Yeremiya 40:2 - Ala Wone Peenok Peebi Mbanak

² It aap endagembogut eebe wonok nega inowe nen Yeremiya wonage kage nagagerik, at yoge logonet, “Kogoba Aliku Ala nen o yime aaninggin mondok nggwok lombok oba kwippuurak koonogo pereegerak o.

Yeremiya 40:2 ပူးပေါင်းရင်းမြစ်များ

Yeremiya 11:17

Kit Iterali paga wiganak inom, Yekura paga wiganak inom, maluk eerit nogo logonet, kugi Mba'an ake obari abe kaga kani kunggo monggotak paga at awi mbilanogo kwippinagareegerak Omaawi Lombok Menggerak Aliku ALA anini mbake me, aaninggin mondok kinoba kwippinagarak koonogo pereegerak o.

Yeremiya 50:7

Aakumi ambi inom aabuk a'nuk inambeme yonggorinakwi, Ndi, it inawim nen yogo logonet, It inagari'ngga abe nenet nugu menggam kwak ti, Aliku ALA aret me, at maluk eerogo pugwi, Inombomini iniki lunik Aliku ALA maluk eerogo pugwi, Eereegwaarak kenok, Inooreegurak me, nit maluk eerulik o, yinuk, yogwe, Eereegwaarak o.

Yeremiya 52:16

ndi, it aap ineenggi abu lek ando perak, anggur yarak me yabu eerit nogwe, yi mendek ndi mendek yarak wola yit nogwe, eeko logowak nduk, time aret teppiige, eereegerak.

Ala Unde 26:14

Yoge nagagerik, “Togop eerogo piyareegirak kwe, it nen an noone liirogon konengga'lek mbo pugwi, wone, Yogop ee'nu ndogop ee'nu, yorage nogo liirogon eeka'lek wonogwe,

Pelaareegerak 28:15

Yorage nagagerik, ambi yorage logonet, “Togop aret kwe, kit nen at Aliku kinogoba Ala oone konembunuk, liirogon eeka'lek mbo pugwi, wone, Yogop ee'nu ndogop ee'nu, yugu inom, wone lengganak inom, yogondak an yokkirage yi, liirogon mugurok naga'lek wonogwe, eekwi kiinok, pulunogo pinagarak kinoba kwippinagi woroorak nogo yi o.

Pelaareegerak 31:17

Togop eekwi iinok ti, an nanini kani kunik negen inobaga kwippiige, eraanggi mbo piinok mbagangge, nambot iige, eeke neenok, ineebe lek ogwe, aaninggin-paaninggin inoba kwi'nage, inawi maluk age, eeke kenok, it nen yogo logonet, At ninogoba Ala ninom lek me, aaninggin-paaninggin ninoba age yi nogo lek a? yinuk, iniki aberemenggaarak kwe,

Pelaareegerak 32:19

Aliku ALA nen kinapuri wologwe-komologwe togop eerit nugwi enegen iinok, Anini mi'nage nagagerik, mbo piinok,