, inawuri ineegin warak inom, awo endekem ari nogogwaarak wonogwe nogo nen inaruk konembunuk,

Yeremiya 40:8

aap Netaniya aput Itimayen inom, Kareya apuri Yokanan Yonatan imbirak inom, Tanukumet aput Teraya inom, aap Netopa mendek Epayi apuri inom, at Maaka aput aap Yetaniya inom, it inawuri abok aret inom, at Nggeraliya o Mitipa wonage me ka wogogwaarak.

Yetikiyen 17:13

it Yekura mendek at abu'me piirogo menggim time mi'nariyak lek tebenak mban wonage, ndi, Wone yogop eeko logowok o, yinuk, koonogo pugu nogo mban eerit nogwe iinok, ineebe op mban wonogwe, eeko logowak nduk, aap endagembogut Yekura mendek paga wiganak ambi wagangge nagagerik, Kat koone mban konengge logokit o, yinuk, kumbuk mbanu o, yoge, ndi, it aap o ti, pipporogo wonogogwaarak nogo wogonake nagagerik, wogoren nage, eereegerak.

Yaya 13:18

Kit abok kiinok yokkirage lek o. An miirogo leengginabeegirak an neenu aret o. At nimbirak mbi nengge nogo nen aret nooriyak koonggerak o, yinuk, Ala wone liiru mbanak nogo a'me lik yuwak nduk, agaarak me, a'me lik yigin o.