Yeremiya 40:1 - Ala Wone Peenok Peebi Mbanak

¹ Aap endagembogut eebe wonok nega inowe Nebutararan nen at Yeremiya o Arama keele maarak wonage me, piinogo wumbi wagagerak kagak, Aliku ALA nen aap Yeremiya wone yoreegerak nogo yi aret. Aap Nebutararan nen aakumi Yerutalem mendek inom, Yekura mendek inom, kugun wogoren o Mbaben mbo piya naakit nduk eeke logonet, at Yeremiya nogo inenggela'me mbutigeele maarak wonage kagagerak.

Yeremiya 40:1 ပူးပေါင်းရင်းမြစ်များ

2 Mbinineegwaarak 16:1

Aap Ata endagembogut a'nuk, wone lengganogo yorage kagak, tahun 35 eeppunuk, ambi age paga it Iterali inowe endagembogut Mbayeta nogo nen it Yekura inom wim eerikit nduk, Yekura inowe endagembogut Ata inarum menggim nogome yinggwi-unggwogwe eekwi iyo, o Arama nogome omaawi eerogo pereegerak.

Ndawi 68:6

It inoreewi lek inalik tayorogon menggaarak nogo Aakumi inenggela'me logowak nduk piya wage, It aap keele maarak nogo inale'nggen mbarit wundi woraawak nduk, Wondet eerogo piige, Eeke menggerak kwe, It aap Ala ineebi mbaka nogo perak, Inawi iri'ngga wunggeelik nggween mbuk paga piige menggerak o.

Yeremiya 31:15

Aliku ALA nen yegerak nogo yi aret. “O Arama time nen iniki abu puru aago logonet, leenggu maake, Oone nggwok paga ai-ao ari, Eeke konenggaarak nogo ti, Kwe Araken aagalogwe ineebe lek agaarak me, Le mbannaburak mondok neebi o, mbake logonet, Inale ari ti aret,” yegerak o.

Yeremiya 39:9

Ti eerogo pogo nogogwaarik, aap endagembogut eebe wonok nega inowe Nebutararan nogo nen, it aakumi ando iigak nogogwaarak o kota time wonogwe nogo inom, it at inom ari wogogwaarak inom, it aakumi ugun nggininik iigak nogogwaarak nogo inom, wogoren o Mbaben naakit nduk, koonogo piige,

Yeremiya 42:7

Yogo mbareegwa, nogo 9 yippunuk, ambi yugwi paga Aliku ALA nen wone Yeremiya yoreegerak.

Yetikiyen 33:21

Mbo pinani wogogwaarak wonogwe niigak, tahun 11 eeppunuk, ambi eerak tut 9 penembunuk, ambi penenak tanggal 5 tut ti paga aap ambi o Yerutalem nen peberagangge eerak an neya wage nagagerik, yo'nege logonet, “O kota ti, abu aret lek eerogo pegaarak o,” yinuk, yo'nereegerak.

Nappiigak 21:13

at Pawulut nen, “Kit an nale yogwe paga niniki aaninggin aruwak nduk, nonggop nduk yogo ogotik? An Yerutalem nagin aret me, time neegak nogoba Yetut ake keele maa'nakwi iinok ti, op aret mbake agarik o. Ndi, noorugun kenok togon, op aret me, kit nonggop nduk yogo ogotik o?” yo'niragagerak.

Nappiigak 28:20

Wone ti aret yokkiraakit nduk, wage nagarik, Woraawak o, yinuk, kinayonggo pigirak. Nit Iterali niniki lunik monggoorak nogo paga mbuti keele maa'nabeegwaarak wone yokkiraakit nduk kinayonggo pigirak o,” yinuk, yoragagerak.

Yotuwa 18:25

ndi, kota Nggibeyon, Arama, Mbeerot,

1 Tamuwen 7:17

o Arama ti, at ame aret me, iyokan wage nagaatik, time logonet, aakumi Iterali inowak loongge nagagerak. Ndi, time logonet, at Aliku ALA ake warogo kani kunggo logowam ogobakkigirogo pereegerak.