Yeremiya 40:3 - Ala Wone Peenok Peebi Mbanak

³ Aliku ALA nen koonogo pereegerak nogo ndak-ndak aret eerogo pegerak me, at eerogo pegerak yi ti, kit aakumi yi, Aliku ALA maluk eeppugwi, at oone kinaruk konengga'lek mbo pugwi, eekwi kiinok, eekerak kwe,

Yeremiya 40:3 ပူးပေါင်းရင်းမြစ်များ

Nekemiya 9:28

Inagap ndako mbareegwa, iniki ugun obeelom aret wonogogwaarik, ti'nuk, kenegen keegak maluk eeko mbareegwa, inawim nen inabu'me piinok logowak nduk, ineenggime piige mbareegin, ambinom inoone nggwok paga yokkugwi iinok, kat mbogut paga nen konengge nagagindik, inabuwa nen inagap ndakak mban eeke nagagindak o.

Nekemiya 9:33

Yi wone ndi wone ninoba age kagak kwe, a'me nggelok eeppinanege, ndi, nit maluk lombok eekwi niigak, kat nen li'lak aret eeppinanege, eeke nagagindak o.

Yeremiya 11:17

Kit Iterali paga wiganak inom, Yekura paga wiganak inom, maluk eerit nogo logonet, kugi Mba'an ake obari abe kaga kani kunggo monggotak paga at awi mbilanogo kwippinagareegerak Omaawi Lombok Menggerak Aliku ALA anini mbake me, aaninggin mondok kinoba kwippinagarak koonogo pereegerak o.

Yeremiya 22:8

Ti eerogo piminggirak paga it aakumi inanebunu lombok nen tu o kota yi paga nogwe kenok, it mban-mban wone yogo logonet, O kota nggwok abu obeelom yi, Aliku ALA nen nonggop nduk togop eerogo pereegerak mbakop? yinuk, yogwe iinok,

Yeremiya 39:16

“Kat nen aap Kuti mendek Ebet-Melek wonage me nage logomenggendik, At Omaawi Lombok Menggerak Iterali inogoba Aliku Ala nen wone yoriyak yo'negerak nogo yi aret. O kota yi, obeelom eerogo piyaagin lek maluk eerogo piyaagin o, yinuk, yagarak nogo ti, a'me nggelok yikit nduk, eeke me, enegen kagak a'me nggelok yigin, yegerak kwe,

Yeremiya 44:23

At Aliku ALA yokkirage nogo konembunuk eekwi, wone yokkiragagerak Muta nen liiru mbaneegerak inom, wone lengganogo yokkiragagerak inom, Yogop ee'nu ndogop ee'nu, awone yugu inom, mugurok nogwe, eeka'lek logonet, Aliku ALA ake obari abe kaga kani kungga'lek kugi ake kunggo logonet, at maluk eeppogo nogogutak paga o yogondak aaninggin kinoba kwippinagagerak wonage kogwe yi aret o,” yinuk, yoragagerak.

Yeremiya 50:7

Aakumi ambi inom aabuk a'nuk inambeme yonggorinakwi, Ndi, it inawim nen yogo logonet, It inagari'ngga abe nenet nugu menggam kwak ti, Aliku ALA aret me, at maluk eerogo pugwi, Inombomini iniki lunik Aliku ALA maluk eerogo pugwi, Eereegwaarak kenok, Inooreegurak me, nit maluk eerulik o, yinuk, yogwe, Eereegwaarak o.

Leendawi 2:17

Aliku ALA nen eeriyak koonogo pereegerak nogo aret eeke. “Ndogop eerigin o,” yinuk, aa'nduk lombok wone lengganogo yoragagerak a'me nggelok eeke, Eeke logonet, Kabuwa mbaka'lek aret yigirik-noonom eerogo pagage, Kinom wim mbanak nen ineegin tiyak yinuk, “Op togon eeppogo a!” mba'nuk inale'nggen aruwak nduk eeppiige, Kinom ogoorak nen kat tebenogo paganuk inomaawi tiyak yuwak nduk, eerogo piige, Eereegerak.

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

Pelaareegerak 29:25

wone onggo yorogo logonet, Lek o. It aakumi yi, inombomini inogoba at Aliku Ala o Metit nen wogoren wundi wage nagagerik, inom wone abuk nggaruk togon koonogo pereegerak nogo taganogo pugwi iinok, eerogo piyareegerak o.