Yeremiya 4:31 - Ala Wone Peenok Peebi Mbanak

³¹ Kwe ambi aagaluk enegen paganak yagan wake logonet, kwa ari, Kwe ndugum aagaluk aa'nduk ndake logonet, ke'mbogonik ari, Eeko mengga kwak, O Tiyon Aagalukwe nogo iniki nggiluk ari, Eenggi ndek ari logonet, “Ninom wim mbanak nen nooriyak eekwi paga niniki ma'nage me, nabuwa o,” yinuk, ari, Eeke naruk konengge agarik o.

Yeremiya 4:31 ပူးပေါင်းရင်းမြစ်များ

Wakkagagerak 27:46

Yoge nagagerik, ti'nuk peebi at Iribaka nen Itak yoge logonet, “It kumi Ket mendek ti, inenggaawak paga pegiyoorak abu neebi ee'nake me, at Yakup togon togop mban kumi Ket mendek wogonabigin kenok, an neenik logorak neebi me, ineraaket nen kambigin aret o,” yoreegerak.

Ayup 10:1

An ambinom neenik logorak anggon lombok ee'nake me, Ee'nabit unggwage an neebi mbake nogo, Nambe teeluk aret Ala yoge, Niniki andi ee'nake nogo tayok togon yoge, Eerikit o.

Ndawi 120:5

An aap o Metek wonogo menggam nugwi kwak nege, It aap o Kerat inawooliyana inom mengga kwak wonage, Eeke me, nabuwa o!

Yetaya 1:15

It ineenggi paga aap inamiya wonage kagak eekwi me, Tamban eeko logonet, ineenggi nippunuk eekwi iinok, an nena nomok ari, Ko'lu-kii'me tamban eekak mban eeremenggaarak kwe, an naruk konengga'lek mbo pege, Eerigin o.

Yetaya 13:8

Inaganak mondok ngginuk ari, Eeko logonet, Kwe ambi aagaluk ndarikit nduk, andi yagan wake menggi kwak andi nen yobak-nggolak yogwe, Inenggali nen inete ogum aago logonet, at ambi pekkagak at ambi pekkagak yogwe, Eeko logogun o.

Yetaya 21:3

Ti yorage kage nagarik, kumi elege ndaruwok nduk andi yagan wako mengga kwak, Neebe andi lombok ee'nake, Eeppiyoorak konenggirak nogo paga niniki ndenggak ari, Nenegen kagarak nogo paga niniki ma'nage, Eekerak o.

Yetaya 26:17

Kaliku ALA wae. Kwe ambi elege ndarikit nduk enegen paganak andi nen yagan wake logonet, kwa ari menggi kwak, Nit togop aret kat kenggaanom paga yagan wako nogoorak o.

Yetaya 42:14

At Aliku ALA nen ari logonet, “An o maan togon noone ambi yaga'lek wonage, Niniki yanggoppunuk puk mban wonage, Eerit wage minggirak kwe, Yogondak perak, kwe elege enegen paganak yagan wake logonet kwa ari, iniki apit eeke, tat wake, eeke menggi kwak, an togop aret eeke agarik o.

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Yeremiya 10:19

Togop me, nit andi-pandi ee'ninake me, ninabuwa o! Ninawinde-ninobaande ee'ninakerak nogo lek ariyak meek aret o. Niniki mbako logonet, “Andi kagak puk arugun,” mbakoorak kwe, meek tit ee'ninake agaarik o.

Yeremiya 13:21

“It aakumi ti, ninom a'nuk eerit nogo logowok o,” yinuk, kinom kunggo'net nagagindak nogo nen Kat tebenogo paganuk, karum logorak Aliku ALA nen mippiige kenok, kat nano yumunggun o? Kumi elege enegen paganak yagan wako mengga kwak kat togop aret kiniki andi nen yagan warumunggun lek mbaken?

Yeremiya 14:18

O kota nen endekem wundi nanuk, aap wooluwak paga inoorak wonogwe iige, Ti'nuk, o kota unggwi woraanuk, time it aakumi mbi abu nen kambit nogwe iige, Eeke agarik o. It aap an yorage neegak yoraga inom, it an neebe unde inom, nigiren o it nugulik me piya nagaarak wonogo agaarik o, Yinuk, yoret,” yo'negerak me, yagi o.

Yeremiya 15:18

An andi-pandi mban eerogo panugwi yi, lek aga'lek kunik aret wonage, Ndi, nawin mondok kunuk nenet unggwage nogo, Obeelom aga'lek kundugu tit wonage, Eeke ti nonggop nduk o? Niyo nage menggerak kwe, poronak wonage, Yi eneeri wungge menggerak kwe, wungga'lek wonage, Eeke menggi kwak Kat ti kwak me, eeppanega'lek agandik ya?”

Yeremiya 18:21

Togop me, it aap ti, inapurilogwe mbi abu nen kanggwi, Wooluwak paga ndanuk togon inookwi iinok kanggwi, It inakuwi ti, inaagalogwe kobak ogwe, it kumi togwe aret ogwe, It mendek inowe-inawot aap nogo kugi andi nen kambit nogwe, Inawuri nogo wim eeko logonet, maale paga inoorak kambit nogwe, Eeruwak nduk eeppiyet o.

Yeremiya 22:23

At eebe o Libanon kwak logonet, eyo nggabina abe Libanon mendek paga wurik me eebe obeelom wonage ti, Kwe ambi elege enegen paganak yagan wake menggi kwak, aaninggin oba ari wage kenok, Andi nen, Ia, ua, ari logogin o,” yinuk, yegerak me, yokkigi o.

Yeremiya 30:6

Wone kin wogiige logomenggendik, it yokkugwi liippuurak nogo yi aret. Aap nen elege ndaganaburak op mbaken? Lek aret kwe, Kumi elege ndaganaburak yagan wako logonet, ineenggi inaanogum tebenggologwe, Inenete ndongga kerenogo piige, eeko mengga kwak, It aap ti, nonggop nduk togop eeppatinuk wonogwe iige agarik o?

Yeremiya 45:2

“Mbaruk wae. At Iterali inogoba Aliku Ala nen yokkege nogo yi o.

Yeremiya 48:41

O kota-kota time tebenggolage, Kota-kota yugum pak wurik nogo unde eekkolage, Eerigin o. Eeke ti eyom paga it Mowap mendek inawuri ineegin warak nogo ti, Kwe elege enegen paganak yagan wake logonet, iniki lek age menggi kwak, iniki togop aret lek arugun o.

Yeremiya 49:22

Towe pen ware a'naabit wiganinuk lagi nage, O Mbotara irimbaga taati a'naabit wiga agan nege, Eeke menggi kwak, Aap ti togop eeke kaamunggup o. Eeke ti eyom paga it Erom mendek inawuri ineegin warak ti, Kwe elege enegen paganak yagan wake logonet, iniki lek age menggi kwak, iniki togop aret lek arugun o.

Yeremiya 49:24

O Ndamitik nogo omanggen tayok ari, Mbagani, nduk eeremenggerak kwe, iniki ma'nagaarak me, meek age, Kwe elege enegen paganak yagan wake menggi kwak yagan wake, Iniki andi negen wonage, Eeke agaarik o.

Yeremiya 50:43

At aap it Mbaben mendek inowe endagembogut nogo, it wogwe aruk konembunuk, Omanggen tayok ari, iniki mondok ma'nage, Kwe elege enegen paganak yagan wake menggi kwak, yagan wake, eeke agaarik o.

Yeremiya 6:2

O Tiyon Aagalukwe ti, abu kigirikwe obaabut yanggonak lombok kagak kwe, an nen maluk eerogo pigin o.

Leendawi 1:17

“Yeenggwa niruwak o,” yinuk, o Tiyon nen eenggi ndek ari kwe, it ambi nen at iniki eyak wappega'lek aret agaarik o. It Yakup paga wiganak inom koorok wonogwe nogo nen, inom ogookkolaawak nduk, Aliku ALA nen wone lengganogo yoragagerak me, “Kota Yerutalem ninenggela'me wonage ti, ogole warak aret o,” yinuk, yogo agaarik o.

Leendawi 1:20

Kaliku ALA wae. Niniki abu piirik wonage yi, pe'neyet o. Niniki andi negen ee'nabit unggwage, Eeriyak yo'nege nogo, neebi mbakak eeke nagagirak paga niniki yi koonggak ndi koonggak eeke, Eeke agarik o. Endekem nen wooluwak paga inookwi, Ndi, akem nen kugilingga paga kanggwi, Eeko agaarik o.

Leendawi 2:21

It aap inanggok inom, tawe inom, tu paga tu paga liirubu enggela'me ngginnarit nogwe, Napurilogwe komologwe tawe inom, wologwe tawe inom, wooluwak paga inoorak kambit nogwe, Eerak aret agaarik o. Kanini nen eeppiyoorak eyom ari wage kenok inoorogo piige, Inabuwa mbaka'lek logonet, inoorogo piige, Eereegindak o.

Oteya 13:13

Kwe elege ndarikit nduk yagan warogo ndake menggi kwak, at Eparayim nogo nda'nage logonet, andi kage kwe, Wulaga ti, iniki lek yuundurak aret me, at nda'nariyak eyom panggoni wagaarak kwe, Wundi wogo menggam ambe paga ari waga'lek aret agaarik o.

Mika 4:10

O Tiyon aagalogwe kit yi wae. Yogondak kineebi mbakak o kota yime nen endekem wundi nanuk, yabu nggulaame logorak agaarak me, Kwe enegen paganak yagan wake menggi kwak, kineebe yagan yobak-nggolak yogo logonip o. Kit o Mbaben aret namunggup o. Time nen aret kinagap ndake, time nen Aliku ALA nen kinawim ineenggi paga nen wondet eerogo pinagage, Eerigin o.

Mika 4:9

Kit nonggop nduk, kinoone nggwok paga le yogo ogotik? Aap endagembogut eebe kinenggela'me wonage lek nduk, yogo ogotik ya? Ndi, kit panggombinagarak lek kenok, kwe aagaluk enegen paganak yagan wake menggi kwak, o yogondak andi nen kinoone nggwok paga yogo ogotik ya?

Mika 7:1

An ti, nabuwa o! Anggur anggen irip me agaatak mbanggwi kwak, an anggen naakit nduk kwaarit nege kwe, togo'mbet yugu mban kage, Wuliinggen abe amburu warak, “Naakit lak, ao,” mbake kwe, lek kage, Eeke me,

1 Korindut 9:16

An obeelom wone yoranet nege minggirak nogo ti, Ala nen, “Yoranet nege logot o,” ari kenok, yoranet nege minggirak ti paga an wogoppatiyak abu lek o. An wone obeelom wone yoranet nege lek neenok, maluk eeppaniyak me, nagabiti mba'nuk, yoranet nege minggirak.

1 Tetalonika 5:3

It aakumi nen, “Wone ambi ninoba aga'lek nit abok obeelom aret me, niniki ale'nggen aret ogoorik o,” yogwe iigak, kwe abila aagaluk nda'nariyak eenggo'lek me, enegen pagak ari nogo pogom, ninowe abera'lek me wage logonet, mondok lek eerogo piya woraagin me, it ambi mbo nagun abu lek aret o.